قرآن مجید میں اللہ جل شانہ نے فر مایا سورۃ بنی اسرائیل میں زنا کے قریب نہ جاو بے شک یہ بڑی برائی ہے ،،،، اگر ہم غور کرئیں یہ نصیحت جس انداز سے کی گئی ہے وہ بلا غت کی جان ہے یہ نہیں فر مایا کہ تم زنا نہ کرنا بلکہ یہ فر مایا تم زنا کے قریب نہ جانا اس طرز ادا نے نہ صرف یہ کہ اس فعل بد سے بچنے کی تاکید بلکہ اس سے قریب ہوکر گزرنے کی بھی ممانعت کی اس سے یہ نکتہ پیدا ہوا کہ جس طرح اس بد کاری سے بچنا شرافت ہے اس کی تقریب اور تمہید کے کاموں سے بھی بچنا شرافت کا اقتضا ہے کسی غیر محرم کی طرف للچائی ہوئی نظروں سے یا بے حیائی کے ارادے سےدیکھنا تنہائی میں ملنا اسکی بات چیت اور آمد ورفت سے ناجائز لطف اٹھانا ایمانی عزت اور اخلاقی شرافت کے سراسر منافی ہے اسی لئے اسلام نے ان ساری باتوں کو جو بے حیائی اور بد کاری کی تقریب اور تمہید ہیں حرام قرار دیا مردوعورتکے ناجائز تعلق و محبت کا پہلا قاصد نظر ہے اسیلئے رب تعالی نے مردوعورت کو حکم دیا کہ جب وہ ایک دوسرے کے سامنے ہوں تو اپنی نگاہ نیچی رکھیں ،،،،،سورۃ نور میں ارشاد ہے اے پیغمبر ایمان والوں سے کہدےکہ وہ اپنی آنکھیں نیچی رکھیں اور اسی طرح فر مایا سورۃ نور میں وقل للمومنت یغضضن من ابصارھن اور اے پیغمبر ایمان والی عورتوں سے کہ دیجے کہ اپنی آنکھیں نیچی رکھیں ،،،،ہیاں صرف مردوں کو یا صرف عورتوں سے نہیں کہا بلکہ دونوں کو حکم دیا اپنی نگاہیں نیچی رکھیں رحمت عالم صل اللہ علیہ وسلم نے فر مایا خدا کی لعنت ہے دیکھنے والے پر اور اسپر جسکو دیکھا جاے ،،،،شعب الایمان للبہیقی،،،،،مطلب یہ ہے جو کوئی غیر محرم عورت کو دیکھے اسپہ بھی لعنت ہے اور جو قصدا دیکھنے والے کو دیکھنے کا موقع دے اسپر بھی لعنت فر مایی،،،حضرت علی رضی اللہ عنہ سے فر مایا اے علی اگر غیر محرم پر پہلی نظر اچانک پڑجاےتو جائز ہے اور دوسری جائز نہیں ،،، مطلب پہلی پڑی اور ہٹالی اسپہ گناہ نہیں ہوگا کیونکہ اس کا تعلق اچانک پڑنے کیساتھ ہے دوسری جا ن کے ڈالی اب یہ نظر گناہ ہے(مسند احمد سنن ابوداود(
حضرت انس رضی اللہ عنہ ہو فر ماتے ہیں رسول اللہ صل اللہ علیہ وسلم نے فر مایا مرد کا عورت کے محاسن کو دیکھنا ابلیس کے تیروں میں سے ایک زہر آلود تیر ہے (ذم الھوی لابن جوزی( رسول اللہ صل اللہ علیہ وسلم نے فر مایا ایسا ہر گز نہیں ہوسکتا کہ کوئی آدمی کسی عورت کیساتھ تنہائی میں ملے اور وہاں تیسرا شیطان موجود نہ ہو(جامع تر مذی،،،، عورتوں کی ذرا سی بے باکی مردوں کو آگے بڑھنے کی جرات دلاتی ہے اسلئے ان پر شرافت کی چند پابندیاں عائد کی گیئں ،،، مثلا نگاہ نیچی رکھیں
غیروں کواپنے اندر کا بناو سنگار نہ دکھائیں
اپنے زیوروں کی جھنکار کسی کو نہ سنائیں
پردہ کرکے نکلیں تاکہ انکی زیبائش و آرائش کا ہر نقش ر اہ چلتوں کی آنکھوں سے اوجھل رہے اور یہ پہنچان ہو کہ یہ عزت والی شریف عورت ہے ان کو چھیڑنا تو درکنار انکی طرف نظر اٹھا کے دیکھنا بھی شریعت کی نظر میں جرم ہے
باہر نکلنے میں خوشبو نہ ملیں
راستے کے کنارے چلیں
رسول اللہ صل اللہ علیہ وسلم نے فرمایا من ترکھا من خشیۃ اللہ جس نے بد نگاہی کو اللہ کے لئے اور اللہ کے پاس موجود انعامات کے حاصل کرنے کی امید میں چھوڑ دیا تو اللہ تعالی اسکی وجہ سے اسکو ایسی عبادت نصیب فر مائیں گے جو اسکو اپنی عبادت اور نظر کی پاکیزگی کا مزہ نصیب کرے گی(ذم الھوی لابن جوزی،،،،،،،