کسی بھی ملک کو مشکلات سے نکالنے میں‌ حکمرانوں کا نہیں بلکہ عوام کا کردار اہم ہوتا ہے۔ خاص طور جو ملک جمہوری ہونے کا دعوے دار بھی ہو۔۔کیوں کہ حکومت کا انتخاب براہ راست عوام کی مرضی سے ہوتا ہے۔

عقل مند عوام اپنے اور ملکی حالات کو مد نظر رکھتے ہوئے اور ووٹ کو قوم کی امانت سمجھتے ہوئے اسی کو ووٹ دیتے ہیں جو مخلص ہو اور کچھ کرنے کا جذبہ رکھتا ہو۔۔ جس کا کردار دوسروں سے بہتر ہو اور جو حکومت میں اپنے ذاتی مفاد کے لئے نہیں بلکہ ملک و قوم کی خدمت کے جذبے سے سرشار ہو کر جائے۔۔

ہمارے عوام 63 سال سے ظلم کی چکی میں پس رہے ہیں اور آج کل تو حالات ایسے ہیں کہ ۔۔۔۔۔۔بس
پی پی پی کو محترمہ بینظیر بھٹو شہید کے صدقے ووٹ ملے، اس نے خدمت کا نعرہ لگایا اور ایوان اقتدار میں آتے ہی اپنی پرانی ڈگر پر چل دیئے۔۔
بجلی، آٹا، چینی اور گیس غائب ہو گئی۔۔۔۔ کیری لوگر جیسے بل منظور کئے۔۔۔۔ این آر اور اور سترہویں ترمیم جیسے کالے قوانین کو تحفظ دینے میں ذاتی مفاد کو ملکی مفاد پر مقدم رکھا۔۔

ساری کی ساری عوام حکومت کے خلاف بولتے نہیں تھکتی۔۔۔ کسی بس میں سوار ہو جائیے، بازار میں چلے جائیے۔۔۔ حکومت کو کوسنے دیتے ہوئے کئی لوگوں سے ملاقات ہو گی۔۔
اور کئی لوگوں کا خیال تھا کہ اب پی پی پی کی آخری دفعہ ہے۔۔۔۔۔ اس دفعہ کی اس کی کارکردگی اس کی ساری ساکھ تباہ کر چکی ہے اس لئے اب دوبارہ اس کو ووٹ نہیں ملیں گے۔۔

لیکن گلگلت بلتستان میں ہونے والے حالیہ انتخابات کے نتائج دیکھئے۔۔۔
ایک بار پھر عوام نے پی پی پی کو اپنے فیصلوں کا مجاز بنا دیا ہے۔۔۔سب سے زیادہ نشستوں پر پی پی پی کامیاب ہوئی ہے۔۔۔۔۔۔
کیا کہنے اس غیور، عقلمند اور محب وطن عوام کے۔۔۔۔۔۔۔۔

اس پر سوائے اس کے اور کیا کہا جا سکتا ہے کہ

__________________
محتاج اصلاح و دعا