عقل و دانش

یہ عقل و دانش کیا ہے؟ کیا انسان کی تخلیق اس عقل و دانش کو بروہے کار لانے کے لیے کی گئی تھی؟ جب حضرت انسان کی تخلیق اللہ ذوالجلال نے فرمائی تو اس کی وجہ کیا اللہ کی ان نعمتوں کا شکر بجا لانا تھا جو اللہ ذوالجلال نے اس کائنات کے لیے عطاء فرمائی تھی یا پھر اللہ کو ایسے نائب کی ضرورت تھی جو ان نعمتوں کا استعمال کرتا اور اپنے رب کی قدرت پر سبحان اللہ کا ورد کرنے کی ایک کڑی تھی۔
میرے خیال میں سب سے اہم وجہ یہ تھی کہ اللہ نے انسان کو عقل سلیم سے نوازا اور اس ہی وقت سے انسان اپنے عقل و دانش کے جوہر دکھاتا رہا۔ آج کا انسان پھولے نہیں سماتا ہوگا جب اس زمانے کا قدیم انسان ان جوہرات کو دیکھتا، تو اسے ایک بار ضرور یہ شک ہوتا کہ شاید ان کمالات کے پیچھے کسی انسان کا ہاتھ نہیں ہے۔
لیکن اس کے بر عکس آج کا ترقی یافتہ انسان آج کے انسان کو دیکھے جو کہ ترقی یافتہ نہیں ہے تو اسے شاید اپنے اوپر رشک سا محسوس ہو کہ میں شاید عقل و دانش میں اس انسان سے آگے ہوں جو کہ عقل و دانش کے ہوتے ہوئے بھی اس کا صحیح استعمال نہیں کر سکا، اور شاید یہ ہی سوچ اس کو طاقتور سے طاقتور بناتی گئی۔ یعنی کہ انسان کی تقیسم ایک ہی دور میں کچھ ایسی ہوئی کہ ایک طاقتور ہوتا چلاء گیا اور ایک کمزور سے کمزور ہوتا چلا گیا۔

طاقتوری اور کمزوری بھی انسانی پہلو کی ایک شق ہیں اور اس میں کمزور ہمیشہ محکوم ہوتا ہے اور طاقتور عام طور پر حاکم ہوتا ہے۔ قدرت کا بھی شاید یہ ہی طریقہ ہے، روش ہے۔ طاقتور تو ہمیشہ ہی غالب رہتا ہے ، بات کرتے ہیں مغلوب کی، کمزور کی ، اور بے بس کی۔ بے بس سے مراد وہ طاقت ہے جس کے ہوتے ہوئے بھی اس کا استعمال نہیں کیا جا سکتا۔ ہمدریاں اور توجہ ذیادہ تر کمزور کے لیے ہی ہوتی ہے اور اگر نہ ہو تو ان کی بھیک مانگی جاتی ہے۔

تجزیہ سب سے پہلے اپنے ارد گرد کے ماحول اور اس کے اثرات سے شروع کیا جاتا ہے۔ نیز اردگرد کے ماحول میں ان لوگوں سے واسطہ پڑتا ہے ، بلکہ معاشرت ان ہی لوگوں سے قائم و دائم ہیں جنھیں ہم وطن، ہم مزہب، ہم زبان، رشتے دار ، دوست یا احباب کہا جاتا ہے۔ اس ہی معاشرت میں کبھی کبھی ایسے بحث و مباحثے سے دوچار ہونا پڑتا ہے ، جہاں پر احساسات نہ چاہتے ہوئے بھی عقل کی درستگی کے بارے میں سوال کرتے ہیں۔

کئی بار ایسا ہوا، کتنے واقعات ایسے ہوئے کہ گفتگو شاید عقل سے دامن چھڑا لیتی ہے۔ صرف آنکھوں سے دیکھا ہی زیر لب آ جاتا ہے اور بغیر اللہ کی عطاء کی ہوئی صلاحیت کے استعمال کے، افراد کچھ سے کچھ کر بیٹھتے ہیں۔ ساری کی ساری تعلیم اور تربیت دھری کی دھری رہ جاتی ہے اور تمام کے تمام حقائق اور ثبوت بھی باکل ناکارہ سے ہو جاتے ہیں۔

__________________