دوستوں بہنوں اور بھائیوں آج بات کرتے ہیں اس بات کی جس کو کرنا آج کل فیشن بن گیا ہے مطلب انقلاب کی ۔
جسے دیکھو اس کے لب پہ یہی ہے کہ انقلاب آنے والے ( پتانہیں کہاں سے آنے والا ہے ) - ہر سیاسی جماعت انقلاب کی بات کر رہی ہے یہاں تک کے وہ لوگ بھی جو انقلاب کے معانی تک نہیں جانتے وہ بھی جب تک انقلاب کی بات نہ کریں ان کی با ت مکمل نہیں ہوتی ، دوکاندار جب تک انقلاب کی بات نہ کرے اس کا مال نہیں بکتا ۔
میں سوچتا ہوں کے چلو لوگوں کی مان لیتا ہوں کہ انقلاب آرہا ہے ۔ مگر یہ انقلاب کیساہے اور کون لارہا ہے اور کن لوگوں کے خلاف ، مجھے تو پاکستان میں کہیں بھی فی الحال انقلاب آتا نظر نہیں آرہا۔انقلاب کیوں آئے ہمارے عوام میں ابھی بہت برداشت باقی ہے ۔اگر آج ہر چیز کی قیمت دوگنی کر دی جاے تو عوام کل کا دن تو شاید تھوڑا بہت شور مچائیں گے مگر اگلے دن سب کچھ معمول کے مطابق ہوگا ۔یہا ں ہر کوئی انقلاب کی بات کرتا ہے مگر عمل کےلیے دوسرے کی طرف دیکھتا ہے کہ پہل کوئی اور کرے ایسے انقلاب نہیں آیا کرتے ۔ انقلاب قوم کے جوان لایا کرتے ہیں ۔افسوس کے ساتھ کہنا پڑتا ہے کہ ہمارے جوان اور سٹوڈنٹس کو یہ تو پتا ہے کہ کون سی انڈین فنکار یا فنکارہ کیا کر رہی ہے مگر اپنے ملک کے اند رکیا ہو رہا ہے کوئی پتا نہیں۔فلموں ڈراموں اور مسیجیز کرنے سے فرصت ملے تو ملک کے بارے میں سوچنے کا موقعہ ملے ۔

دوستوں اس موضوع کو شروع کرنے کا ہے مقصد یہ ہے ہم سب دوست مل کر یہ معلوم کر سکیں کہ کیا پاکستان میں انقلاب آنے والا ہے یا کیا واقعی پاکستان میں انقلاب آنا چاہیے ۔ اس انقلاب کے مقاصد کیا ہیں ۔اور کون لوگ یہ انقلاب لاسکتے ہیں‌۔