عید الاضحٰی کے دن بہت مبارک ہیں ان دنوں میں خصوصاً اپنے اور اہلخانہ سمیت خاص طور پر موجودہ سنگین صورتحال میں پاکستان کی سلامتی اور تحفظ کے لئے اللہ سے خاص طور پر دعا کریں۔ اور پاک نیٹ کے تمام ممبرز کو بھی اپنی دعائوں میں یاد رکھیں۔

اے اللہ محض اپنے کرم سے ہمارے اس پیارے ملک کو دشمنوں، کافروں اور وہ جو ہماری صفوں میں اپنا بن کر گھسے ہوئے ہیں لیکن حقیقت میں دشمن ہیں اس ملک کے اور تیرے پیارے دین کے، ان سے اور ان کی سازشوں سے سے بچا۔ اور ہمیں سمجھ بوجھ عطا فرما کہ ہم دشمنوں کو پہچانیں اور ایسے محب وطن اور نیک لوگ اس ملک کو عطا فرما جو ان دشمنوں کو کیفر کردار تک پہنچائیں۔ اے اللہ اس وطن جس کے قیام میں تیرا کلمہ بنیاد بنا تھا سے ہم نے بہت کچھ حاصل کیا ہے لیکن دیا شاید بہت کم یا نہ ہونے کے برابر ہے کی تو ہی حفاظت کرنے والا ہے کہ میرا یہ یقین ہے تیرے حکم کے بغیر ریت کا ایک ذرہ اپنی جگہ سے نہیں ہلتا۔ اے اللہ ہم سب پر رحم فرما اور ہم پر اپنی رحمتیں نازل فرما، اور رحمت کی بارش نازل فرما۔ اے اللہ ہماری مدد فرما۔ امین ثم امین۔