السلامُ علیکم


ریمنڈ 12 فروری 1948 نیویارک کے علاقے کوئنز میں پیدا ہوئے ۔ ادارہ ایم آئی ٹی سےکمپیوٹرسائنس اور ادب میں گریجویشن کیا۔ وہ نظریہ لامتناہیت کے پُر جوش حامی ہیں۔ یہ 15 جنوری 1965کی بات ہے جب ریمنڈ نے ایک کوئیز گیم شو "I,have gota secret" میں حصّہ لیاجس میں اُس نے پیانو پر ایک انوکھی دُھن بجائی تھی جسے مہمانوں نےبُوجھنا تھا۔ مہمانوں نے بوجھ لیا کہ یہ دُھن کمپیوٹر سے کمپوز شُدہ ہے اور یہ کمپیوٹر ریمنڈ نے خود بنایا تھا۔

کمپیوٹر سے اُسکا عشق روز بہ روز بڑھتاہی چلا گیا ۔ وہ اب کمپیوٹر کی روز افزوں بڑھتی ہوئی طاقت اور ذہن انسانی کا موازنہ کرنے لگا ۔ Nasa نے تین سال قبل سینگولیریٹی یونیورسٹی قائم کی (جس کے بانی اسپانسرزمیں گوگل شامل ہے) ریمنڈ نے سان فرانسسکو میں بھی سنگولیرٹی (درجہ لا متناہیت) انسٹیٹیوٹ فار آرٹیفیشل انٹیلجنس قائم کیا ہے ۔ اس کے علاوہ اور بھی اس طرح کےادارہ بنائے گئے ہیں جہاں سنگولیریٹی سے متعلق تعلیم دی جا تی ہے۔ ایسے سائنسداں ، دانشور و دیگر جو سنگولیریٹی پر یقین رکھتے ہیں Singularian کہلاتے ہیں۔

ریمنڈ مستقبل کا دریچہ کچھ اسطرح سے کھُولتے ہیں وہ کہتے ہیں ۔ حال ہی میں امریکہ میں سُپر کمپیوٹر "واٹسن" نے کوئز پروگرام "جیو پرڈی" میں دو انسانوں کو شکست دی جبکہ واٹسن کی میموری 1ٹیرابائٹ ہے اور انسان کی 1اعشاریہ25 گویا واٹسن انسانی دماغ کا 80 ٪ ہے پھر بھی اُس نےانسان کو شکست دے دی۔ اُنکا کہنا ہے کہ 2020 تک انسان مصنوعی ذہن بنالے گا جو 2025 تک ترقی کرکے انسانی ذہنی سطح تک پُہنچ جائے گا اور 2045 تک یہ ذہن درجہ لامتناہیت کو پالے گا جو انسانی ذہانت سے ایک ارب گُنا زیادہ ہوگی ۔ تب تک نینوٹیکنالوجی بھی اتنی ترقی کرجائے گی کہ بُڑھاپے ودیگر پیچیدہ بیماریوں کو ختم کردے گی اسطرح انسان ہمیشہ جوان رہے گا اوروہ لافانی ہوجائے گا اور اگر چاہے تو اپنے شعور کو اسکین کراکے کمپیوٹر کے ذہن میں منتقل کرالے یا پھر اپنے شعور کو اِسکین کراکے سافٹ ویئرکے طور پر کمپیوٹر میں چلا جائے اسطرح سے ورچوئلی طور پر انسان ہمیشہ ہمیشہ کی زندگی پاجائے گا۔ سائنسدانوں کی اکثریت اس بات پر متفق ہیں کہ جسطرح سے کمپیوٹر ودیگر ٹیکنالوجی اپنی صلاحیتوں میں اضافہ کر رہیں ہیں اس سے لگتا ہےکہ 2045 کے آس پاس درج بالا خواب کی سی باتیں حقیقت کاروپ دھار لیں گی ۔ اُنکا کہنا ہے ایسا ہوکے رہے گا۔

ریمنڈ کے بیمار والد 55 سال کی عمر میں انتقال کرگئے نتیجہ میں ریمنڈ کو بھی ذیا بیطس ٹائپ 2 ہوگئی تھی لیکن علاج کے زریعے اُس نے اس بیماری سے نجات حاصل کرلی ۔ ریمنڈ ابھی 62 سال کے ہیں ۔ وہ مرنا نہیں چاہتے ہیں وہ2045 تک زندہ رہ کر کمپیوٹر میں داخل ہوکر پہلے لافانی انسان بننا چاہتے ہیں ۔ وہ اپنی صحت کو قائم رکھنے کیلئے روزانہ 150 گولیاں مختلف قسم کی کھاتے ہیں۔ وہ 39 پیٹنٹ ایجادات کے مالک ہیں 19 اعزازی ڈاکٹریٹ رکھتے ہیں ۔ ریمنڈ نے بیسٹ سیلر کتاب "لا متناہیت قریب ہے" لکھی ہے ۔اسکے علاوہ ایک کتاب روحانی مشینوں کا دور بھی لکھی ہے۔ اُنہیں بل کلنٹن نے قومی تمغہ برائے ٹیکنالوجی کے اعزاز سے نوازا جبکہ بل گیٹس نے ریمنڈ کے بارے میں کہا کہ مصنوی ذہانت کے متعلق پیش گوئیاں کرنے والا بہترین دانشور ہے ۔