کراچی میں بم دھماکہ 40 افراد اپنے خاق حقیقی سے جاملے ، نامعلوم افرد نے دوکانیں اور بسیں جلائیں جس سے 25 ہزار افراد متاثر ہوئے
یہ خبر پڑھی مذمت کی اور اپنے کاموں میں مصروف ہوگئے ۔ ہم نے کیا کیا ، کچھ نہیں چند باتیں کی افسوس کیا ۔ بس قصہ ختم ۔ یاد رکھیے ، یہ بم دھماکے پاکستان میں اب ختم نہیں ہونگے ۔ کیونکہ پاکستان کی سیاست بھی وہی ہے ، حکومت بھی وہی ہے ، خارجہ پالیسی بھی وہی ہے ۔ کچھ نہیں بدلہ
فلحال ہم نہ مرنے والوں میں شامل ہیں اور نہ مارنے والوں میں ۔ ہم ٍصرف مذمت کرنے والوں میں شامل ہیں ۔ جو کچھ نہیں کرتے وہ مذمت کرتے ہیں ۔لیکن ایک اور گروہ بھی ہے پاکستان میں وہ ہے مدد کرنے والوں کا گروہ ۔ کیوں نہ ہم مدد کرنے والوں میں شامل ہوجائیں ۔
آج ہم دوسروں کی تکلیف دور کریں گے کل اللہ ہماری تکلیف دور کرے گا ۔ آج ہم کسی کی زندگی میں سکون لائیں گے کل اللہ ہماری زندگی کو پرسکون بنائے گا انشاءاللہ ۔ اگر ہم یہ سوچتے ہیں کہ خود ہمارا اپنا پورا نہیں ہوتا تو ہم دوسروں کی مدد کیسے کریں ۔ تو یاد رکھیں مدد کبھی مال سے نہیں ہوتی ، مدد سوچ سے نیت سے ہوتی ہے ۔ ہم نیت کریں دوسروں کی مدد کرنے کی اور اس کے لیے جدوجہد کریں اور اپنی ضروریات کو بالائے طاق رکھ کر اگر دوسروں کی مدد کریں تو اللہ ہم کو اس دنیا میں بھی اور آخرت میں بھی دوگنا بلکہ ستر گناہ بڑھا کر دے گا ۔ ہمارے رزق اور مال میں برکت ہوگی انشاءاللہ ۔ کہتے ہیں اپنی آمدنی بڑھانی ہے تو دوسروں کو کھانا کھلاؤ ۔
ان بم دھماکوں میں جو جان سے ہاتھ دھو بیٹھے ان کے لیے تو ہم دعا کرسکتے ہیں لیکن ان کے پیچھے جو خاندان ہے کیا ہم ان کا ساتھ نہیں دے سکتے ۔ کیا ہم سب مل کر بھی ایک خاندان کی کفالت نہیں کرسکتے ۔ اپنے دل سے پوچھیں اگر کل ہم بھی ان متاثرین میں شامل ہوئے اور ہماری بھی کسی نے مدد نہ کی تو کیا ہوگا ۔
اللہ ہم سب کا حامی و ناصر ہو

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے