بسم اللہ الرحمن الرحیم

ھٰذا بیانُ للناس

برادرانِ اسلام! سرزمینِ پاک پر چڑھ آنے والے صیہونی اپنے گھناؤنے ارادے اب روز بروز منکشف کرتے جارہے ہیں۔ مسجد اقصائے مبارک کی بابت ان کے خطرناک عزائم طشت از بام ہونے لگے ہیں۔۔ آج آپ کے سامنے، بیت المقدس کے محلہ ’المغاربہ‘ کے اندر مسجدِ اقصائے مبارک کے عین بالمقابل یہودی اپنے نام نہاد ’ہیکل‘ کا سنگِ بنیاد رکھ رہے ہیں۔ نقشے سے عیاں ہے، یہ تعمیری منصوبہ مسجدِ اقصیٰ کو، خدا نخواستہ، گرائے بغیر پایہء تکمیل کو نہ پہنچے گا۔

جہاں تک ہم اہالیانِ فلسطین کا تعلق ہے، تو ہم تو خدا کے اس گھر کو چھوڑ کر کہیں جانے والے نہیں۔ ہماری قوم کا ایک ایک فرد فلسطین کے ایک ایک گوشے سے یہاں پر عبادت اور یہاں سے اپنی وابستگی ثابت کرنے کیلئے پہنچتا ہے، باوجود اس کے کہ صیہونی ان پر قہر وتشدد کی آخری حد کر رہے ہیں، ان کے شہروں اور دیہاتوں کا محاصرہ اور مسجد اقصیٰ آنے کیلئے ان کے راستے میں ہزاروں رکاوٹیں کھڑی کئے ہوئے ہیں۔

البتہ رابطہ علمائے فلسطین، عالمِ عرب اور امت اسلام کے نام بھی ایک بیان جاری کر چکا ہے، جس میں اس مذموم جرم کی شناعت بیان کی گئی ہے اور واضح کیا گیا ہے کہ کس طرح مسلم مقدسات کی بے حرمتی اور پامالی ہورہی ہے جن میں سرفہرست مسجد اقصائے مبارک ہے۔

حماس اس سے پہلے ایک بیان جاری کرچکی ہے، جس میں صیہونیوں کے اس اقدام کو جرم قرار دیا گیا ہے، جوکہ اِن لوگوں کے مسجدِ اقصیٰ کو گرا دینے کے منصوبوں کا راز فاش کر دینے کیلئے کافی ہے۔ حماس تمام عرب اقوام اور پوری امت اسلام سے اپیل کر چکی ہے کہ وہ اس منحوس منصوبے کے خلاف زوردار آواز بلند کریں۔

امت اسلام سے ہماری اپیل ہے کہ وہ ہر سطح پر، اور ہر ہر نجی وقومی حیثیت میں، مسجدِ اقصائے مبارک کو بچانے کیلئے اٹھ کھڑی ہو، اور اس کے لئے سب ممکنہ وسائل کو بروئے کار لائے۔

ہماری اپیل ہے کہ ہر مسلمان اس مسئلہ کو اٹھانے کے اندر اپنا کردار ادا کرے، اس کیلئے جو جو سرگرمیاں اختیار کی جاسکیں، عوامی اور ابلاغی سطح پر جو جو پروگرام اور منصوبے قابل عمل ہوں اور مسلم اقوام کے فعال عناصر اور وسائل کو اس مقصد کیلئے حرکت میں لانے کی جو جو صورتیں اور چینل میسر ہوں، سب کام میں لائے جائیں۔ انفرادی، اجتماعی اور قومی سطح پر تحریک اٹھائی جائے کہ ہم فلسطین والوں کی تائید میں فضا قائم ہو، جوکہ صیہونی دشمن کے سامنے آج دیوار بن گئے ہیں۔ اہل اسلام سے ہماری درخواست ہے کہ ہماری قوم کے لوگوں کو دشمن کے اس ظلم وتعدی کے مقابلے پر، اور مسجد اقصائے مبارک کے دفاع پر اس دشمن کے سامنے ثابت قدم رکھنے کیلئے: مالی، اخلاقی اور سیاسی طور پر جو ممکن ہو، مدد بہم پہنچائی جائے۔

اللہ اکبر عزت اللہ کیلئے

اس کے رسول کیلئے

اور اہلِ ایمان کیلئے

!!!جہاد: تا نصرت۔۔ یا شہادت

(تحریک مزاحمت اسلامی (حماس

شعبہ تعلقات عالم اسلامی

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"