ہٹلر خود جتنا ہوشيار اور چالاك تھا اس نے‌كابينہ بھي اسي انداز سے ركھي تھي خصوصا گوئبلز اس كا پروپيگنڈا ماسٹر تھا اس نے‌جنگ عظيم دوم ميں‌پروپيگنڈے كي كئي نئي تكنيكس متعارف كراءيں اس كا وہ قوم تو آج تك پروپيگنڈے كي دنيا پر حكمراني كر رہا ہے ۔۔۔‌جھوٹ اتنا بولو، اتنا بولو كہ وہ سچ دكھاءي دينے لگے۔۔۔۔ گوئبلز نے1935 ميں ايك نئي تھيوري پيش كي تھي اس كا كہنا تھا ۔۔۔‌اگر آپ كا حريف سچا اور آپ جھوٹے ہوں تو پريشان ہونے كي كوئي ضرورت نہيں، بس جب آپ كا حريف بات كرنے لگے تو آپ اس كے نزديك شور كرنا شروع كر ديں، اس كي بات لوگوں تك پہنچنے ہي نہيں‌پائے‌گي۔

دوسري جنگ عظيم كے‌دوران گوئبلز نے‌اس تھيوري سے بڑا كام ليا۔ اس نے ريڈيو كي ايسي لہريں ايجاد كراءيں‌جو دشمن كے ريڈيو كي نشريات ميں شور پيدا كر ديتي ت ھيں جس كے‌نتيجے ميں لوگ ريڈيو كي نشريات نہيں سن سكتے‌تھے اس نے‌مقامي زبانوں ميں‌خفيہ ريڈيو اسٹيشن بنوائے يہ اسٹيشن مقامي زباوں ميں لوگوں كو اتحاديوں كے‌خلاف ابھارتے تھے اس نے دشمن كے‌ارادے توڑنے كے‌ليے 35 بڑي زبانوں ميں‌پمفلٹ اور اخبارات شائع كروائے نازي جاز يہ پمفلٹ اور اخبارات فضا سے‌دشمن كے علاقوں ميں پھينك جاتے تھے لوگ يہ پمفلٹ‌پڑھ كر پريشان ہو جاتے انہيں محسوس ہوتا نازي جيت رہے ہيں اور اتحادي ہار رہے ہيں اس نے‌جنگ كے‌دوران افواہ سازي كو باقاعدہ فن كي شكل دي وہ اپنے جاسوسوں كے ذريعے مقامي علاقوں ميں اس قسم كي افواہيں‌پھيلاتا تھا۔۔ اتحادي پسپا ہو رہے ہيں نازي آگے بڑھتے چلے آ رہے ہيں۔ تھوڑے عرصے بعد اس علاقے پر نازيوں كي حكومت ہو گي۔

اس نے‌ايك بار اپني اس كامياب پاليسي كے بارے‌ميں‌تفصيل بتائي كہ وہ چند دوستوں كے ساتھ ايك فيكٹري كے‌دورے‌پر گيا وہاں جب وہ اپنے‌دوستوں كو فيكٹري كے بارے ميں بتا رہا تھأ تو اچانك مشين كي آواز اس كي آواز پر حاوي ہو گئي۔ اس نے چيخ چيخ كر دوستوں كو بتانا شروع كيا ليكن مشين كي آواز كي وجہ سے اس كا ايك بھي لفظ اس كے دوستوں كے‌پلے نہ پڑا اس واقعے سے‌اس كے ذہن ميں۔۔‌پروپيگنڈے۔ كي نئي تكنك آئي اور اس نے شور پيدا كرنے‌كي تھيوري پيش كي۔

جنگ عظيم دوم تو ختم ہو گئي ليكن گوئبلز كي تكنيك پر عمل ہوتا رہا يہ تھيوري معمولي رد و بدل كے ساتھ آج تك استعمال ہوتي آ رہي ہے ہٹلر كے‌پروپيگنڈا ماسٹر۔ گوئبلز كا فلسفہ تھا اتني دھول اڑائيں كہ حقيقت كا چہرہ اس كے‌پيچھے چھپ جائے سچ كے‌قريب اتنا شور پيدا كر ديں‌كہ اس ك آواز لوگوں كے‌كانوں تك نہ پہنچ سكے۔

بحوالہ
دہشت گردي كے‌اڈے يا خير كے‌مراكز مصنف انور غازي
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔
يہ مكمل تحرير نہيں ہے۔۔ لين تحرير كا يہ حصہ پڑھتے ہوئے‌نا جانے‌كيوںمجھے محسوس ہوا كہ ہمارا ملكي اور غير ملكي ميڈيا ہي خدمت سرانجام دے رہا ہے۔۔۔۔ جتنا غور كيا اتنا ہي مجھے يقين ہوتا چلا گيا كہ آج كے اليكٹرانك اور پرنٹ ميڈيا دانستہ يا نا دانستہ اسي گوئبلز كي تھيوري پر چل رہا ہے يا چلايا جا رہا ہے۔۔۔اس تحرير كے يہاں‌پيش كرنے‌كا مقصد يہ ہے‌كہ ميں يہ جان سكوں كہ يہ وہم يا بد گماني صرف مجھے ہي پيدا ہوگئي ہے يا اس ميں كوئي حقيقت بھي ہے۔۔ آپ حضرات كي كيا رائے‌ہے۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔