فرقوں ،مسلکوں،ذات،برادریوں اور لسانی ٹکڑوں میں منقسم ،جاگیرداروں کی چکی میں پستے ہاری،صنعت کاروں کی بھٹیوں میں جھلستے مزدور،وڈیروں کی نجی جیلوں میں قید مزارع،طبقاتی نظام تعلیم کے خانوں میں بٹے طلبہ و طالبات،چینی مافیا،آٹا مافیا،اور ذخیرہ اندوزوں کے چنگل میں پھنسی اپنے حال سے بے‌کبر اور مستبقل سے بے بہرہ اپنے حال میں بدمست عوام کو اب تک اپنے آپ میں مگن دیکھ کر مجھے ایک پرانا لطیفہ یاد آرہا ہے جو کہ نہایت ہی گھس گیا ہے لیکن پاکستانی قوم پر ہمیشہ فٹ بیٹھتا ہے
””بادشاہ ظل الہی نے‌ٹیکسوں میں بے پناۃ اضافہ کر دیا عوام نے احتجاج تک نہ کیا بادشاہ نے سوچا کہ عوام ٹیکسوں کے لگنے پر احتجاج نہین کر رہی کیوں نہ انکی عزت نفس پر حملہ کیا جائے بادشاہ نے‌حکم دیا کہ شہر کے دروازے پر موجود پہریدار ہر آنے جانے والے کو دو دو جوتے ماریں ،بادشاہ کے‌حکم کی تعمیل ہوئی دو دن بعد بادشاہ سے ملنے شہر کے معززین کا ایک وفد آیا بادشاہ خوب ہوا کہ چلو کسی کو تو خیال‌آیا کہ‌طلم ہو رہا ہے مگر وفد نے بادشاہ سلامت سے بعد از مناجات یہ عرض کی ہے بادشاہ سلامت شہر کے دروازے پر عوام کو جوتے مارنے کےلئے جو پہریدار مقرر کئے گئے وہ کم ہین انکی تعداد بڑھائی جائے کیونکہ عوام کا قیمتی وقت جائع ہوتا ہے““
آج ملک بھر میں مہنگائی کی شرح مین دن بدن اضافہ ہورہا ہے اور اسکے باوجود ملک بھر مین کہیں سے بھی اس کے خلاف صدائے احتجاج بلند نہیں ہو رہی کیونکہ آج ہم پاکستانی بھی طلم سہنے کے اتنے عادی ہو چکے ہیں
پاکستان کو اس مقام تک پہچانے والوں میں کوئی بھی حکمران ہو نے اپنے اقتدار میں کم نہیں کیا ہر ایک حکمران کے مظالم کو جواب میں عوام ہمیشہ خاموش رہی یہ عوام انسان نہین بلکہ چلتے پھرتے مردے ہین ،جانور بھی انکی بے‌ضمیری و بے حسی پر شرمسار ہیں یہ ملک پاکستان نہیں بلکہ زندوں کا قبرستان ہے جہاں عوام کو پیٹ و کچن سے آگے کچھ دیکھنے کو تیار نہیں ،ہر ایک چاہتا ہے کہ اس کا مسئلہ حل ہوجائے اسے روٹی مل جائے ،اسی کسی طرح پیسہ مل جائے،پانی نہیں ہے تو ٹیکنر ڈلوالیا،بجلی نہین ہے تو یو پی ایس یا جرنیٹر خرید لیا،آٹا مہنگا ہواتو بھی خرید لیا،چینی مہنگی ہوئی تو وہ بھی خرید لی لیکن کبھی‌آٹا،چینی،بجلی و پانی کا بحران پیدا کرنے والوں سے باز پرس نہیں کی جو ہو رہا ہے ہونے دو ،جو چل رہا ہے چلنے دو،ہر ایک کو صرف اپنی فکر ہے ،انکا دھیان کسی اور طرف نہین جا رہا،اپنا ضمیر،اپنی‌غیرت،اور اب آخر میں اپنے بچے،گردے و دیگر جسمانی اعضاء فروخت کرنے کی‌آواز لگا رہے ہیں مگر کوئی ظلم و ناانصافی کے خلاف بولنے کو تیار نہیں یہی وجہ ہے کہ آج ملک مین ہر تیسرا نوجوان بیروزگاری کے اندھیروں میں بھٹک رہا ہے ،بے روزگاری اور مہنگائی کا عفریت اپنے خونی جبڑے کھولے نئی نسل کو نگلنے کےلئے تیار ہے،تعلیم یافتہ ڈگری ۃولڈر نوجوانوں کی مجرمانہ سرگرمیاں ،سینکڑوں مجبور و بے بس لڑکیوں کی عصمت فروشی کے واقعات نے نام نہاد اسلامی جمہوریہ پاکستان کے کھوکھلا پن کو بےنقاب کر دیا ہے
آج ضرورت اس مار کی ہے کہ سب سے پہلے قوم اپنے اندر سادگی لائے ہم اپنے غیر ضروری اخراجات کو ختم کریں اور اپنی ضرورتوں کو محدود کر کے دوسروں کی مدد کریں اور علاقائی سطح پر مھلہ کمیٹیاں بنا کر احتساب کا عمل شروع کریں پہلے اپنا احتساب پھر محلے کے دوکاندار کا احتساب کریں جو گرانفروشی کرتا ہے اور اسکے بعد معاشرے کو بدلنے کےلئے جدوجہد کریں اگر آپ دوسروں کی مدد کر رہے ہیں تو یہ آپ اپنےا وپر احسان کر رہے ہیں کیونکہ حقوق اللہ تو معاف ہو سکتے ہیں حقوق العباد نہین ہمیں اس استحصالی نظام کو بدلنے کےلئے خود جدوجہد کرنی ہو گی یاد رہے کہ جس معاشرے مین بے حسی بڑھ جائے وہاں انقلاب نہیں عذاب آتے ہیں

__________________
سمندر نے سمندر ،دریا نے دریا جانا مجھے
جسکا جتنا ظرف تھا اتنا ہی پہچانا مجھے