اجمل

تصوف اللہ رب العزت سے ایسی بے لوث اور بے غرض دوستی اور محبت کا نام ہے جو نہ صرف دنیاوی لالچ، اخروی طمع سے یکسر پاک ہو بلکہ اس راہ پر چلنے والے (سالک ) کا قلب تعلق باﷲ میں دنیا و آخرت کے تمام نفع و نقصان کے اندیشوں سے بالکل بے نیاز ہو جائے اور اخلاص کا جذبہ ظاہر و باطن میں اس قدر رچ بس جائے کہ انسان کی بندگی محض لوجہ اﷲ ہوجائے، بندے کی عبادت کا مقصد صرف اللہ تعالیٰ کی رضا اور اس کے مکھڑے کا دیدار ہو جائے اس کی عبادت نہ مال و دولت، عزت و شہرت کے لئے ہو نہ جنت کے لالچ کے لئے اور نہ ہی دوزخ کے خوف سے۔ الغرض تعلق باﷲ کی لذت و حلاوت اور محبت الٰہی کی چاشنی و شرینی بندے کو اس طرح محبوب تر ہو جائے کہ بارگاہ الٰہی میں حاضری کے وقت اس کے دل میں کسی غیر کا خیال تک بھی نہ گزرنے پائے اور وہ ہر وقت بندگی کی اسی کيفیت میں رہے۔ حقیقت تصوف تمام تر حسن نیت، حسن احوال، حسن اخلاق، حسن اعمال سے عبارت ہے۔

فتویٰ آن لائن - تصوف کی حقیقت کیا ہے؟



حقیقت تصوف

شعبان نظامی

علامہ اقبال کا خط سید سلیمان ندوی کے نام
"13 نومبر 1917، لاہور
مخدومی! السلام علیکم آپ کا نوازش نامہ قوت روح اور اطمینان قلب کا باعث ہے۔ میں ایک مدت کے مطالعہ اور غور و فکر کے بعد ان ہی نتائج پر پہنچا ہوں جو آپ کے والا نامہ میں درج ہیں، جو کام آپ کر رہے ہیں جہاد فی سبیل اللہ ہے، اللہ اور اس کے رسول آپ کو اس کا اجر عطا فرمائیں گے۔ اس میں ذرہ بھی شک نہیں کہ تصوف کا وجود ہی سرزمین اسلام میں ایک اجنبی پودا ہے جس نے عجمیوں کی دماغی آب و ہوا میں پرورش پائی ہے۔"
اقبال نے تصوف کے بارے میں‌اس قسم کی رائے دی ہے آپ اس بارے میں کیا کہتے ہیں۔
قرآن مجید یا حدیث نبوی صلی اللہ علیہ وآلہ وسلم میں ہمیں اس سلسلہ میں کیا رہنمائی ملتی ہے؟

عبیداللہ عبید

اس کے بعد سید سلیمان ندوی نے کیا جواب دیا تھا ، دیانت داری کا تقاضا یہ ہے کہ وہ بھی یہاں درج کریں ۔ ممکن ہے وہی تصوف کےمؤیدین کی رائے ہو اور اس کا استنباط وہ اپنے فکر کے مطابق قرآن یا حدیث نبوی صلی اللہ علیہ وآلہ وسلم سے کرتے ہوں اور اس سلسلہ میں اسے راہنما سمجھتے ہوں ۔

شعبان نظامی

آپ ہی نقل کر دیں! میں نے وہ نہیں پڑھا اگر پڑھا ہوتا تو یقینا درج کرتا۔

عبیداللہ عبید

یہی بات میں آپ کے ایک دوسرے مراسلے کے جواب میں ایک الگ تھریڈ میں بھی کرچکا ہوں مجھے پتہ ہوتا تو میں درج کردیتا لیکن علامہ سید سلیمان ندوی اور علامہ اقبال دونوں کے خط وکتابت کے متعلق اقبال کے کسی سوانح حیات میں پڑھا ہے ۔ جب آپ نے ایک کے خطوط پڑھے ہیں تو دوسرے کے بھی شاید پڑھے ہوں ۔ میں نے تو صرف اندازے کی بنیاد پر بات کی ہے ۔

ورنہ مجھے بذاتِ خود علمِ تصوف سے کچھ دلچسپی نہیں ۔

شعبان نظامی

اقبال کا خط نقل کئے دیتا ہوں:
مخدومی! السلام علیکم آپ کا نوازش نامہ قوت روح اور اطمینان قلب کا باعث ہے۔ میں ایک مدت کے مطالعہ اور غور و فکر کے بعد ان ہی نتائج پر پہنچا ہوں جو آپ کے والا نامہ میں درج ہیں، جو کام آپ کر رہے ہیں جہاد فی سبیل اللہ ہے، اللہ اور اس کے رسول آپ کو اس کا اجر عطا فرمائیں گے۔ اس میں ذرہ بھی شک نہیں کہ تصوف کا وجود ہی سرزمین اسلام میں ایک اجنبی پودا ہے جس نے عجمیوں کی دماغی آب و ہوا میں پرورش پائی ہے۔ آپ کو خیرالقرون والی حدیث یاد ہوگی، اس میں نبی کریم فرماتے ہیں کہ میری امت میں تین قرن کے بعد سمن (ویظہر فیہم السمن) کا ظہور ہوگا۔ میں نے اس پر دو تین مضامین اخبار وکیل امرتسر میں شائع کئے تھے جس کا مقصود یہ ثابت کرنا تھا کہ ’سمن‘ سے مراد رہبانیت ہے، جو وسط ایشیائی اقوام میں مسلمانوں سے پہلے عام تھی۔ ائمہ محدثین نے جیسا کہ آپ کو معلوم ہے یہ لکھا ہے کہ اس لفظ سے مراد عیش پرستی ہے، مگر لسانی تحقیق سے محدثین کا خیال صحیح نہیں کھلتا، افسوس ہے کہ عدیم الفرصتی اور علالت کی وجہ سے میں ان مضامین کا سلسلہ جاری نہ رکھ سکا میرا تو عقیدہ ہے کہ غلو فی الزہد اور مسئلہ وجود مسلمانوں میں زیادہ تر بدھ (بہمنیت) مذہب کے اثرات کا نتیجہ ہیں، خواجہ نقشبند اور مجدد سرہند کی میرے دل میں بڑی عزت ہے، مگر افسوس ہے کہ آج یہ سلسلہ بھی عجمیت کے رنگ میں رنگ گیا ہے۔ یہی حال سلسلہ قادریہ کا ہے جس میں میں خود بیعت رکھتا ہوں، حالانکہ حضرت محی الدین(عبدالقادر گیلانی) کا مقصود اسلامی تصوف کو عجمیت سے پاک کرنا تھا۔
مولف سے میری مراد ایڈیٹر کتاب الطواسین موسیو مبگنان ہے، میں نے فرانسیسی زبان میں اطواسین کے مضامین پر حواشی لکھے ہیں، انشاءاللہ معارف کے لئے کچھ نہ کچھ لکھوں گا، میری صحت بالعموم اچھی نہیں رہتی، اس واسطے بہت کم لکھتا ہوں، مثنوی اسرار خودی کا دوسرا حصہ یعنی رموز بے خودی (اسرار حیات ملیہ اسلامیہ) قریب الاختتام ہے، شائع ہونے پر ارسال خدمت کروں گا، امید ہے کہ آپ کا مزاج بخیر ہوگا۔
مخلص اقبال


جی بالکل میں نے آپ کا وہ مراسلہ پڑھا۔ بہر حال اب آپ کہیے کہ آپ اس بارے میں کیا رائے دیتے ہیں؟
میں ان شاء اللہ اس پر مزید بات کروں گا ۔۔۔۔۔۔۔۔

عبیداللہ عبید

فی الحال عالمِ توقف میں ہوں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ کچھ رائے ظاہر نہیں کرسکتا ۔

مرزا عامر

حقیقت تصوف کے نام سے ایک دھاگہ اور بھی ہے یہاں کلک کریں

شعبان نظامی

چلئیے کوئی بات نہیں ۔ دوسرے تھریڈمیں بھی اس مسئلہ پر بات چل رہی ہے۔

فیصل ناصر

رسول اللہ اور صحابہ اکرام کا تصوف کیا تھا ؟
یہ سارے پیری فقیری کے حربے ہیں جن کا مقصد شخصیت پرستی کے سوا کچھ نہیں
دین اسلام حقیقت پر مبنی ہے اس میں طلسمی داستانوں کی کوئی گنجائش نہیں
اس لئے بلبل ہزار داستان کی کہانیوں ایک طرف رکھیں اور مسلمانوں کے حقیقی مسائل کی طرف توجہ دیں


حقیقت خرافات میں کھو گئی
یہ امت روایات میں کھو گئی

یہ میرا موقف ہے
اور اس پر بحث کا کوئی ارادہ نہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

عبداللہ آدم

فیسل انکل !قلب کے معاملے کو بالکل بھی نظر انداز کرنا مناسب نہیں ہے، اسے میں تو تزکیہ کے نام سے یاد کرتا ہوں ، البتہ تصوف بھی کہہ لیا جائے لیکن اس میں حد سے نہ برھا جائے تو بھی بات ہے.

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

فیصل ناصر

عبداللہ بھائی
بات یہ ہے کے کسی کو انگلی پکڑاؤ تو وہ سیدھا کندھے تک جاتا ہے

تزکیہ چیز دیگر است
نفس کی تربیت کے لئے کسی پیر فقیر کی بیعت کرنا واجب نہیں ہے

حیدر

اوپر موجود کوئی مراسلہ نہیں پڑھا۔ اس لیے ممکن ہو کہ میں آف ٹاپک ہو جاؤں۔
میرے نزدیک اُستاد، مُرشد کی موجودگی انتہائی ضروری ہے۔ تنہا انسان کے بھٹکنے کے چانسز زیادہ ہیں اور اگر وہ منزل پر پہنچ بھی جائے گا تو بہت زیادہ تکلیفیں اُٹھائے گا۔ اس کے برعکس استاد یا مرشد اپنے تجربات کی روشنی میں اس کو براہ راست منزل تک لے جا سکتا ہے۔

شعبان نظامی

در اصل “حقیقت تصوف” کے نام سے ہی ایک تھریڈ پہلے سے چل رہا ہے اور وہاں پر قطب اور ابدال کے حوالے سے بحث ہو رہی ہے۔ میں اس بحث‌کے لیے ایک نیا تھریڈ “"دنیا میں اقطاب اور ابدال کے موجود ہونے کا بیان" کے نام سے لگا رہا ہوں۔آپ کو یہ جان کر حیرانی ہو گی کہ قطب و ابدال اور ان کے تصرفات کا ذکر حدیث نبوی صلی اللہ علیہ وآلہ وسلم میں بھی موجود ہے تو پھر یہ عقائد خارج از اسلام کیسے ہو گئے؟
آپ کو دعوت!!!!

“ضرورت شیخ” پر تنقید گئی تو اس کے لیے بھی میں ایک الگ تھریڈ بنانے کے بارے میں سوچ رہا ہوں کیونکہ اس حوالے سے بھی لوگوں میں‌کافی شکوک و شبہات پائے جاتے ہیں کہ اللہ ہی سن لیتا ہے تو پھر در بدر پھرنے اور پیروں کے پاس جانے کی کیا ضرورت ہے؟
آپ کے مشورے کا متمنی!