حضرت یوسف علیہ اسلام جب مصر کے بادشاہ بن گئے تو آپ نے قحط سے نمٹنے کے لیے سات سال کے لئے غلہ اکٹھا کر لیا قحط کے سالوں میں آپ یہ غلہ سستے داموں فرخوخت کرتے تھے اور فقراء اور مساکین کو غلہ مفت تقسیم کرتے تھے اور یہ سارا کام اپنی نگرانی میں فرماتے تھے ایک دفعہ اسی طرح فقراء میں غلہ تقسیم ہو رہا تھا فقراء اور مساکین کی لائن لگی ہوئی تھی باری باری سب اپنا حصہ وصول کررہے تھے اور گھروں کو جا رہے تھے آپ علیہ اسلام نے دیکھا کہ ایک نوجوان انتہائی غریب اور خستہ حالی کے ساتھ حاضر ہوا اپنے حصہ کا غلہ وصول کیا اور اسے ایک طرف رکھ کر دوبارہ لائن میں لگ گیا آپ نے سوچا کہ ہو سکتا ہے کہ اسکی ضرورت زیادہ ہوں چلو لینے دو دوسری دفعہ لینے کے بعد وہ پھر لائن میں لگ گیا آپ علیہ اسلام نے پھر بھی چشم پوشی فرمائی چوتھی دفعہ جب وہ نوجوان قطار میں جا کر کھڑا ہوا تو آپ علیہ اسلام نے اسے بلوالیا اور اسپر برہمی کا اظہار کرتے ہوئے فرمایا کہ تو بار بار ایسا کیوں کرتا ہے وہ کہنے لگا کہ حضرت اگر آپ کو پتہ چل جائے کہ میں کون ہوں تو یقیناً آپ ایسا نہ کہیں آپ علیہ اسلام نے پوچھا کہ تو کون ہے مجھے اپنا تعارف کرا وہ کہنے لگا میں وہی بچہ ہوں جس نے آپکی پاکدامنی کی گواہی دی تھی جب کہ آپ پر زلیخا نے جھوٹا الزام لگا دیا تھا،،(قرآن مجید کی آیت(
[COLOR="Red"]وشھد شاھد من اھلھا الخ[
میں اسی گواہی کا تذکرہ ہے حضرت یوسف علیہ اسلام اس نوجوان کو دیکھ کر بڑے خوش ہوئے اسکا انتہای اکرام کیا اسے اپنے پاس شاہی مہمان بنایا اور اپنی طرف سے اسے کپڑوں کا قیمتی جوڑا بھی دیا سواری کے لیے اعلی نسل کا گھوڑا بھی دیا کئی من غلہ اور کتنے دراہم وغیرہ دیکر رخصت کیا اللہ تعالی نے آپ علیہ اسلام پر وحی فرمائی کہ اے یوسف جس شخص نے تیری پاکیزگی کی گواہی ایک دفعہ دی تو اسپر کتنا خوش ہوا اور کتنا انعام واکرام دیا بھلا جو شخص میری توحید کی گواہی دیتا ہے میں اسپر کتنا خوش ہوتا ہوں گا وہ کس طرح میری عنایات سے محروم رہ سکتا ہے اور ایک موذن یا ایک داعی پر میں کتنا لطف وکرم کرونگا
----نتائج----
(1-لاالہ الا اللہ کی گواہی دینا بہت بڑا عمل ہے
(2-اپنے حق میں گواہی دینے والے سے جب مخلوق خوش ہوتی ہے تو خالق کتنا خوش ہوتا ہو گا
(3-حضرت یوسف علیہ اسلام بھی غیب کا علم نہیں رکھتے تھے

COLOR]