جران ی طرح قربانی کے بارے میں بھی پہلے غلط فہمی ہوئی.
چنانچہ یال تھا کہ یہ کسی زرہ پوش اور کفن بردوش جذبے انام تھا اور اس زمانے میں جنگ کے تلوار اور ڈھال اور دفاع کے لیے یہ جذبہ کام آتا تھا.....

وقت گزرا تو یہ غلط فہمی بھی دور ہوئئ، معلوم ہوا کہ جنگ تو ہر وقت جاری ہے اور اس کے وار سے نہ وئ طہ خالی ہے نہ کوئی لحظہ فارغ.اس جنمگ میں ہر قدم پر قربانی پڑتی ہے اور اس کی بھی مختلف صورتیں ہوتی ہیں ہیں.انتہائی صورت شہادت ہے مگر بعض لوگوں کی زندگی لکھی جاتی ہے کہ وہ جیتے جی شہید ناز ہو جاتے ہیں.

اس قبیلہ کے لوگ زندہ شہید کا درجہ رکھتے ہیں اور ان کے امام کا نام احمد بن حنبل ہے....مامون کے عہد میں امام حنبل کی مشکیں کسی گئیں،معتصم کے عہد میں انہیں کوڑے مار کر بیہوش کرتے اور تلوار کی نوک چبھا کو ہوش میں لاتے،واثق کا عہد آیا تو انہیں قید تنہائی کی سزا ملی.پیرانہ سالی آئی تو ابتلا کی جگہ اس احترام نے لے لی جو آج بھی لوگوں کے دلوں میں تازہ ہے.قیامت آئے تو کیا عجب کہ جہاں پیشانی سجدے کے نشان سے روشن ہوگی وہاں پشت دروں کے نشان سے روشن تر ہو جائے.

وہ پشت جسے بعض حآکم درے لگانے کے لیے استعمال کرتے ہیں،اس پر لوگ خوشی سے کئی نسلوں کا بوجھ اٹھا لیتے ہیں.

دراصل جرات ایک کیفیت ہے اور قربانی اس کیفیت پر گواہی،جران ایک طرز اختیار ہے اور قربانی ایک طریق ترک کو کہتے ہیں.اس ترک و اختیار میں بسر ہو جائے تو زندگی جہاد اور موت شہادت کا نام پاتی ہے.

:::::::::::::::::::::::::::::::آواز دوست از مختار مسعود::::::::::::::::::::::::::::