ھارون اعظم

اسکول کے زمانے میں‌ ایک کہانی پڑھی تھی۔

ایک لڑکا تھا، اس کو اسکول میں جب کبھی ٹیسٹ میں مضمون لکھنے کا کہا جاتا، تو وہ ہمیشہ ”میرا دوست“ والا مضمون تھوڑی سی تبدیلی کے ساتھ اس میں شامل کردیتا۔ مثلاً اس کو کہا جاتا، میرا پسندیدہ استاد پر مضمون لکھو۔ وہ شروع ہوجاتا، فلاں میرا پسندیدہ استاد ہے۔ وہ ہمیں معاشرتی علوم پڑھاتے ہیں۔ ہمارے ساتھ کلاس میں اللٰہ بخش بھی ہے۔ اللٰہ بخش میرا بہت اچھا دوست ہے۔ اس کے ابو سرکاری ملازم ہیں۔۔۔۔۔۔۔۔۔۔۔۔۔۔۔۔۔۔۔ پورا مضمون اللٰہ بخش کے بارے میں لکھ دیتا۔ اساتذہ نے تنگ آکر اس کو ہوائی جہاز پر مضمون لکھنے کو کہا، اور ساتھ میں یہ بھی بتایا کہ وہاں پر اللٰہ بخش نہیں ہے۔ اس نے لکھنا شروع کیا، میں اپنے ابو کے ساتھ ہوائی جہاز کے اڈے گیا۔ وہاں بڑے بڑے جہاز کھڑے تھے۔ ہم جہاز کے پروں پر بیٹھ گئے۔ وہاں‌ میرا دوست اللٰہ بخش نہیں تھا۔ اچانک میں نے نیچے دیکھا، تو اللٰہ بخش گلی میں جارہا تھا۔ اللٰہ بخش میرا بہت اچھا دوست ہے، اس کے ابو سرکاری ملازم ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔

گزارش یہی ہے، اللٰہ بخش کے علاوہ بھی کسی پر لکھیں۔

__________________


http:// haroonazam.wordpress.com

ھارون اعظم کا بلاگ۔

عبداللہ آدم

ہا ہا ہا ہ ا ہا ہا...............................

اللہ بخش

اداس ساحل

ھارون بھائی

السلام علیکم

آپ نے بہت جلدی کہانی ختم کر دی اور اس ادھوری کہانی پر لوگ نجانے کیوں کھلکھلا کر ہنسنا شروع ہو گئے۔۔۔۔۔۔۔۔۔۔۔عجب سی بات ہے۔۔۔۔۔۔۔۔۔۔۔۔۔۔۔۔۔۔

کہانی کا دوسرا حصّہ سنیے

یہ لڑکا بڑا ہوا اور اللہ بخش کو اپنا دوست ہی سمجھتا رہا۔ ہر بات میں اس کے ذہن میں اللہ بخش کا تصوّر رہنے لگا اور اس نے اپنے خیالات میں اس کو اپنا ماہی مان لیا۔ اس لڑکے نے اپنی مزہبی اور دوسرے افکار کو بھی اللہ بخش سے ہی منسوب کر لیا۔ ایک روز اخبار میں اس نے خبر پڑھی کہ اللہ بخش کی ماں نے لنگر میں بھوک کی آگ مٹانے والوں کے مسائل ہمیشہ کے لیے ختم کر دئیے ہیں۔ وہ لڑکا بہت خوش ہوا اور اپنے خیالی دوست کی ماں کو دل ہی دل میں مثالی بنا لیا۔

اس لڑکے کی معصومیت کی حد دیکھیے کہ ایک دن اللہ بخش اس کے پاس آیا۔ اس نے جب اپنی خیالی شخصیت کو سامنے دیکھا تو ڈگمگا سا گیا۔ پل بھر میں اس کے زہن میں اس کی ماں کا تصور ناچنے لگا۔ اس یقین نہیں آیا کہ اس کا خیالی دوست ایک دہشت گرد ہے، اس کی ابو سرکاری ملازم نہیں ہیں بلکہ مزہبی جنونیت سے تعلق رکھتے ہیں اور کی ماں مثالی نہیں بلکہ کتنی معصوم جانوں کی قاتل ہے۔

یہ اللہ بخش کتنے گھروں اور دوستوں کی اصلی کہانی ہو گا، سوچیے؟؟؟؟

باقی کہانی آپ آگے پڑھیے۔۔۔۔۔۔۔۔۔۔۔۔۔۔۔۔۔۔۔۔ ۔۔کیوں کہ یہ کہانی آپ نے شروع کی تھی

ھارون اعظم

لو جی، پھر اللٰہ بخش۔

اداس ساحل

پا جی پنڈ نہیں جلنا، فیر ادہی بس کیوں پھڑ دے ہو۔۔۔۔۔۔۔۔۔۔۔۔۔۔۔۔۔۔۔یا فیر تھاڈے چھولے مک گئے نے۔۔۔۔۔۔۔۔۔۔۔۔۔۔۔۔۔۔۔۔

حیدر

اس بات کا مطلب یہ بنتا ہے کہ اگر اللہ بخش پر بات کرنی ہے تو کرو ورنہ کسی اور تھریڈ جاؤ۔
واہ !
کل کلاں کو یہ ہو جائے گا کہ اگر اللہ بخش پر میرے موقف کے مطابق بات کرنی ہے تو کرو ورنہ کسی اور تھریڈ جاؤ۔

اداس ساحل

حیدر بھائی

السلام علیکم

سب سے پہلے تو دور اندیشی کی مہارت کی مبارک ہو۔ دوسری بات اللہ بخش کسی کے بچپن کی یاد تھی جو نجانے ذہن سے نکل نہیں سکی ورنہ اللہ بخش کی یہاں ضرورت نہیں تھی۔ تیسری بات درپیش مسائل سے آنکھ چرانا کم از کم میرا شیوہ نہیں ہے۔ مسائل کو خوش اسلوبی سے حل کرنا میرا مقصد ہے اور یہ خوش اسلوبی اتحاد سے آتی ہے، کسی کی ٹانگ کھینچنے سے نہیں۔ اگر میں مسلمانوں اور مسلم امت کو درپیش مسائل کو حل کرنے کی کوشش کر رہا ہوں تو سمجھ میں نہیں آتا کہ اتنی "عداوت" کیوں؟؟؟

خیر، آپ وہ کریں جو آپ کو کرنا ہے اور میں وہ کروں گا جو مجھے کرنا ہے۔ مجھے انتہا پسندی کو ختم کرنا ہے اور ابھی کچھ عرصے میں آپ دیکھیں گے کہ:

میں تنہا ہی چلا جانب منزل فقط

لوگ ملتے گئے اور کارواں بنتا گیا

حیدر

ڈبل پوسٹنگ ڈیلیٹد ۔

حیدر

معذرت کے ساتھ میرا آپ کے ساتھ محض اتنا اختلاف ہے کہ آپ اعتدال پسندی کے نام پر دھوکا کھا رہے ہیں اور ایک اور قسم کی انتہا پسندی میں پھنس گئے ہیں۔ اور بھی غم ہیں دنیا میں طالبان کو رونے کے سوا۔
میرے ساتھ چلیے گا رحیم یار خان کے جیسے جدید شہر کے بالکل پہلو میں واقع ، محض 70 کلومیٹر کے فاصلے پر روجھان مزاری میں۔ جہاں طالبان سے بڑی عفریتوں سےآپکی ملاقات کرواؤں گا۔ آپکو انکے کارنامے آپکی آنکھوں سے دکھاؤں گا۔
آپ میرے ساتھ چلیے گا بلوچستان کے علاقے کوہلو میں۔ میں آپکو دکھاؤں گا غربت کسے کہتے ہیں
اپ میرے ساتھ چلیے گا پنجاب کے تعلیم یافتہ ترین علاقے سیالکوٹ، میں آپ کو وہ گھر دکھاؤں گا جس کے دو چشم و چراغ توبہ کی مہلت دئیے بغیر سسکا سسکا کر مار دئیے گئے۔ میں تھرا اُٹھا تھا ظلم و بربریت کی انتہا دیکھ کر۔ اور دل میں شکر ادا کیا تھا کہ یہ واقعہ طالبان کے نام نہیں لگا ۔یہ واقعہ بلوچستان میں نہیں ہوا۔ یہ روشن پسندوں کے کارنامے ہیں۔
کبھی چلئیے گا میرے ساتھ جھڈو میں جہاں نویں جماعت کی ایک طالبہ کے ساتھ اجتماعی زیادتی کی گئی اور اسکی تصاویر اتار لی گئیں۔ کبھی اس بہن کی اشک شوئی بھی کر لیجیے گا۔کبھی میرے ساتھ چلیے گا خانپور کے اُس پولیس سٹیشن میں کہ جہاں ہمارے محافظ پولیس والوں نے ایک شخص پر تشدد کا نیا طریقہ ایجاد کیا کہ اس کے اس کے پیچھے سے مشروب کی بوتل اسکے اندر گھسانے کی کوشش کی ۔جس کے نتیجے میں وہ مارا گیا۔میرے ساتھ رحیم یار خان کے ان 70 خاندانوں سے ملیے جن کے افراد کو اغوا کر لیا گیا ہے۔ میرے ساتھ کراچی بھی چلیے گا جہاں جدید انتہا پسند ہر چند ماہ میں ایک بار خون کی ایسی ہولی کا کھیل کھیلتے ہیں جس میں محض سیکڑوں غریب ہی مرتے ہیں

جناب اور بھی غم ہیں دنیا میں طالبان کے سوا۔ طالبان محض مارتے ہیں۔ ایسے مرنے کا محض دو دن دُکھ رہتا ہے۔کس کو یاد ہے کہ پشاور میں کیا ہوا تھا، طور خم میں کیا ہوا تھا، باجوڑ میں کیا ہوا تھا۔لیکن ہم جیسے جدید انتہا پسند تڑپا تڑپا کر مارتے ہیں۔ کراچی میں ڈاکؤوں کو زندہ جلا دیتے ہیں۔ سیالکوٹ میں ڈنڈنے مار مار کر اور گاڑیوں کے ساتھ گھسیٹ گھسیٹ کر جسم ادھیڑ دیتے ہیں۔ہم جدید پسندوں کے ظلم سے تو شیطان بھی تھرا اُٹھتا ہے۔میں نے طالبان کے ڈر سے کبھی بازار جانا نہیں چھوڑا۔ لیکن سیالکوٹ کے واقعہ کے بعد ہر اجنبی سے ڈر کر ضرور بات کرتا ہوں کہ نا جانے اسکی برادری میرے ساتھ کیا سلوک کرے۔
طالبان تو کل کی پیداوار ہیں۔ ان عفریتوں نے گزشتہ ساٹھ سال سے ہمارے ملک کو جکڑا ہوا ہے۔
میں صاف صاف کہتا ہوں طالبان خود ہماری پیداوار ہیں۔ ہمارے اعمال کی پیداوار ہیں۔ ہم میں سے جب کبھی کوئی کسی کمزور کا حق مارتا ہے وہ ایک خود کش حملہ کی بنیاد رکھ دیتا ہے۔جب کبھی پولیس کسی پر ستم کرتی ہے وہ اسکو کسی خود کش بریگیڈ میں بھرتی ہونے پر مجبور کر دیتی ہے۔
بے شک ماضی میں طالبان کسی بھی وجہ سے پیدا ہوئے ہوں۔ لیکن آج کے طالبان کو خود ہم طاقت بہم پہنچا رہے ہیں۔

جو اصل مسائل ہیں ان سے نظریں ہی چرائی جا رہی ہیں۔ طالبان کے نام پر ایک ہوا کھڑا کر کے اصل برائیوں کو چھپایا جا رہا ہے۔

اداس ساحل

حیدر بھائی

السلام علیکم

بجا کہا آپ نے "اور بھی غم ہیں زمانے میں " اور فیصل بھائی اور ہارون بھائی سے شاباش بھی لے لی

آپ نے یہ بات 12 آنے درست کہی ہے، چار آنے میں آپ سے متفق نہیں ہوں

مسئلہ سارا کا سارا ہی "شدّت پسندی" کا ہے۔ آپ نے بھی اس شدّت پسندی کو اجاگر کیا ہے اور میں بھی شاید نہیں بلکہ یقینی طور پر اس شدّت پسندی کے خلاف ہوں۔ سیالکوٹ کا واقعہ، ڈاکووں کا واقعہ اور کئی ایسے واقعات امارت اور غربت سے داستانیں۔۔۔۔۔۔۔۔۔۔۔

یعنی کہ امارت بھی شدّت کی اور غریبی بھی، غصّہ بھی شدّت سے بھرپور اور پیار بھی، ظلم بھی شدّت سے اور عیاشی بھی شدت سے۔


یار کوئی چیز ہے جو "نارمل" ہے؟؟؟؟

آپ کے عمران خان بھائی نے کل ہی کہا ہے کہ شدّت پسندی "شدّت" سے ختم نہیں ہوتی ہے بلکہ بات چیت سے ہوتی ہے۔ اور بات چیت کے لیے کون تیار ہے؟؟؟آپ نے گیارھویں کی اردو کی کتاب "مرقع ادب" میں ایک مضمون ضرور پڑھا ہو گا کہ بات چیت کی اہمیت کیا ہے اور اس بات چیت کو خاص طور پر بر صغیر میں کیسے عمل میں لایا جاتا ہے۔ کہانی کا آغاز سر سید احمد خان کے اقتباس سے شروع ہوتا ہے۔ ضرور پڑھیے گا۔۔۔۔۔

شمشاد احمد

تو تيار كيجئے نا اپني حكومت اور فوج كو اپنے ہي اللہ بخشوں سے بات چيت كرنے كےلئے۔۔۔۔ اور ہو سكے تو گياروھويں كي اردو كي كتاب تمام متعلقہ ذمہ داروں كو مضمون كي نشاندھي كے ساتھ ارسال كرديں۔۔۔۔ ويسے سلمان تاثير كے قتل پر جاہل مطلق رحمن ملك كا يہ تبصرہ توجہ طلب ہے كہ جب گھر والے ہي قاتل بن جائيں تو كس پر كوئي بھروسہ كرے۔۔۔۔۔۔۔۔ اب شايد احساس ہو رہا ہو كہ جب ا پنے ركھوالے ہي جان كےدشمن بن جائيں جسم كي تكليف سے زيادہ روحاني تكليف ہوتي ہے۔۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

اداس ساحل

شمشاد بھائی

کیا آپ میں صرف "نہیں" کا بٹن فٹ ہے؟ اگر ایسے ہی چلنا ہے تو ضرور چلیے لیکن شاید آپ اپنے آپ کو دھوکہ دے رہے ہیں۔ ماشااللہ آپ قابل فہم ہیں، تھوڑا سا تو مثبت سوچیے۔ اور میں بالکل بھی نہیں سمجھ پا رہا ہوں آپ کے حکومت اور فوج کو اپنے ہی اللہ بخشوں سے بات چیت کرنے کی بات؟؟؟؟؟؟؟اگر ہو سکے تو تھوڑا سا کھل کر کہیں اور بھائی صاحب تھوڑا سا، تھوڑا سا، ماڑا جنا "ہاں" کا بٹن کو بھی چھیڑو۔ مجھے بہت عرصہ ہو گیا ہے اس مضمون کو پڑھے ہوئے لیکن میں ضرور آپ کو اس کا عنوان دوں گا

برا نہیں منانا اگر میں اوور ہو گیا ہوں۔۔۔۔۔۔۔۔۔۔۔۔۔

ھارون اعظم

ارے یہ اللٰہ بخش تو بہت مشہور ہوگیا۔

حیدر

ہیں ۔۔۔۔
اچھا اللہ بخشے یار اُسے