کبھی کبھی مسائل ہمارے پیدا کردہ ہوتے ہیں اور کبھی از خود پیدا ہو جاتے ہیں۔تاہم اگر تمام اقسام کے مسائل کا بغور جائزہ لیا جائے تو یہ بات سامنے آتی ہے کہ مسائل خواہ ہمارے پیدا کردہ ہوں یا از خود پیدا شُدہ ، اُنکی بنیاد یا وجہ مشترک ہوتی ہے۔ اور وہ مشترک وجہ ہوتی ہے اپنی رائے پر اڑ جانا اور فریق مخالف کے ساتھ مل بیٹھے سے انکار کرنا۔اس بات پر اصرار کرنا کہ میری بات مانو ورنہ میرا تمہارا ساتھ ختم۔
اس قسم کا رویہ اگر ذہنی نا پختگی کو ظاہر نہ بھی کرے تو بھی فیصلہ کرنے والوں کو پریشانی میں دال دیتا ہے۔ اس قسم کا رویہ عموماً Counter Productive ہوتا ہے اور ترقی معکوس کا سبب بن جاتا ہے۔ سالہا سال کی محنت پر پانی پھر جاتا ہے اور دوبارہ سے اُس مقام تک پہنچنا بہت مشکل ہو جاتا ہے جہاں سے گرے تھے۔ پاکستان میں موجود اکثر مسائل اسی "میں نا مانوں" کی پیداوار ہیں۔ اور پاکستان انہی مسائل کی وجہ سے ہی ہر وقت ناکام ریاست ڈیکلئیر ہونے کے خطرے سے دوچار رہتا ہے۔

اس قسم کے مسائل کہ جن میں فریقین "میں نا مانوں" کی گردان کرنے پر مُصر ہوں ، کو حل کرنے کے لیے کوئی "Hard and Fast Rule" موجود نہیں ہے۔ تاہم بوقت ضرورت لائح عمل ضرور بنایا جا سکتا ہے۔ثالث کا تیل دیکھو اور تیل کی دھار دیکھو والا لائحہ عمل کبھی کبھی تو کام دے جاتا ہے تاہم لانگ ٹرم میں اس کے نقصانات کا اندازہ کرنا مشکل ہوتا ہے۔ ثالث کو "مٹی پاؤ" والے رویہ سے پیچھا چھڑوا کر فیصلہ کُن کردار کا حامل ہونا چاہیے۔

پہلے اقدام کے طور پر دونوں فریقین کی خدمات کا اعتراف کرتے اور انکو احساس دلاتے ہوئے کہ انہوں نے کس قدر محنت کے ساتھ ادارے کو اس مقام تک پہنچایا ہے اُن سے سوال کیا جائے کہ کیا وہ اس معمولی مسئلے کی خاطر تمام محنت کو اکارت کرنا پسند کریں گے۔ اُس کے بعد دونوں فریقین کو آمنے سامنے بٹھا کر اُن سے کہا جائے کہ دلیل کے ساتھ ایک دوسرے کو اپنا پوائینٹ آف ویو سمجھاؤ۔ اس مقصد کے لیے کوئی ٹائم فریم بھی مخصوص کیا جانا چاہیے۔ جب دونوں فریقین ایک دوسرے کو اپنا مدعا سمجھائیں گے تو زیادہ اُمید اسی بات کی ہوتی ہے کہ مسئلہ اپنی موت خود ہی مر جائے گا۔

تاہم اگر اس جگہ مسئلہ حل نہ ہو سکے تو پھر ثالث کا حق و انصاف کے تقاضوں کو مد نظر رکھتے ہوئے فیصلہ کرنا چاہیے۔
سب سے پہلے مسئلہ کی جانچ خود کرنا چاہیے ۔
فیصلہ کرنے سے قبل دونوں فریقین سے انکا نقطہ نظر تفصیلی معلوم کر لینا چاہیے۔
اگر ممکن ہو تو کم از کم تین اصحاب کی مشاورت ضرور لی جائے پھر اس کے بعد جو حق اور انصاف لگے اُس پر فیصلہ لے لیا جائے۔
فیسلہ جلد از جلد لیا جانا چاہیے۔ کیونکہ Justice Delayed is Justice denied
فیصلہ کرتے وقت یہ نہ دیکھا جائے کہ کون پُرانا دوست ہے اور کون نا پسندیدہ ۔ یا کس سے فوائد زیادہ مل سکتے ہیں اور کس سے کم۔
یاد رکھیے نظریہ ضرورت نے ہمیشہ پاکستان کو نقصان دیا ہے۔ بعینہ ہماری عمومی زندگیاں بھی اسی نظریہ ضرورت کے قانون کے استعمال کی وجہ سے تباہ ہوتی جا رہی ہیں۔ اس لیے اس عالمی قانون سے چھٹکارا پانے کی کوشش کیجیے۔