طفیلی یہ کسی طفیل کی وائف کانام نہیں یہ بڑی معروف شخصیت کانام ہے جو ہر جگہ دستیاب ہوتی ہے بعض نے کہا ہے طفیلی بغیر بلاے کچھ مدعو لوگوں میں شامل ہوکر پہنچ جانے والے کوکہتے ہیں اور یہ لفظ طفل سے بنا ہے طفل کے معنی ہیں دن کے اوپر رات کا اپنی تاریکی کیساتھ چھا جانا طفیلی کا معاملہ بھی ایسا ہی ہوتا ہے بلانے والے اس سے تاریکی میں ہوتے ہیں اسے بلایا تھا یا نہیں بعض نے کہا طفیلی جو خود نہ کماے اور دوسروں کا کھاے اسے کہتے ہیں پرا نے زمانے میں طفلی صاحب جیب میں لیموں رکھتے تھے جہاں کہیں دیکھا دو چار افراد بیٹھے کھارہے ہیں طفیلی آتا سالن میں لیموں نچوڑ کر شریک طعام ہو جاتا آجکل اس کے لئے ایک عمدہ سوٹ سلوا کرشادی بیاہ کی تقریبات میںشریک ہو جاتے ہیں لڑکی والے سمھجتے ہیں یہ لڑکے والوں کی طرف سے ہے اور لڑکے والے لڑکی والوں کی طرف سے سمھجتے ہیں اتنی دیر میں جناب پیٹ بھر کر کھسک جاتے ہیں بعض محققین کی راے یہ بھی ہے کہ طفیلی منسوب ہےطفیل کوفی کی طرف یہ کوفے میں بنی غطفان میں سے ایک شخص تھا یہ ولیمے کی دعوت میں بغیر بلاے پہنچ جاتا تھا ہر معاشرے میں ایسے افراد ہوتے ہیں جنکا۔۔،م،، کام ہی کماے گی دنیا کھائیں گے ہم ہے طفیلیوں کی ایک قسم شادی بیاہ کی تقریبات میں شامل ہونے والے افراد پر مشتمل ہے جہاں شادی کی تقریب دیکھی شریک ہو کر کھایا پیا اور چلے گے مگر کہتے ہیں ایسے کو تیسا اور سیر کو سوا سیر بھی ٹکر جاتا ہے ایک صاحب خود طفیلی بنتے تھے انکے لڑکے کی شادی تھی ایک طفیلی صاحب آٹپکے گھر والے طفیلی صاحب اپنے پیٹی بھائی کو دیکھکرسمھج گے بڑے پر تپاک انداز سے اسکا استقبال کیا بالا خانہ جس پہ سیڑھی لگا کر چڑھا جاتا تھا اس سے سیڑھی لگا دی اور بولا اوپر چڑھ جاو تاکہ مجمع سے الگ ہو کر تکلیف سے بچے رہو آنے والا طفیلی اوپر چڑھ گیا ان نے نیچے سے سیڑھی ہٹا دی نیچے بیٹھے مہمانوں کو کھانا کھلا دیا مہمان چلے گے اب سیڑھی لگاکر انہیں نیچے اتارااور کہا بہت شکریہ جناب آپ نے اپنے پیٹی بھائی کی عزت رکھ لی اب آپ جاسکتے ہیں اسکو کہتے ہیں ایسے کو تیسا
ایک قسم انکی ہو ٹلوں پر مفت کھانا کھانے والوں کی ہے جیسے ایک شخص ہوٹل میں داخل ہوئے کھانا منگواکر کھانا شروع کردیا جب تھوڑا سا کھانا رہ گیا تو اس نے بیرے کو کہا مینجر کو بلاو مینجر کے آنے پر غصے سے بولے پلیٹ کی طرف اشارہ کرکے کہا یہ کھلاتے ہیں آپ لوگوں کو مینجر نے پلیٹ کی طرف دیکھا تو سالن میں ایک لال بیگ (کاک روچ ( ،،،،،تھا مینجر نے بل واپسکر کے معافی مانگ کر کہا جناب باہر ذکر نہ کرنا ہمارے ہوٹل کی بدنامی ہوگی طفلی صاحب باہر نکلے اور اپنے کوٹ کی جیبوں کو تھپتھپا یا تو مزید پانچ لال بیگ موجود تھے جو آئندہ کام آنے تھے مگر ایک دوسرے صاحب نے تو عجب بہانا تلاش کیا ہوٹل میں جاکر بیرے سے کیا جاو ایک مرغ روسٹ ایک مرغ بریانی تین عدد شامی کباب ایک پیپسی کی بوتل بھی لے آنا بوتل پی کر کہا ایک کافی بھی لئے آو وہ بھی پی کر کہا مینجر کو بلا لاو مینجر آیا کہنے لگے جناب اب پولیس کو بلالو میرے پاس پیسے نہیں ہیں یہ سب باتیں ہمارے ارد گرد موجود ہیں مگر اسلام انکی اجازت نہیں دیتا ہاں دعوت کے قبول کرنے کا حکم ہے کوئی دعوت کرے اسے قبول کریئںرسول اللہ صل اللہ علیہ وسلم نے فرمایا جب تم میں سے کسی کو دعوت ولیمہ کی طرف بلایا جاے تو اسے اس دعوت میں جانا چاھئے( باب ماجآء فی اجابۃ الدعوۃ ابو داود ،،،،،،، ہمیں کوئی دعوت دے کر دیکھ لے بلایا دو افراد کو ہوتا ہے ہم آٹھ بچوں سمیت پہنچ جاتے ہیں ایسا کرنا بھی روا نہیں ہےایک صحابی جنھیں
ابو شعیب کہا جاتا ہے ان نے حضور اکرم صل اللہ علیہ وسلم کی دعوت کی اور کہا کل پانچ افراد آیئں یعنی حضور صل اللہ علیہ وسلم سمیت پانچ افرادجب آپ دعوت کے لئے چلنے لگے تو ایک شخص اور بھی ساتھ چل پڑے جب صاحب خانہ کے پاس پہنچے تو فر مایا ابو شیعب آپ نے پانچ افراد کو بلایا تھا
یہ شخص بھی ہمارے ساتھ آگے ہیں اگر آپ اجازت دیں‌تو شریک طعام ہو جاے ورنہ واپس ہو جاے حضرت ابو شعیب نے انہیں بھی اجازت دیدی اس سے معلوم ہوا جتنے افراد کو بلا یا جاے اتنے ہی شریک ہوں بن بلاے دعوت میں شریک ہونا شرعا درست نہیں ہے ہماری کامیابی صرف اتباع رسوٌل صل اللہ علیہ وسلم میں ہے اور آپ کی سیرت طیبہ زندگی کے تمام مراحل میں ہماری کامل رہنما ہے