منتظمین

پاکستان کے قبائلی علاقے خیبر ایجنسی کی انتظامیہ کا کہنا ہے کہ ایک مسجد میں خودکش حملے کے نتیجے میں کم از کم پچاس افراد ہلاک اور ایک سو پچہتر کے قریب زخمی ہوئے ہیں۔

جمرود کے اسسٹنٹ پولیٹیکل ایجنٹ فضل قادر نے بی بی سی کو بتایا کہ ہلاک ہونے والوں کی تعداد بڑھ سکتی ہے۔
مقامی لوگوں نے بی بی سی کو بتایا کہ یہ خودکش حملہ اتنا شدید تھا کہ پوری مسجد زمین بوس ہو گئی اور اس کے ملبے سے لاشیں نکالنے کا کام اب بھی جاری ہے۔

مقامی انتظامیہ کے ایک اہلکار نے بی بی سی کو بتایا کہ تحصیل جمرود سے تقریباً پانچ کلومیٹر مغرب کی جانب بگیاڑئی کے علاقے میں مسجد بگیاڑئی میں جمعہ کی نماز کے وقت خود کش حملہ ہوا۔

ان کا کہنا ہے کہ اس حملے کے نتیجے میں مسجد مکمل طور پر تباہ ہو گئی ہے اور ابتدائی اطلاعات کے مطابق درجنوں لوگ مسجد کے ملبے تلے دبے ہوئے ہیں۔

مقامی لوگوں کا کہنا تھا کہ دھماکے کے وقت تین سو کے قریب نمازی مسجد میں موجود تھے۔

مقامی لوگوں کے مطابق مسجد کے قریب خاصہ دار فورس کی ایک چیک پوسٹ موجود ہے اور اس مسجد میں زیادہ تر خاصہ دار فورس کے اہلکار ہی نماز کے لیے آتے ہیں۔ خدشہ ہے کہ ہلاک ہونے والوں میں ایک بڑی تعداد خاصہ دار فورس کے اہلکاروں کی ہے۔

خاصہ دار فورس کے اہلکار اور عینی شاہد نور محمد نے بی بی سی کو بتایا کہ جمعہ کی نماز کی نیت باندھنے سے قبل ایک زور دار دھماکا ہوا۔

’میں نماز کے لیے مسجد کے صحن میں کھڑا تھا کیونکہ میں تھوڑی دیر میں پہنچا اور مجھے مسجد کے اندر جگہ نہ ملی۔ دھماکے کے بعد مسجد کے دروازے سے آگ کے شعلے اٹھنے لگے اور دیکھتے ہی دیکھتے مسجد زمین بوس ہو گئی۔ یہ دھماکہ اتنا شدید تھا کہ صحن میں موجود لوگ بھی گر گئے۔ میں خود تو معمولی زخمی ہوا ہوں لیکن میں نے بیس لاشیں تو خود دیکھی ہیں۔‘

ایک مقامی صحافی نے بھی بی بی سی کو بتایا کہ خودکش حملہ آور نے نمازیوں کے درمیان اپنے آپ کو دھماکے سے اڑا دیا۔ انہوں نے مزید کہا کہ ایسا لگتا ہے کہ خودکش حملہ آور پہلے ہی سے مسجد میں موجود تھا۔

واضح رہے کہ خیبر ایجنسی سے افغانستان میں موجود نیٹو فورسز کے لیے رسد لے جانے والے قافلے گزرتے ہیں جس پر پہلے بھی کئی بار حملے ہو چکے ہیں۔ تاہم یہ پہلا موقع ہے کہ اس علاقے میں مسجد پر حملہ ہوا ہے۔
بشکریہ بی بی سی

یہ کیسا جہاد ہے اور یہ کیسے جہادی ہیں؟ یہ کس طرح اسلام کی خدمت کر رہے ہیں؟ اپ کے خیال میں اس جیسے لوگوں سے کس طرح نمٹنا چاہیے؟ اور ایسے لوگوں کے حق میں بولنے والوں کا آخرت میں‌کیا حصہ ہو گا؟
کچھ تصاویر












اپکی رائے کا منتظر

والسلام

__________________
"یہ ضروری تو نہیں کہ ہم جن سے محبت کرتے ہیں ان کے ساتھ زندگی بھی بتا سکیں"

فیصل ناصر

آج ہی اوبامہ نے افغان اور پاکستان کے بارے میں پالیسی کا بیان کرنا تھا
اور جو پچھلے چند دنوں سے ڈرون حملوں پر پاکستان میں اٹھنے والے سوالات میں شدت آرہی تھی

اس پر یہ واقعہ اپنے اندر بہت سے معنی پنہاں رکھے ہوئے ہے

عبداللہ حیدر

یہ جہاد نہیں ہے۔ بے گناہ لوگوں کو قتل کر کے اسلام کی کوئی خدمت نہیں کی جا رہی۔ لوگوں کو ان کے حقوق دے کر اور انصاف مہیا کر کے اس طرح کے واقعات سے نمٹا جا سکتا ہے۔ ایسے لوگوں کے حق میں بولنے والے لوگوں کو سوچنا چاہیے کہ آخرت میں وہ کیا جواب دیں گے، دوسری طرف جو لوگ کفار سے برسرپیکار مجاہدین کے خلاف دہن درازی کرتے ہیں انہیں بھی اپنے گریبان میں جھانکنا چاہیے کہ قیامت کے دن وہ امام المجاہدین صلی اللہ علیہ و علی آلہ وسلم کو کیا منہ دکھائیں گے۔

منتظمین

اہم بات یہ ہے کہ ان کو اسلحہ کون دیتا ہے اور پناہ گاہیں کون فراہم کرتا ہے؟ اور ان کی ذہنی تربیت کن جگہوں پر کی جاتی ہے۔ کیا ان ٹھکانوں کو تباہ و برباد کرنے کے لیے حکومت نے کوئی قدم اٹھایا ہے اگر نہیں تو اس کی وجہ کیا ہے؟ جب تک ان وجوہات کا پتہ نہ چلے اپ اور ہم میں سے کوئی کبھی بھی ان درندوں کا شکار کہیں بھی ہو سکتا ہے۔ اگر اج ہم ان کے ہاتھ نہیں روکیں گے تو کل کو یہ لوگ ہماری گردنیں کاٹیں گے۔

فیصل ناصر

پہلے تو یہ متعین کرلیں
کہ یہ کون لوگ ہیں
کون کہے گا کے یہ کسی مسلمان کا کام ہے
اس کے بعد ہی بات ہو تو اچھا ہے

خودکش حملے صرف مسلمان ہی کرے گا یہ کونسا رول ہے ؟

یہ رول تو امریکہ اسرائیل اور بھارت کا بنایا ہوا ہے
اور سب سے بڑی بات یہ ہے کہ اس کا فائدہ کس کو ہورہا ہے
میرے پہلے جواب پر غور کریں بہت سی حقیقتیں آشکار ہونگی
۔