سوات سرینہ ہوٹل کھل گیا

سوات سرینہ ہوٹل کھل گیا · 10-05-10, 02:26 AM

ہارون رشید

بی بی سی اردو ڈاٹ کام، سوات
پاکستان کے شورش زدہ ضلع سوات میں شاید ہی کوئی اہم عمارت یا شخص ہو جس کا دُور سے بھی مغرب سے کوئی تعلق ہو اور اُسے شدت پسندوں نے نقصان نہ پہنچایا ہو۔

لیکن انگریزی دور کی ایک عمارت ایسی ہے جو طالبان کی آنکھ میں نہیں کھٹکی۔ اس کی وجہ کیا تھی اس پر مقامی لوگ آج بھی حیران ہیں۔

پیشہ ورانہ ضرورتوں کےلیے اکثر بیرونِ شہر دوروں کے دوران ہوٹلوں میں ٹھہرنا پڑتا ہے لیکن اس مرتبہ ضلع سوات کے ایک ہوٹل پہنچے تو عملے کی جانب سے وی آئی پی سلوک کی ہرگز توقع نہیں تھی۔ اسلام آباد سے روانگی کے بعد اس ہوٹل سے دو فون آئے کہ ’سر آپ کہاں پہنچے اور کب پہنچ رہے ہیں‘؟

اس پر حیرانگی ہوئی کہ آخر ایسا کون سا ہوٹل ہے جو مہمانوں کی آمد کا اس قدر بےچینی سے انتظار کر رہا ہے یا بات کچھ اور ہے۔ خیر بڑی مشکل سے سیدو شریف میں واقع اس مشہور فور سٹار ہوٹل کو ڈھونڈ نکالا۔

تلاش میں دِقت سکیورٹی خدشات کی وجہ سے نہ کسی سائن بورڈ اور نہ ہی کسی عالیشان گیٹ کی وجہ سے بھی ہوئی۔

ٹین کے ایک عارضی دراوزے سے اندر داخل ہوئے تو اس کے پیچھے نئے قدرے مضبوط اور روڈ بلاکرز کا تعمیراتی کام جاری دیکھا۔

زیرِ تعمیر ہونے کی وجہ سے محض ایک دروازے کو ہی آمد و رفت کے لیے استعمال کیا جا رہا تھا۔

گاڑی سے اتر کر ہوٹل کے استقبالیہ پر پہنچے تو تمام سٹاف خوش آمدید کہنے آن پہنچا۔ اس پر مزید حیرانگی بڑھی کہ خیریت تو ہے کہیں کسی خفیہ ادارے کے اہلکار تو مہمان بنانے کا نہیں سوچ رہے۔ ابتدائی تعارف کے بعد تشویش میں کمی آئی کہ سب ہوٹل کا عملہ ہی ہے۔ ہمیں بڑی عزت سے ریسٹورانٹ لے جایا گیا اور روایتی قہوے سے خاطر مدارت کی گئی۔

وہاں سیلز مینجر شیرین زادہ بدر نے تجسس توڑتے ہوئے بتایا کہ شدت پسندی کی وجہ سے اُن کا ہندوکش پہاڑوں کے دامن میں چھ ایکڑ اراضی پر واقع سوات سرینہ ہوٹل دو سال کی بندش کے بعد آج دوبارہ کھلا ہے اور ہمیں اُس کے پہلے مہمان ہونے کا اعزاز حاصل ہوا ہے۔ بعد میں عملے نے ریکارڈ کے لیے ہمارے ساتھ تصاویر بھی بنوائیں۔

ہمیں بتایا گیا کہ دو سال کی بندش کے دوران تمام عملہ پاکستان میں دیگر مقامات پر منتقل کر دیا گیا تھا۔

ہوٹل دوبارہ کھولنے سے قبل صرف چار ماہ تو اُس کی صفائی ستھرائی میں لگ گئے۔ تینتالیس کمروں کا یہ ہوٹل ابھی بھی مکمل طور پر بحال نہیں ہوا تھا اور ہماری موجودگی کے دوران بھی اُس کے بعض حصوں میں تعمیراتی کام جاری تھا۔

اس ہوٹل کی عمارت سنہ انیس سو چھبیس میں انگریزوں نے بطور سرکٹ ہاؤس تعیمر کی گئی تھی۔اِس کے کشادہ کمرے اور برآمدے کسی قدیم محل سے کم نہیں۔

"اس ہوٹل کی عمارت سنہ انیس سو چھبیس میں انگریزوں نے بطور سرکٹ ہاؤس تعیمر کی گئی تھی۔ اِس کے کشادہ کمرے اور برآمدے کسی قدیم محل سے کم نہیں۔ لیکن اس پر شدت پسندوں کی نظر نہ پڑنے کی ایک وجہ اِس کے دونوں جانب اہم سرکاری اہلکاروں کے دفاتر اور رہائش گاہیں بتائی گئی ہیں۔"

انٹرنٹ کنیکشن کا کام نہ کرنا، شاور سے زنگ آلود پانی آنا اور ٹیلیفون خراب ہونے جیسے ایسی معمولی مسائل تھے جن پر باآسانی قابو پایا جاسکتا ہے لیکن سوات کے شہریوں کی طرح اس ہوٹل کے عملے کو اصل تشویش اس بات پر ہے کہ کیا شدت پسندی کا خاتمہ ہمیشہ کے لیے کر دیا گیا ہے یا نہیں۔

**ARHAM** · 10-05-10, 11:08 AM

اس پر " شدت پسندوں " کی نطر نہ پڑنے کی وجہ حیران کن ہے ۔۔۔ جو کہ کوئی اور بھی ہوسکتی ہے
سوچنے والی بات ہے ۔۔۔!!!

اقتباس:

اصل مراسلہ منجانب : گلاب خان

ہارون رشید

"اس ہوٹل کی عمارت سنہ انیس سو چھبیس میں انگریزوں نے بطور سرکٹ ہاؤس تعیمر کی گئی تھی۔ اِس کے کشادہ کمرے اور برآمدے کسی قدیم محل سے کم نہیں۔ لیکن اس پر شدت پسندوں کی نظر نہ پڑنے کی ایک وجہ اِس کے دونوں جانب اہم سرکاری اہلکاروں کے دفاتر اور رہائش گاہیں بتائی گئی ہیں۔"

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
قدیمی مردان ہوٹل	خرم شہزاد خرم	گپ شپ	3	21-01-11 02:06 PM
اللہ کے مہمانوں کو لوٹنے والی کی برطرفی۔ اعظم سواتی کا قصورکیا؟	جاویداسد	خبریں	3	16-12-10 09:09 AM
حکومت نے قادیانی رہنما کو حج کوٹہ جاری کر دیا	کنعان	خبریں	1	01-09-09 04:48 PM
فائیو سٹار ہوٹل میں گاہک نے ہوٹل چھوڑتے ہوئے	The Great	قہقہے ہی قہقے	2	31-08-09 09:17 AM
چمچے، لوٹے لفافے	طارق راحیل	خبریں	0	23-02-09 09:13 PM

Currently Active Users Viewing This Thread: 1 (0 members and 1 guests)