آج کے حالات میں پاکستان میں جوان ، بوڑھے ، عورتیں بچے سب ہی محمد بن قاسم کے انتظار میں ہیں ۔
سب کا خیال ہے کہ اس قوم کو ایک لیڈر کی ضرورت ہے ، ایک قائد اعظم کی ضرورت ہے تو یہ قوم سب کچھ کرلے گی ۔
لیکن کبھی سوچا ہے ۔ وہ محمد بن قاسم جو ائے گا۔ وہ بھی کسی ماں کا بیٹا ہوگا ۔ اس کی بھی گھریلو ذمہ داریاں ہونگی ۔ تو وہ لیڈر کیسے بن جائے گا ۔ وہ اس قوم کے لیے اپنی جان اور اپنی فیملی کی قربانی کیوں کرے گا ۔
میں نے سوچا ۔ کہ نہیں ،محمد بن قاسم باہر سے نہیں آئے گا بلکہ اس قوم کا ہی کوئی بیٹا ہوگا۔ میں نے مزید سوچا کہ وہ کسی کا بیٹا کیوں ، میرا اپنا بیٹا کیوں نہیں ہوسکتا ہے ۔ ہم جو قربانی دوسروں سے چاہتے ہیں وہ ہم خود کیوں نہیں دے سکتے ہیں ۔
اس بات کا خیال مجھے اپنے بیٹے کی اس بات سے ایا
۔ ایک دن اس نے مجھ سے پوچھا مما قائداعظم نے کیا کیا تھا ۔ مجھے یہ معلوم ہے کہ انہوں نے پاکستان بنایا تھا لیکن انہوں نے کیا کیا تھا یہ بتائے
میں نے اس کو کہا قائد اعظم نے پوری قوم کو ایک جگہ جمع کیا تھا ،متحد کیا تھا اور قائداعظم اور اس قوم نے مل کر پاکستان بنایا تھا ۔ کیونکہ کوئی بھی بڑا کام اکیلے نہیں کیا جاسکتا ہے اور بڑا کام کرنے کے لیے سب کو ایک ہوکر جدوجہد کرنی پڑتی ہے ۔
میرے بیٹے نے میری بات سن کر بہت معصومیت سے کہا مما مجھے بڑے ہوکر قائد اعظم بننا ہے ۔
تب میں نے سوچا ۔ محمد بن قاسم ، طارق بن ذیاد ، قائد اعظم یہ سب بھی تو انسان تھے ۔ ان کے بھی والدین تھے فیملی تھی ۔ پہر ان میں اور ہم میں کیا فرق ہے ۔ہماری اولاد محمد بن قاسم کیوں نہیں بن سکتی ہے ۔
میرا بیٹا ابھی سات سال کا ہے ۔ اس کی سوچ اور اس کی زندگی ایک سفید کاغذ کی مانند ہے ۔ میرے پاس ابھی دس سال ہیں ۔ دس سال میں میں اس کی ایسی تربیت کرنا چاہتی ہوں کہ دس سال بعد اس قوم کو ایک محمد بن قاسم دے سکوں
کیا آپ لوگ میری مدد کریں گے ؟
مجھے بتائیں کہ میں اس کی تربیت کن خطوط پر کروں
میں دو کام بحیثیت ماں کرسکتی ہوں
1 اس کے دل سے موت کا خوف ختم کردوں ۔ کیونکہ بیٹوں کے دلوں میں موت کا خوف عام طور پر مائیں ہی ڈالتی ہیں ۔ یہ کہہ کر کہ تمھارے بعد ہمارا کیا ہوگا ۔ اس کے دل میں موت کا خوف اللہ پر یقین کو پیدا کرکے نکالا جاسکتا ہے ۔
۔2اس کو دنیاوی ذمہ داریوں سے بری کردوں ۔ مطلب وہ جو بھی تعلیم حاصل کرے قابلیت کے لیے کرے نوکری یا پیسہ کمانے کے لیے نا کرئے ۔
3 ڈھیر ساری دعائیں کروں اس نئی نسل کے لیے کہ یہ نسل مجاہدین پر شامل ہو انشاءاللہ

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے