کلائی میں بندھی گھڑی، موبائل میں لگا تار چلتا ہوا کلاک، اور دیواروں پر خوبصورت آویزاں گھڑیال صرف وقت کے آگے بڑھنے کا احساس دلاتے ہیں۔ وقت جو صرف بڑھتا ہے، کیا وہ سبق آموز ہے بھی یا بس قدرت کا ایک نظام ہے۔ دن رات کی گردش میں صرف اگر کوئی فرق ہے تو وہ ہے "وقت" کا۔ وقت ایک سا نہیں رہتا، ہاں، معمولات ایک سے ضرور رہ سکتے ہیں یا رہتے ہیں۔ اس بات پر توجہ دلانے کا مقصد لوگوں کو یہ بتانا ہے کہ وقت کی اس ریت کے خلاف دن بدن تماشہ ہو رہا ہے۔ وقت آگے چل رہا ہے اور ملک پیچھے سے پیچھے۔ کون سے وہ ذرا‏ئع ہیں جو جان بوجھ کر لوگوں کو وقت کے خلاف لے جاتے ہیں تاکہ وقت آگے بڑھے اور قوم پيچھے سے پیچھے۔ مظاہروں، ہڑتالوں اور جلوسوں میں قومی سرمایہ کا نقصان تو ہوتا ہی ہے، لوگ فضاء کو بھی آلودہ کرنے میں کوئی کسر نہیں چھوڑتے۔ عوام پولیس پر حملہ آورہوتی ہے، پولیس عوام کو جانور کی طرح برتتی ہے، ہر سو ایک دردناک سا سماں ہے۔ لوگوں کے مزاجوں میں اسقدر شدت پسندی ہے کہ کوئی سیدھے منہ بات ہی نہیں کرتا۔ لوگوں سے بات کرو تو صرف اور صرف درد ہی سننے کو ملتا ہے

__________________