یہ خاص رضی بھائی کے لیے ہے۔ جنہوں نے ایک بات کہی تھی کہ "یہ سب ایسے ہیں۔ ایک مرتبہ ہم کسی بات پر بحث کر بیٹھے۔ لمبی لمبی پوسٹس لکھ ڈالیں۔ آخر میں پتا چلا کہ دونوں ایک ہی بات کر رہے ہیں"۔ یہ اقتباس گفت و شنید اور دوسرے کے زاویہ نظر کو سمجھنے کی اہمیت کو ظاہر کرتا ہے۔ پاک نیٹ کے اہل علم کے لیے بطور خاص۔۔۔۔۔۔۔۔
بشکریہ "پاکستان کی آواز" میگزین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
اسٹیفن آر کووے:ایک بہت بڑا نام اورانتہائی پُر اثر شخصیت جن کو امریکہ کی موثر ترین شخصیات میں شامل کیا گیا اوران کی کتاب 7 Habits of Highely Effective peopleکو بیسویں صدی کی دو اہم ترین کتابوں میں سے ایک قرار دیا گیا۔اس کتاب کا 32 سے زائد زبانوں میں ترجمہ ہو چُکا ہے اور 75 سے زائد ممالک میں اس کی ڈیڑھ کروڑ کے نزدیک جلدیں بک چُکی ہیں، غیر قانونی تراجم الگ ہیں۔ اسٹیفن آر کووے اور سانڈرا اپنے بچوں کے ساتھ امریکہ کی ریاست یوٹاہ کے شہر پروو میں رہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
اس سے پہلے کہ ہم پر اثر لوگوں کی ان سات عادات کوپوری طرح سمجھیں ،ہمیں پہلے اپنے‘‘زاویہ نظر’’ کو سمجھنے کی ضرورت ہے اور اس بات کو سمجھنے کی ضرورت ہے کہ اپنے زاویہ نظر میں تبدیلی کیسے لائی جا سکتی ہے۔
زاویہ نظر کےمعنی ہیں زندگی کو ‘‘دیکھنے کا انداز’’۔محض آنکھوں سے دیکھنا نہیں بلکہ سمجھنے اور تشریح کے معنوں میں ۔
ہمارے مقصد کے لیے زاویہ نظر کو سمجھنے کا آسان طریقہ یہ ہے کہ اسے نقشے کے طور پر سمجھا جائے۔ہمیں معلوم ہے کہ ‘‘نقشہ بذات خود علاقہ نہیں ہوتا’’ نقشہ تو محض علاقے کے مختلف پہلووں کو اجاگر کرتا ہے۔زاویہ نظر بھی بالکل اسی طرح ہے۔
فرض کریں کہ آپ کو اندرون شکاگو کسی خاص مقام پر پہنچنا ہے۔ اس مقام پر پہنچنے کے لیے شہر کی گلیوں کا نقشہ بہت معاون ثابت ہو سکتا ہے۔ لیکن فرض کریں کہ آپ کے ہاتھ میں غلط نقشہ آ گیا ہے۔ اور چھپائی کی غلطی سے جس نقشے پر شکاگو لکھا گیا ہے وہ درحقیقت ڈیٹرائٹ کا نقشہ ہے۔ کیا آپ کو اپنی مایوسی کا اندازہ کر سکتے ہیں جو آپ کو اپنی منزل پر نہ پہنچنے سے ہو گی۔
ہو سکتا ہے کہ آپ اپنے رویے کو مثبت سوچ کے ذریعے بہتر بنانے کی کوشش کریں لیکن اس کے باوجود آپ اپنی منزل پر نہ پہنچ پائیں گے لیکن شاید آپ اس کی زیادہ پرواہ بھی نہ کریں۔ آپ کا سوچنے کا انداز اس قدر مثبت ہو گا کہ آپ جہاں بھی ہوں گے ، خوش ہوں گے ۔ لیکن درحقیقت آپ کھوئے ہوئے تو رہیں گے۔۔ بنیادی مسئلے کا آپ کے رویے یا سوچنے کے انداز سے کوئی تعلق نہیں۔
آپ کی جانفشانی تب رنگ لائے گی کہ پہلے آپ کے ہاتھ میں شکاگو کا اصل نقشہ ہو پھر آپ راستہ تلاش کرنے میں مشکلات کے دوران آپ کا مثبت رویہ آپ کا مددگار ہو سکتا ہے۔ لیکن پہلی اور سب سے اہم بات تو نقشے کا ٹھیک ہونا ہے۔
ہمارے حقیقی زندگی کے مسائل کی جڑ درحقیقت ہمارے زاویہ نظر ہی ہیں۔ اگر ہم دوسرے کے زاویہ نظر پر شک کرتے رہیں گے (یعنی خود ہمارا زاویہ نظر غلط ہو چُکا ہو گا) تو ہم ایک دوسرے سے لڑتے جھگڑتے ہی رہیں گے۔
ہم اپنے تمام تجربات کی تشریحات انہی ذہنی نقشوں کی مدد سے کرتے ہیں اور ہم کبھی اپنے نقشوں کے درست ہونے پر سوال نہیں کرتے : بلکہ اکثر تو ہمیں ان کے ہونے کا احساس بھی نہیں ہوتا۔ ہم تو بس فرض کر لیتے ہیں کہ چیزیں ویسی ہی ہیں یا انہیں ویسا ہونا چاہیے جیسا کہ وہ ہمیں نظر آتی ہیں۔ اور اسی فرض کر لینے کے تحت ہمارا رویہ اور سوچ تشکیل پاتے ہیں۔
مزید بات کرنے سے پہلے میں آپ کو ایک ذہنی اور جذباتی تجربے میں شامل ہونے کی دعوت دینا چاہتا ہوں ۔ چند سیکنڈ اگلے صفحے پر موجود(اب مراسلہ کے آخر میں) تصویر کو دیکھیے اور ذرا دھیان سے بتائیے کہ آپ نے کیا دیکھا ہے؟
کیا ااپ نے ایک عورت کی شبہد دیکھی ہے؟ آپ کے خیال میں اس عورت کی عمر کیا ہو گی؟ اور آپ اس کو کن مختلف کرداروں میں دیکھ سکتے ہیں؟
غالب امکان کہ آپ کہیں گے کہ دوسرے صفحے پر دکھائی گئی عورت کی عمر ۲۵ سال کے لگ بھگ ہے ۔ خوبصورت اور فیشن ایبل ، ظاہر داری کی شوقین، ننھے مُنے، پیارے ناک والی خاتون۔
آپ کے کیا جذبات ہوں گے اگر میں آپ کو یہ بتاوں کہ آپ کے اپنے اندازے بالکل غلط ہیں ۔ یہ ایک ساٹھ ستر سال کی بوڑھی عورت کی تصویر ہے جو بہت دُکھی نظر آتی ہے ۔ اس کا ایک بڑا سا ناک ہے۔ یہ ایک بیچاری بوڑھی خاتون کی تصویر ہے جس کی مدد کرنا آپ نیکی سمجھیں گے۔
آخر کون صحیح ہے؟تصویر کو ایک مرتبہ پھر دیکھیے۔ اگر آپ نے اُس تصویر میں کسی نوجوان لڑکی کو دیکھا تھا تو کیا آپ ایک بوڑھی خاتون کو دیکھ سکتے ہیں؟ اگر نہیں تو کوشش جاری رکھیے۔ اور اگر آپ نے اس تصویر میں پہلے ہی بوڑھی عورت دیکھی تھی تو کیا آپ اس میں خوبسورت لڑکی تلاش کر سکتے ہیں؟ کیا آپ بڑی سی ناک دیکھ سکتے ہیں؟ اور شال؟
اگر میں اور آپ آمنے سامنے بیتھے ہوتے تو ہم اس تصویر پر بحث کر سکتے تھے۔ آپ جو کُچھ دیکھتے وہ مجھے بتاتے اور میں اپنا امشاہدہ آپ کو بیان کر سکتا تھا۔ ہم اُس وقت تک گفتگو جاری رکھ سکتے تھے جب تک آپ مجھے اچھے طریقے سے قائل نہ کر لیتے کہ آپ اس توتیر میں کیا دیکھ رہے ہیں ۔
یہ اہم بات ہے کہ آپ اس کو دیکھیں۔
پہلی مرتبہ مجھے کئی برس پہلے ہاورڈ بزنس سکول میں اس مشق سے سابقہ پڑا تھا۔ ہمارا استاد ہمیں بتا رہا تھا کہ ممکن ہے کہ دو افراد ایک ہی چیز دیکھ رہا ہوں مگر اپنے اپنے مشاہدے کے بارے میں ان میں اختلاف رائے پایا جائے لیکن اس کے باوجود دونوں سچے ہوں۔ یہ بات منطقی نہیں بلکہ نفسیاتی ہے۔
ہمارا استاد کلاس میں بڑے بڑے سائز کے کارڈز کے بنڈل لایا ان کارڈز میں سے نصف پر پہلی تصویر تھی اور باقی پر دوسری۔ اس نے کلاس کو دو حصوں میں بانٹ دیا اور انکو ایک ایک تصویر دے دی۔ اس نے ہم سے کہا کہ اپنے اپنے کارڈز کو دس دس سیکنڈ تک بوےر دیکھو اور پھر انہیں واپس کر دو۔ پھر اس نے بڑی سکرین پر وہی تصویر دکھائی اور طالب علموں کو دعوت دی کہ وہ اپنا مشاہدہ بیان کریں۔ کلاس دو حصوں میں تقسیم ہو گئی ۔ آدھی کلاس کہے کہ اس تصویر میں جوان عورت ہے جبکہ آدھی کلاس بضد تھی کہ یہ تصویر ایک بوڑھی عورت کی ہے۔ پروفیسر نے طالب علموں کر اپس میں اپنا مشاہدہ شئیر کرنے کی اجازت دے دی۔ کلاس میں بحث چھڑ گئی۔
’’بوڑھی عورت؟ کیا مطلب ہے تمہارا؟ اس کی عمر تو کسی صورت بھی بیس بائیس سال سے زیادہ نہیں ہو گی‘‘
‘‘یار بس کرو۔ تم یقیناإ مذاق کر رہے ہو۔ اس کی عمر ستر برس یا شاید اسی برس تک ہو’’
’’بھئی تمہارے ساتھ مسئلہ کیا ہے؟ کیا تم اندھے ہو؟ یہ تو ایک انتہائی خوبصورت اور جوان اور پیاری عورت ہے۔ میں تو اس سے دوستی کرنا چاہوں گا‘‘
’’پیاری؟ یہ بوڑھی بدصورت ڈائن جیسی ہے’’
یہ بحث اسی طرح جاری رہی۔ ہر شخس اپنی رائے کے بارے میں پر یقین تھا اور اس بارے میں اسے کوئی مغالطہ نہیں تھا۔
اس ساری بحث میں طالب علموں کو کم ازکم یہ علم ضرور تھا کہ ان کے نقطہ نظر کے علاوہ بھی ایک نقطہ نظر موجود ہے۔اس علم کے باوجود یہ بحث پورے زور و شور کے ساتھ جاری تھی۔ ۔اکثر اوقات تو ہمیں یہ علم ہی نہیں ہوتا کہ دوسرا نقطہ نظر بھی موجود ہے۔ لہذا ہمارے ماننے کا سوال ہی پیدا نہیں ہوتا۔
آخر کار چند طالب علموں نے تصویر کو دوسرے حوالے سے بھی دیکھنا شروع کر دیا۔
آخر ایک طالب علم اُٹھا اور سکرین پر تصویر کی ایک لائن کی طرف اشارہ کر کے بولا ’’یہ دیکھو جوان عورت کا نیکلس‘‘ دوسرا بولا ‘‘نہیں یہ تو بوڑھی عورت کا منہ ہے’’آہستہ آہستہ وہ خاص اختلافات پر بات کرنے لگے اور آخر کار پہلے ایک اور پھر دوسرے اور پھر تقریباََسارے طالب علموں نے اچانک دونوں شبہیوں کو بیک وقت دیکھنا شروع کر دیا۔ مسلسل توجہ، خاص نقطوں پر بحث اور ایک دوسرے کے نقطہ نظر کی اہمیت محسوس کرتے ہوئے کمرے میں موجود تمام لوگ بالاخر ایک دوسرے کے نقطہ نظر کو سمجھنے کے قابل ہو سکے۔
یہ مشق سب سے پہلے تو یہ بات ثابت کرتی ہے کہ ہماری تربیت کس قدر بھرپور طریقے سے ہمارے ادراک اور چیزوں کو دیکھنے کے انداز کو متاثر کرتی ہے۔ ۔اگر دس سیکنڈ ہمارے دیکھنے کے انداز کو اس قدر گہرے طور پر متاثر کر سکتے ہیں تو پھر زندگی بھر کی تربیت کے بارے میں آُپ کا کیا خیال ہے؟خاندان، سکول، مذہب، کام کرنے کی جگہ، ماحول، دوست احباب، ، ساتھی اور مروجہ معاشرت اقدار مثلا شخصی اخلاقیات یہ تمام ہمارئ زندگیوں پر خاموش اور غیر شعوری طور پر اپنے اثرات چھوڑتے ہیں اور ہمارے چیزوں کو دیکھنے کے انداز ، زاویہ نظر اور ہمارے نقشوں کی تشکیل کرتے ہیں۔
اس سے یہ بھی واضح ہوتا ہے کہ ہمارا زاویہ نظر ہی ہماری رائے اور رویے کے پیچھے کار فرما ہوتا ہے۔ ادراک کی مشق سے یہ بھی ظاہر ہوتا ہے کہ ہمارا زاویہ نظر دوسروں کے ساتھ تعلقات کو کس قدر بھرپور انداز میں متاثر کرتا ہے۔ ہم سمجھتے ہیں کہ ہم انتہائی صاف اور بامقصد انداز میں چیزوں کو دیکھتے ہیں لیکن اب ہمیں یہ سمجھ آنا شروع ہو گئی کہ دوسرےبھی اسی قدر صاف انداز سے اور اسی قدر مقصدیت کے ساتھ چیزوں کو دیکھ سکتے ہیں گو کہ انکا زاویہ نظر ہمارے زاویہ نظر سے یکسر مختلف ہو سکتا ہے۔
ہم میں سے ہر کوئی یہی سمجھتا ہے (یا سمجھنا چاہتا ہے ) کہ میں چیزوں کو بالکل ویسا ہی دیکھتا ہوں جیسی درحقیقت وہ ہوتی ہیں اور یہ کہ میں بہت مقصد پسند ہوں۔ ہم دنیا کو اس کے مطابق نہیں دیکھتے بلکہ اپنے مطابق دیکھتے ہیں یا یوں کہہ لیں کہ اپنی تربیت کے مطابق دیکھتے ہیں۔ ہم جو کچھ دیکھتے ہیں اسے بیان کرنے کے لیے جب لب کشائی کرتے ہیں تو دراصل ہم اپنے آپ کو ، اپنے ادراک کو اور زاویہ نظر کو بیان کر رہے ہوتے ہیں۔ جب دوسرے لوگ ہم سے اختلاف رائے کا اظہار کرتے ہیں تو ہم فورا یہ سمجھتے ہیں کہ ان لوگوں میں کوئی خرابی ہے ۔لیکن جیسا کہ اوپر بیان کی گئی مشق سے ثابت ہوا کہ مختلف اور صاف ذہن کے لوگ چیزوں کو اپنے مخصوص تجربات کی روشنی میں مختلف طریقوں سے دیکھتے ہیں ۔
اس کا قطعی مطلب یہ نہیں کہ حقائق ہوتے ہی نہیں اس مشق کے دوران وہ لوگ جنہوں نے پہلے مختلف تصویریں دیکھیں اور آخر ایک ہی تصویر اکھٹے دیکھی ، اسے دیکھنے کے دوران وہ دونوں ایک ہی طرح کے حقائق کا معائنہ کر رہے تھے۔ کالی لکیریں اور انکے درمیان سفید جگہیں اور یہ دونوں اسے ایک حقیقت کے طور پر مانیں گے لیکن اس حقیقت کو دونوں اپنے اپنے پچھلے تجربے کی روشنی میں بیان کریں گے۔ حقائق کے اپنے کوئی معنی نہیں ہوتے سوائے اس کے کہ ان کی تشریح کیسے کی جاتی ہے اور ان کو بیان کیسے کیا جاتا ہے۔
ہم جس قدر اپنے زاویہ ہائے نظر، اپنے نقشوں ، اپنے مفروضوں اور اپنے تجربات کے متعلق آگاہ ہوں گے ، اسی قدر ہم اپنے زاویہ نظر کے بارے میں زمہ دارانہ رویہ اختیار کریں گے ، انہیں پرکھیں گے، حقائق کے مقابل انہیں جانچیں گے، دوسروں کو سُنیں گے اور کھلے دل سے انکے ادراک کو سمجھیں گے اور اس طرح ایک بڑی تصویر کو دیکھ سکیں گے اور اپنے خیالات کو پہلے کی نسبت بہت زیادہ با مقصد بنا سکیں گے۔
اس ادراک کی مشق کا سب سے اہم سبق زاویہ نظر کی تبدیلی سے متعلق ہے۔ ایسے تجربات جن کے بارے میں ہم بے اختیار کہہ اُتھتے ہیں کہ ‘‘اچھا !!!!!!!!!!!’’ اور یہ تب ہوتاہے کہ جب ہم دونوں شبہیوں والی تصویر کو ‘‘دوسری طرح بھی دیکھنا‘‘ شروع کر دیتے ہیں۔ پہلے تجربے کا تاثر آپ کے ذہن پر جس قدر گہرا ہو گا اسی قدر زور سے آپ ’’اچھا ‘‘ کہیں گے۔یہ بالکل ایسے ہی ہے کہ جیسے اچانک روشنی کا بٹن دب جائے اور آپ کے اندر ایک نئی طرح کی روشنی پھیل جائے۔ ہمارے زاویہ ہائے نظر ہی ہمارے رویوں اور رائے کی تشکیل کرتے ہیں اور ہمارے دوسروں کے ساتھ تعلقات بھی انہی پر منحصر ہوتے ہیں ۔
مجھے زاویہ نظر کی چھوٹی سی تبدیلی کا ایک واقعہ یاد ہے۔ اتوار کی ایک صبح نیو یارک میں ، میں زیر زمین ٹرین میں سفر کر رہا تھا، لوگ خاموشی سے بیھے ہوئے تھے، کُچھ اخبار کا مطالعہ کر رہے تھے اور کُچھ اپنی سوچوں میں گم تھے اور کُچھ آنکھیں موندے آرام کر رہے تھے۔ ایک بہت خاموش اور پر سکون ماحول تھا۔
پھر اچانک ایک آدمی اپنے بچوں کے ساتھ ٹرین میں داخل ہوا۔ بچے اس قدر پر شور اور ہنگامہ خیز تھے کہ ایک دم ٹرین کا ماحول بالکل ہی بدل گیا۔
وہ آدمی میرے ساتھ والی نشست پر بیٹھ گیا ، اس نے آنکھیں بند کر لیں یوں کہ گویا اس کا اس ماحول سے کوئی تعلق ہی نہ ہو۔ بچے اونچی آواز میں چیخ چلا رہے تھے، ایک دوسرے پر چیزیں پھینک رہے تھے ۔ حتیٰ کی لوگوں کے کاغذوں سے بھی چھیر چھار کر رہے تھے۔ یہ سب بہت تکلیف دہ تھا، لیکن اس کے باوجود وہ شخص میرے ساتھ آرام سے آنکھیں موندے اسی طرح بیھا تھا۔
نا ممکن تھا کہ کوئی بھی اس صورت حال سے غصے میں نہ آئے۔میرے لیے یہ یقین کرنا مشکل تھا کہ کوئی شخص اتنا بے حس بھی ہو سکتا ہے کہ اس کے بچے وحشیوں کی طرح اودھم مچا رہے ہیں اور یہ آرام سے بیٹھا ہے اور کُچھ بھی نہیں کر رہا ، اسے کسی قسم کی ذمہ داری کا احساس ہی نہیں۔ یہ واضح طور پر دیکھا جا سکتا تھا کہ ڈبے میں بیٹھا ہر شخص ہی صورتحال سے پریشان تھا۔ بالاخر میرا صبر کا پیمانہ لبریز ہو گیا اور میں اس شخص کو اُٹھا کر کہا کہ ‘‘سر !آپ کے بچے لوگوں کو بہت پریشان کر رہے ہیں ، میرا خیال ہے کہ آپ کو انہیں کنٹرول کرنا چاہیے’’
اس شخص نے یوں آنکھیں کھولیں جیسے ایک لمبے عرصے بعد ہوش آیا ہو۔ وہ آہستگی سے بولا ‘‘ہنہ ! آپ ٹھیک فرما رہے ہیں۔ میرا خیال ہے مجھے اس سلسلے میں کُچھ کرنا چاہیے ۔ دراصل ہم ابھی ہسپتال سے آ رہے ہیں جہاں انکی ماں ایک گھنٹہ قبل فوت ہو گئی ہے اور مجھے بالکل بھی کُچھ سمجھ نہیں آ رہی اور میرا خیال ہے انہیں بھی پتا نہیں چل رہا کہ اس صورت حال سے کیسے نبٹیں ’’
کیا آپ تصور کر سکتے ہیں کہ اس وقت میری کیا کیفیت ہوگی؟ میرا زاویہ نظر یکسر تبدیل ہو گیا۔ اچانک میں چیزوں کو بالکل مختلف طریقے سے دیکھنے لگا اور میرا موقف بھی بالکل تبدیل ہو گیا۔ مجھے بچوں کے شور کی وجہ سے پیدا شدہ پریشانی بالکل بھول گئی اور مئیرادل اُس شخص کے لیے ہمدردی سے بھر گیا۔ میں جو بھی غصے سے بھرا بیٹھا تھا، ہمدردی اور غمگساری کے جذبات سے بھیگ گیا۔۔ ہر چیز ایک لمحے میں بالکل تبدیل ہو گئی
زاویہ ہائے نظر بہت طاقتور ہوتے ہیں ۔ یہ ہمیں وہ عدسے فراہم کرتے ہیں جن کے ذریعے ہم اس دنیا کو دیکھتے ہیں۔ زاویہ نظر کی تبدیلی انسانی ترقی اور بڑی تبدیلی کے لیے انتہائی ضروری ہے۔ چاہے وہ تبدیلی ایک دم ہو جائے یا آہستہ آستہ اور سوچے سمجھے طریقے سے لائی جائے۔