اسلام نے دینا میں قدم رکھتے جو اعلان کیاوہ توحید رسالت اخلاق کا نہ تھا بلکہ علم کی برتری وضرورت کا اعلان تھا اقرا یہ پہلا لفظ ہے جو دنیا کی سماعتوں سے ٹکرایا
اسلام کایہ اعلان منطقی تر تیب کے لحاظ سے بھی بہت عجیب ہے کیو نکہ انسان ایک وجود ہے یعنی پہلے یہ موجود نہ تھا اسی لئے رب کریم نے ان آیات میں اقرا باسم ربک الذی خلق میں سب سے پہلے تخلیق کا ذکر فر مایا لیکن تخلیق میں تنہا انسان کا ہی حصہ نہیں اس میں دوسری مخلوقات بھی شریک ہیں پھر وہ کو نسی نعمت ہے جس سے صرف انسان سر فراز ہوا اور جس میں کسی اور مخلوق کی شر کت نہیں ہے وہ نعمت بلا شبہ علم کی نعمت ہےاور جب ہم اگلی آیت پہ نظر ڈالتے ہیں وہاں رب کریم نے فر مایا اقرا وربک الاکرم یہاں اقرا کو دوبارہ ذکر تو کیا ہے مگر نعمت علم کو نہ رب کی طرف منسوب کیا نہ رب کریم کی طرف منسوب کیا بلکہ فر مایا ربک الاکرم یعنی رب اکرم کی طرف اس کی نسبت کی تا کہ معلوم ہو جاے علم کی نعمت وہ نعمت ہے جو از حد کرم والے رب کا کرم ہےمحض ر ب کا کرم نہیں رب اکرم کا کرم ہے اور واقعی انسان پر اس سے بڑا کرم کیا ہو گاکہ علم و معرفت کا سورج اس پہ در خشاں ہو گیا اج اسی علم کی بدولت انسان خشکیوں پر پا نیوں پر ہواوں پر حکومت کر رہا ہے اور یہ رب اکرم ہی جانتا ہے کہ اسکی بخشش
انسان کو کہاں تک پہنچانے والی ہے اسی لئے اسلام میں تحصیل علم پہ بہت زور دیا جاتا ہے
امام مالک رحمۃ اللہ نے فر مایا جس کے پاس علم ہے اسے مزید علم کے حصول سے بے پرواہ نہیں ہو جانا چاھے ( جامع بیان العلم ص79 اردو)
حضرت جابر رضی اللہ عنہ روایت فر ماتے ہیں رسول اللہ صل اللہ علیہ وسلم نے فر مایا تقوے کی ایک کان ہے یہ بھی ہے کہ جو علم تمھارے پاس ہےاس کے ذریعے وہ علم حاصل کرو جو تمھارے پاس نہیں مزید علم کی خواہش نہ ہو نا اس بات کی دلیل ہےکہ آدمی اپنے علم سے فائدہ نہیں اٹھا رہا (جامع بیان العلم ص79)
حضرت ابن عباس رضی اللہ عنہ سے مروی ہے دو حریص ایسے ہیں
جن کی حرص کبھی ختم نہیں ہوتی علم کا حریص اور دنیا کا حریص (جامع بیان العلم ص79)
حضرت عیسی علیہ اسلام سے سوال کیا گیا علم کب تک حاصل کرنا چاھے فر مایا جب تک زندگی ہے،،(جامع بیان العلم 80)
ابن ابی خسان کا مقولہ ہے آدمی اسوقت تک عالم ہے جب تک طالب علم ہے اور اسوقت سے جاہل ہے جب طالب علمی کو خیر آباد کہ دے
اللہ ہمیں طالب علم ہی رکھے آمین