ایک بادشاہ بہت رحم دل انصاف پسند اور عوام کا ہر طرح سے خیال رکھنے والا تھا۔ایک دن اس کے دل میں‌ خیال آیا کے میں اپنی رعایا کے لیئے دن رات فکر مند رہتا ہوں مگر میری رعایا نے کبھی میرا شکریہ ادا نہیں کیا۔
بادشاہ نے یہ بات اپنے وزراء کے سامنے رکھی اور کہا کہ تم مجھے کوئی ایسا مشورا دو کہ عوام میرے پاس آکے میرا شکریہ ادا کرے۔
ایک وزیر نے مشورہ دیا کہ فلاں علاقہ میں دریا کا پل نہیں ہے لوگ بڑی مشکل سے آر پار آتے جاتے ہیں۔اگر آپ وہاں بہترین پل بنوا دیں تو یقینا لوگ آپ کا شکریہ ادا کرنے آئیں گے۔لہذا بادشاہ نے فورا حکم دیا اور پل کا کام شروع ہو گیا۔
کچھ ہی دنوں میں پل کا کام مکمل ہو گیا لوگ آسانی سے آمدورفت کرنے لگے لیکن بادشاہ کا شکریہ ادا کرنے کے لیئے کوئی بھی نہ آیا۔بادشاہ بہت حیران ہوا اور وزراء‌کو طلب کر کہ اس بات کا گلہ کیا۔ ایک وزیر نے کہا کہ پل پر ٹیکس لگا دیں‌کہ ہر گزرنے والا ایک روپیہ ٹیکس دے کہ گزرے-شکریہ کہ لیئے تو کوئی نہیں آیا چلویوں شکایت کے بہانے ہی اپنے بادشاہ کے پاس آ جایئں گے۔
مشورے پہ عمل کیا گیا لوگوں سے ٹیکس وصول کیا جانے لگا اور لوگ اسے ادا کرنے لگے مگر بادشاہ کی خواہش دل میں‌ ہی رہی کوئی اس کے پاس شکائیت لے کہ بھی نہ آیا پھر مشورہ ہوا اور ٹیکس دو روپے کر دیا گیا وقت گزرتا گیا لوگ ہر پھیرے کے دو روپے دیتے رہے۔لیکن بادشاہ کے پاس کوئی شکائیت لے کے بھی نہ آیا۔
بادشاہ کو بہت غصہ آیا اس نے حکم دیا کہ پل سے ہر گزرنے والے کو پانچ پانچ جوتے مارے جایئں
اس طرح پل سے گزرنے والوں‌ کی چھترول ہونے لگی ابھی دو دن ہی گزرے تھے کہ ایک عوامی جھمکٹا بادشاہ کے دربار کے سامنے جمع ہو گیا بادشاہ بہت خوش ہوا کے کسی بہانے ہی سہی لوگ میرے پا س تو آئے فورا دربار میں‌بلا لیا۔
آنے والوں‌میں‌سے ایک آگے بڑھا اور جلدی سے بولا بادشاہ سلامت اصل میں ہمارے پاس ٹائم کم ہوتا ہے جوتے مارنے والا ایک ہے اس لیئے ہمارا کافی وقت پل پہ ہی ضائع ہو جاتا ہے آپ مہربانی کر کے جوتے مارنے والوں کی تعداد بڑھا دیں۔

جب لوگ نفسا نفسی کے عالم میں بے حس ہو جائیں تو یہی کچھ ہوتا ہے
اگر میں‌ غلطی پہ ہوں تو اللہ مجھے معاف کرے حال ہماری قوم کا بھی یہی ہوتا جا رہا ہے


کیوں‌ کہ



ہمارے پاس ٹائم ہی نہیں ہے۔

__________________