لگتا ہے آپ کو علماسے کوئی خاص دشمنی ہے جناب یہ علماء ہی ہیں جو اسلام کی سرحدوں کے محافظ ہیں جب بھی کوئی مشکل وقت آیا یہ ڈٹ گئے اور ہربڑی سے بڑی قربانی دینے کے لیے تیار ہو گئے امام احمد بن حنبل کو دیکھ لیں یہ بھی ایک عالم ہیں وقت کے بادشاہ نے کہا کہ قرآن بھی مخلوق ہے سب نے کہاجی حضور ہم مانتے ہیں کہ قرآن بھی مخلوق ہے۔ لیکن اُس عالم امام احمد بن حنبل نے دیوانہ وار نعرہ بلند کیا کہ اے بادشاہ تو جھوٹ کہتا ہے قرآن مخلوق نہیں بلکہ میرے اللہ کا کلام ہے اور کلام متکلم کی صفت ہوتی ہی۔مخلوق ختم ہو جاتی ہے اور صفت باقی رہتی ہے ۔ سب نے کہا حضرت جی بادشاہ کی مان لوانعام ملے گا نہ مانی تو سزا ملے گی آپ نے فرمایا اج میں اگر خاموش ہو گیا یا ڈر گیا تو میرے اللہ کا دین بدل جائے گا۔ تم سب سنو قرآن اللہ کی صفت ہی۔ اس پہ آپ کو روزانہ اسی کوڑے مارے جاتے ۔اور جب منہ کالا کر کے گدھے پر بٹھا کر گھما یا جاتا تو آپ ہر چوک میں اعلان کرتے جو مجھے جانتے ہیں وہ جانتے ہیں اور جو نہیں جانتے وہ جان لیں میں احمد بن حنبل ہوں جو یہ کہتا ہے کہ قرآن مخلوق نہیں اللہ کی صفت ہے ۔ میرے بھائی علماء کا کام تو یہی ہے کہ حق بتایا جائے اب اگر اس سے کسی کو تکلیف ہو تو علماء کا کیا قصور ہے ۔ باقی رہی بات فتوٰی کی تو جناب فتوٰی دینا تو قرآن و سنت کے ماہرین کا کام ہے ۔اور علماء قرآن و سنت کے ماہر ہوتے ہیں ۔ پھر ہر عالم کو بھی اس کی اجازت نہیں ہوتی اس کام کے لیے علما کو مزید کورس کرنا پڑھتے ہیں پھر جن کے پاس افتا کی ڈگری ہوتی ہے فتوٰی دینے کا اختیار ان کے پاس ہوتا ہے پھر یہ مفتی صاحبان بھی قرآن و سنت کو مقدم رکھتے ہیں ۔ پھر یہ علماء جن مدارس عربیہ میں پڑے ہوتے ہیں ان مدارس کا کام ہی قرآن و سنت کے ماہرین کو تیارکرنا ہے ۔ اس لیے قرآن کریم کا ترجمہ اور تفسیر ہر کسی کا کام نہیں ہے اس کے لیے قرآن و سنت کا ماہر ہونا ضروری ہے ۔ اور جو شرائط ایک مفسر قرآن کے لیے ضروری ہیں وہ جس میں بھی پائی جائیں وہ بلا تردُد ترجمہ اور تفسیر بیان کرے اُسے کون روکتا ہے ۔ڈاکٹر صاحبہ کو اگر ان علما کے فتوٰی پر اعتراض ہے تو اس فتوٰی کو عدالت میں چینلج کر دیں کہ جناب اعلٰی اس فتوٰی سے میرے سٹیٹس پہ سوالیہ نشان پڑ گیا ہے۔جناب عالی میرے اندر وہ تمام شرائط موجود ہیں جو ایک مفسرقرآن میں ہونا چاہیے۔جناب عالی اس فتوٰی سے میری ہتک عزت ہوئی ہے لہٰذا مجھے اصاف دلوایا جائے۔عدالت ان مفتی صاحبان کو بلائے گی جنہوں نے فتوٰی دیا ہی۔ کہ آپ نے یہ فتوٰی کس بنیاد پہ دیا ہے ۔اور کیوں دیا ہی۔ اب مفتی صاحب عدالت کو جواب دیں کہ ان کے ترجمہ اورتفسیر میںکیا ابہام یا نقص پایا جاتاہے۔ دوستو ۔ اس میں لڑائی والی کیابات ہی۔اور نہ ہی علماء کرام کے بارے میں اوٹ پٹانگ گفتگو کر نے کی کوئی ضرورت ہے ۔ دوستو علماء کا وجوداللہ کی رحمت ہے اور یہ وہ لوگ ہیں جو ہر برائی کے خلاف اُٹھ کھڑے ہوتے ہیں ۔ آج ہم لا شعوری طورپر یہود و نصارٰی کے پروپگنڈہ سے متاثر ہوکر مدارس عربیہ اور علماء کرام کے خلاف محاذ کھول چکے ہیں۔جبکہ ہم سب جانتے ہیں کہ اہل کلیسا کا کیا حال ہے ۔جب سے انہوں نے مذہب کو اپنی زندگی اپنی عدالت اپنے گھر بار سے نکال دیا تو ان کا کیا حال ہوا اور ہو رہا ہے ۔وہاں ماں باپ اور اولاد کے درمیان کیتنا بڑا گیپ ہے ۔ماں باپ اپنی اولاد کو کسی غلط حرکت پہ ڈانٹ بھی نہیں سکتے ۔اور تو اور ماں باپ کی زندگی کا وہ حصہ جس میں انہیں اولاد کی سب سے زیادہ ضرورت ہوتی ہے مجبورا اولڈہاوس میں گزارنا پڑتا ہے ۔اور ان کی بہن بیٹی شادی سے پہلے ہی کئی کئی بچوں کی ماں بن چکی ہوتی ہیں ۔اور ان کی غیرت کا یہ حال ہے کہ ان کو بلکل پرواہ نہیں ۔یہ سب کچھ مذہب کی دوری کی وجہ سے ہے۔ یہی فضا ہمارے ملک میں بھی چل نکلی ہےکہ ان علماء کو مسجد و مدرسہ تک محدود کر دو تاکہ ہم بھی اہل کلیسا کی طرح آزاد ہو جائیں ۔ اور ترقی کی منازل طے کر جائیں ۔میں حیران ہوں کہ وہ کونسا عالم یا مفتی ہے جس نے کہا ہو کہ آپ ترقی نہ کریں ایٹم بم نہ بنائیں غوری اور شاہیں نہ بنائیں جہاں تک مجھے یاد ہے یہ علماء ایسی ترقی پر دل کھول کر داد دیتے اور حوصلہ افزائی کرتے نظر آتے ہیں ۔ دوستوان علماء کو اپنا کام کرنے دو۔ کیونکہ اپنے جسم کے اس عضو لازم کو اپنے سے جدا کرو گے تو مفلوج ہو کر رہ جاو گئے ۔علامہ اقبال نے بھی یہی فرمایا : ۔
جدا ہو دین سیاست سے تو رہ جاتی ہے چنگیزی :
یہ لوگ حقیقت میں انبیاء کے وارث ہیں اس لیے کسی ملامت کرنے والے کی ملامت کی پرواہ نہیں کرتے اورانبیاء کی وراثت کو تقسیم کر رہے ہیں ۔ جب بھی باطل سر اُٹھاتا ہے تو سب سے پہلے یہ علماء ہی دیوار بن کر کھڑے ہو جاتے ہیں۔ اور اپنی جان تک قربان کردیتے ہیں ۔اللہ کریم ہمیں علما سے محبت کرنے کی توفیق عطا فرمائے آمین۔
آخری اور سب سے بڑی بات
نبی کریم صلی اللہ علیہ وسلم نے ارشاد فرمایا
وہ شخص جو ہمارے بڑوں کی تعظیم نہ کرے ،ہمارے بچوں پر رحم نہ کرے ،اور ہمارے علما کی قدر نہ کرے وہ ہماری امت میں سے نہیں ( ترغیب عن احمد والحاکم )
اس مبارک ارشاد کے بعد تو کسی بحث کی ضرورت ہی نہیں رہتی ۔اللہ کریم ہم سب کو علماء کی قدر ،اور ان سے محبت کرنے کی توفیق عطا فرمائے آمین ثم آمین