سورۃ بنی اسرائیل میں ہے
“والدین کیساتھ نیک سلوک کرو، اگرتمہارے پاس اُن میں سے کوئی ایک، یا دونوں بوڑھے ہوکر رہیں، تو اُن کو اُف تک نہ کہو، نہ اُنہیں جھڑک کرجواب دو، بلکہ ان سے احترام کیساتھ بات کرو“۔

حدیث نبوی صلی اللہ علیہ والہ وسلم ہے
“جس گناہ کو اللہ چاہتے ہیں معاف فرما دیتے ہیں لیکن والدین کو ستانے کی سزادُنیامیں مرنے سے پہلے دے دیتے ہیں“۔

میری سیٹ چونکہ آٹومیٹک گیٹ کے سامنے تھی اسلئے باہر کا منظرصاف نظرآتا تھا۔ گاڑی سے ایک لڑکا نکلا اوراُسکی نظراُس بزرگ پر پہنچی تو اُس کو سڑک پار کرواکراندرلایا اورسیدھاچلتا ہوامیرے پاس آیا اورمجھ سے اُس بزرگ کے بارے میں پوچھنے لگا کہ اسکا کوئی کام تو نہیں ہونیوالا۔ میں نے اُسکو لڑکے کے پاس بھیج دیا۔ اِتنے میں وہ لڑکا نماز پڑھنے چلا گیااورمجھے کہہ گیا کہ اِن کوجانے نہ دوں وہ خودگھرڈراپ کر دے گااورپے منٹ کر دے گا۔ میں اُس بزرگ کو جانتی تھی اُنکی عُمرتقریباً 87 سال ہے۔ وہ اکثروبیشتراپنی نگاہ چیک کروانے یا عینک بنوانے تنہا ہی آتا تھا۔

پہلے تو ڈاکٹراُس لڑکے دیکھکرحیران ہوئے کہ آج پہلی بارانکے گھرسے کوئی انکولیکرآیا ہے وہ بزرگ کہنے لگے میں اسکونہیں جانتا یہ کوئی راہگیر ہے جس نے سڑک پار کروائی ہے مجھے۔ بہرحال چیک کرنے اورعینک بننے میں بمشکل 15 منٹ لگیں اوروہ بزرگ اپنے پوتے اوربہوکاا ِنتظارکرنے لگاجو اُسکوبیچ سڑک "ڈراپ" کرکے کہیں چلے گئے تھے۔ 25 منٹ تک وہ لڑکا نمازپڑھ کر آگیا اوربل کا پوچھا جو ٹوٹل 1800 بنا تھا اُس نے بل کی ادائیگی کی اوراُسے سہارا دیتا ہوالے گیا۔ ابھی اُس نے گاڑی کا دروازہ کھولا ہی تھا کہ ایک لڑکا اورعورت گاڑی سے نکلے اوراُس لڑکے تک پہنچ گئے۔ اُن کے درمیان کیا بات ہوئی معلوم نہیں کیونکہ دروازہ بند ہو چکا تھا لیکن لڑکے کے ایکٹ سے لگ رہا تھا کہ وہ کافی غصے میں ہے۔

ہواسے خودکاربرقی دروازہ کھلا تو اُس لڑکے کی آوازیں صاف آنے لگیں جو اُس بزرگ کے پوتے اوربہوکو آئینہ دیکھا رہا تھا، اُنکومکافاتِ عمل بتا رہا تھا۔ اُن دونوں نے اُسکی بات سُنی لیکن اَن سنی کرکے شکریہ اَداکرکے گاڑی میں بیٹھ کرچلے گئے۔

یہاں بات ختم نہیں ہو جاتی کیونکہ اب تک وہ بیچارہ اکیلے ہی آتا ہے لیکن افسوس اب وہ لڑکایااُس جیسا کوئی نہیں جو اُسکو سہارا دے کر لائے اوراُسکی پے منٹ کرے۔

اِسی طرح ایک اورمیاں بیوی مسٹراینڈ مسزگردیزی اکثرآتے ہیں۔ انکی عُمر70 اور بیوی 67 کی ہے۔ ماشاء اللہ 2 بیٹے اوربہویں ہیں جبکہ پوتے بھی جوان ہیں۔ لیکن اُسکے باوجودکانپتے ہاتھوں سے وہ خود کارڈرائیوکرکے اپنی نصف بہترکیساتھ آتا ہے اورگاڑی بھی قائدِاعظم کے زمانے کی جو اُس بزرگ کو اُن وقتوں کی گورنمنٹ سے ملی تھی نہ جانے کب دغا دے جائے۔ صرف ایک بار اُسکا بیٹااشعراُسکواپنے ساتھ چیک کروانے لے تو آیا لیکن اُس سے 2 منٹ اِنتظارنہ ہوااوربہو کا الگ منہ بن گیا حالانکہ وہی بہو جب اپنے بیٹے کیلئے آتی ہے تو 1 گھنٹی کہیں نہیں جاتا فریم پسند کروانے میں لیکن ڈاکٹرتھوڑالیٹ ہوگیا تو سُسرکوباتیں جاری ہیں کہ بعد میں آجایئے گا، کیا ضروری ہے ابھی چیک کروانا وغیرہ لیکن ایسا صرف ایک بارہواکیونکہ اُس کے بعد سے اب تک وہ بزرگ خود اپنی وائف کیساتھ آتا ہے۔ مجھے اُنکی ایک بات اب تک نہیں بھولی جب وہ بغیرنگاہ چیک کروائے جا رہاتھا تو مجھ سے پوچھا کہ آپ کے والدین بہت خوش قسمت ہیں اگرآپ اُن کیساتھ ایسانہیں کرتیں۔ اتنا کہہ کروہ رُکا نہیں اسٹیک پکڑی اورچلا گیاپھرشام کو7 کے قریب تنہااپنی وائف کیساتھ آیا۔

ایک اورمیاں بیوی ہیں۔ شوہریعنی مسٹرپروفیسرمُشتاق یونیورسٹی میں پروفیسر ہیں اوراُنکی وائف گیریژن کالج گرلزمیں پرنسپل ہیں اوراِنکی عُمر70 کے قریب ہے بلکہ اب ماشاء اللہ 71 ہو گی۔ اُنکا بیٹاشاہد اوربہوسارہ جاب کرتے ہیں اورصاحبِ اولاد ہیں یعنی اُنکاچھوٹا بیٹا 4 سال کا ہے لیکن وہی مسزگردیزی والی کنڈیشن کہ بیچارے الگ ایک پرانی گاڑی میں ایک دوسرے کو سہارا دیکرآتے ہیں یعنی اولاد کے ہوتے ہوئے بے اولادوں جیسی زندگی بسرکررہے ہیں۔

راحت بیکرزکا آپ نے سُنا ہوگا۔ یہاں میں اُس بندے کانام مینشن نہیں کرناچاہتی۔ اُنکی وائف کی والدہ ڈاکٹرکے پاس ڈونیشن کیلئے آتی ہے۔ پہلے پہل مجھے سے اتنی بات نہیں تھی پھرمجھے اُس نے بتایا کہ راحت بیکرزکی برانچزہماری ہیں۔ شوہر کا سایہ اُٹھ گیا اب بیٹیوں کی محتاج ہوں کہ دووقت کی روٹی دیں اورتن ڈھانپنے کو کپڑا۔ جب وہ روتے ہوئے کہتیں ہیں کہ مجھے زکاۃ لیتے شرم آتی ہے بیٹا تو میرا دل بھی رو پڑتا ہے کہ اِتنی دولت میں ماں کیلئے ایک روپیہ نہیں جو 500 لینے آتی ہے ہرماہ۔

ایسے کئی جوڑے آتے ہیں جنکو دیکھکرسوچتی ہوں کہ کیااِس دِن کیلئے ماں باپ اولاد کی پرورش کرتے ہیں کہ وہ اُنکواُنکے حال پرچھوڑدے؟ جس عُمرمیں اولاد کا ساتھ چاہئے ہووہ بے اولادی جیسی زندگی بسرکریں۔ وہ لوگ اپنے بچوں کو دینے کیلئے کئی گھنٹے صرف کردیتے ہین لیکن والدین کیلئے مشکل سے آدگا گھنٹہ نہیں نکال سکتے۔ کیا یہ لوگ بھول چُکے ہیں کہ مکافاتِ عمل بھی کوئی چیز ہے؟ اِنکی اولاد بھی اِنکے ساتھ ایسا کر سکتی ہے؟ بلکہ کرے گی کیونکہ وہ سب دیکھ رہے ہوتے ہیں کہ ہمارے ماں باپ ہمارے دادادادی کیساتھ کیا کر رہے ہیں۔

انڈین کتاب بھگوت گیتا میں ہے، "اوسائی! سُن رکھوکہ ماں باپ کا درجہ تو بھگوان کرشن سے پہلے ہے۔ اُنکو کشٹ دینا ایسا ہے جیسے اپنی چیتا کو جیتے جی جلتا دیکھنا"۔

اللہ ہم سب کو قرآن پڑھنے کی سمجھ دے تاکہ اگرہم کتابوں میں پڑھے ہوئے والدین کے حقوق بھول بھی جائیں توقرآن کو یاد کرلیں کہ اس میں ہمارا رب کیا فرماتا ہے یا کم ازکم یہی سوچ لیں کہ ہماری اولاد بھی ہمارے ساتھ ایساکرسکتی ہے۔

اللہ رب العزت ہم سب کو والدین کا فرمانبردار بنائے آمین۔

__________________