افغانستان میں آٹھ سال تک سر کھپانے کے بعد آخر کا امریکا کو مت آگئ کہ ان تلوں سے تیل نہیں نکلے گا۔ اسے یہ احساس ہو گیا کہ جنگ کی طوالت اس کی رہی سہی ساکھ کو تباہ کر دے گی اور بچی کھچی معیشت کا دیوالیہ نکل جائے گا۔

لیکن وہ شکست کو کھلے بندوں تسلیم کرنے کے لئے بھی تیار نہیں۔ لیکن کب تک ایک دن تو چھری کے نیچے آنا ہے۔
اگرچہ اس نے باعزت نکلنے کے لئے کوششیں شروع کر دی ہیں، لیکن در اصل یہ اس کی ہزیمت کی واضح دلیل ہے۔
ان طالبان سے مذاکرات کرنے پر مجبور ہے جن کو وہ کل تک تسلیم کرنے کے لئے تیار نہیں تھا
اطلاعات ہیں کہ امریکی سی آئی اے نے طالبان سے رابطہ شروع کر دیا ہے، اس سلسلے میں پاکستان اور سعوعی عرب سے تعاون کی درخواست بھی کی گئی ہے۔

اس کے ساتھ ساتھ یہ اطلاعات بھی ہیں کہ امریکا نے طالبان کو شراکت اقتدار کی پیشکش بھی کر دی ہے۔
اس اجمال کی تفصیل کچھ اس طرح ہے کہ امریکا نے طالبان کو نیٹو افواج کی افغانستان میں موجودگی قبول کرنے کی شرط پر 6 صوبوں کی گوربر شپ کی پیشکش کی ہے۔
یہ رابطے سابق طالبان وزیر خارجہ ملا وکیل احمد متوکل کے ذریعے سے ہو رہے ہیں۔ افغان حکومتی ذرائع کی جانب بھی اس کی تصدیق کر دی گئی ہے۔

اس سے اندازہ ہوتا ہے کہ اب امریکہ طالبان کو ایک طاقت اور اس قابل سمجھتا ہے کہ ان سے مذاکرات کئے جائیں، اور یہ طالبان کی بہت بڑی کامیابی ہے کہ ایک عالمی طاقت اپنے تمام اتحادیوں کے ساتھ چند ہزار لوگوں کے سامنے بے بس ہے۔



۔۔

__________________
محتاج اصلاح و دعا