ہم کرکٹ کے لیئے اس قدر دعائیں کیوں کرتے ہیں ؟؟؟؟ یہ تو صرف ایک کھیل ہے ۔ دوسری بات یہ کہ اگر مساجد میں بھی اس کی کامیابی کے لیئے دعائیں کی گیئں ہیں تو اس کا مجھے بہت افسوس ہے ۔ کرکٹ کے پیچھے نہ جانے کتنے کروڑ ڈالر کا جوا لگا ہے اور ہم اس میں اللہ کی مداخلت مانگ رہے ہیں !!!! فلسطین سے لے کر کشمیر تک بہنے والے لہو پر ہمیں اتنا افسوس نہیں ہو تا جتنا میچ ہار جانے پر ہوتا ہے ۔ امریکی بموں اور ڈورون حملوں سے ہمارے شہر ویران ہو رہے ہیں اور ہم صرف اس بات کا شکر کر کے بہٹھ جاتے ہیں کہ اس میں ہمارا کوئی پیارا نہیں مرا ۔
بے شک ہمیں اللہ ہی سے دعائیں کرنی چاہیییں یہی پیغام انبیا لے کر آئے ۔ لیکن کیا انبیا اور ان کے صحابہ بھی کھیل تماشوں کے لیئے درود ، آیت کریمہ اور صلوٰۃالحاجات پڑھا کرتے تھے ؟؟؟ جی نہیں ان کی دعائیں خالص امور کے لیئے ہوا کرتی تھیں ۔ اللہ کی محبت کے لیئ ہوا کرتی تھیں اس کے دین کی سر بلندی کے لیئے (عمل کے ساتھ ساتھ) ہوا کرتی تھیں ۔ صحابہ نے اپنے انبیا کی سنت پر عمل کیا اور ہر دور میں کامیاب رہے ۔
آج نماز پڑھ رہے ہیں تو کھیل کے لیئے ، ایت کریمہ اور درود کے ورد ہو رہے ہیں تو کھیل کے لیئے ۔ خالص اللہ کی محبت کہاں گئی ؟؟؟ اتنی خود غرضی ۔ افسوس صد افسوس ۔
اگر پاکستان میچ جیت جاتا تو کیا حاصل ہوتا ؟؟ چند روز کی مصنوعی خوشی ۔ صرف مصنوعی خوشی
نجومیوں، کاہنوں اور فال نکالنے والوں کا منہ کالا ہو گیا جو اس طرح دعوے کر رہے تھے کہ گویا عام الغیب ہوں ۔
کروڑوں لوگوں کی تسبیحات ، اور اجتماعی دعائیں بھی کام نہ آئیں اور پاکستان کو شکست کا سامنا کرنا پڑا ۔
تاہم دعا اگر کام نہ آئی تو ضائع بھی نہیں جائے گی ۔ میری تو یہ دعا ہے کہ اللہ ہماری ان دعاوں کو مصنوعی خوشیاں عطا کرنے کے بجائے حقیقی خوشیوں کا ذریعہ بنا دے ۔ مسلمانوں کو اس طرح سیدھا اور سچا راستہ دکھا دے کہ رحمتیں اور نعمتیں برس پڑیں اور اطمینان قلب نصیب ہو۔
اے اللہ ہمیں جہالت کے اندھیروں سے نکال کر روشنی عطا کر دے کہ ہم میں اتنی تمیز آجائے کہ جب تجھ سے سوال کریں تو اس چیز کا سوال کریں جو ہماری دنیا اور آخرت کے لیئے فائدہ مند ہو ۔
ہمیں توفیق دے کہ ہم ان کھیل تماشوں کی بجائے خالص تیری محبت میں تیری عبادت کریں
اگر کرکٹ کے لیئے مانگی گئی دعاوں کے رد ہو جانے سے ہمیں کوئی بہتر شے نصیب ہوتی ہے تو یہ ہمارے لیئے باعث مسرت ہو گی ۔ اور کم از کم میں - اللہ تیرے اس فیصلے پر رازی ہوں اور بار بار یہ کہوں گا کہ
اللہ تیرا شکر ہے پاکستان میچ ہار گیا

__________________

میں اک دن لَوٹ کے آوں گا