دنیا میں 190 سے زائد ممالک ہیں مگر ان میں سے سب سے طاقتور دس ملک کون سے ہیں ؟ ممکن ہے کہ کافی حد تک آپ کو معلوم ہو مگر اس میں کچھ حیرت انگیز نام بھی شامل ہیں۔

دنیا کا سب سے طاقتور اور سپر پاور ملک تو صاف ظاہر ہے فی الحال امریکہ ہی ہے۔ دنیا کی سب طاقتور فوج اور جمہوریت کے ساتھ ساتھ بین الاقوامی معاملات پر اپنے اثررسوخ کی بناءپر اسے یہ اعزاز حاصل ہوا ہے۔دنیا کے ہر اہم ترین ادارے میں امریکہ کو اہمیت حاصل ہے۔

دنیا کا دوسرا سپرپاور ملک روس ہے جس کی فوج امریکہ کے بعد دنیا کی دوسری سب سے طاقتور فوج ہے، جبکہ وسطی ایشیاءکے بہت سے ممالک کو روس ہی کنٹرول کر رہا ہے۔ دنیا میں سب سے بڑا رقبے والا یہ ملک عالمی سطح پر اپنی کھوئی ہوئی حیثیت کو پانے کے لئے کافی جدوجہد کر رہا ہے۔

تیسرے نمبر پر اپنی معیشت کے بل بوتے پر چین ہے جس نے فرانس اور برطانیہ کو معاشی اور فوجی لحاظ سے پیچھے چھوڑ کر یہ پوزیشن حاصل ہے اور حیرت کی بات نہیں ہوگی اگر چند برسوں بعد چین پہلے نمبر پر ہوگا۔

دنیا کا چوتھا طاقت ور ترین ملک فرانس ہے جو جوہری طاقت، سلامتی کونسل کی مستقل نشست اور متعدد افریقی ممالک میں اثر رسوخ کے باعث دنیا میں اہمیت رکھتا ہے۔

فرانس کے بعد اس کا پڑوسی ملک برطانیہ 5 ویں نمبر پر ہے۔ دنیا میں سب سے پرانی جمہوری ریاست سمجھے جانے والے اس ملک کو موسیقی، فلموں، میڈیا اور ایسی ہی سرگرمیوں میں بھی نمبرون پوزیشن حاصل ہے۔

چھٹے نمبر ایسا ملک ہے جو فوجی لحاظ سے تو بہت زیادہ طاقت ور نہیں تاہم اپنی معیشت کی بدولت جاپان نے خود کو دنیا کو چھٹا سب سے طاقت ور ترین ملک ثابت کر دیا ہے۔

دنیا میں آبادی کے لحاظ سے دوسرا سب سے بڑا ملک بھارت اس فہرست کا ساتواں طاقت ور ترین ملک بھی ہے۔ اسے یہ اعزاز مستحکم جمہوریت ، انتہائی تیزی سے ترقی کرتی معیشت اور جوہری طاقت کی وجہ سے حاصل ہوا ہے۔

8 ویں نمبر پر یورپی ملک جرمنی ہے، جس یورپ میں سب سے زیادہ اثر رسوخ حاصل ہے جبکہ وہ یورپی یونین کا طاقت ور رکن ہے۔

کوئی یقین کرے یا نہ کرے مگر مسلم دنیا کی واحد جوہری طاقت پاکستان دنیا کا 9 واں طاقت ور ترین ملک ہے۔ اپنی جوہری طاقت، مضبوط ترین فوج اور ترقی کرنے کے بے پناہ مواقعوں کی موجودگی کے سبب پاکستان کو یہ اعزاز حاصل ہوا ہے۔

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں