ہمارا ملک پاکستان جہاں بہت سے مسائل کا شکار ہے ان میں سے ایک اہم مسلئہ خودکشی بھی ہے دن بدن ہمارے معاشرے میں خودکشی کے رجحانات بڑھتے ہی چلے جا رہے ہیں اس دنیا میں کسی بھی جاندار کےلئے سب سی قیمتی متاع اسکی زندگی ہوتی ہے انسان اپنی جان کے تحفظ کے لئے کیا کیا پاپڑ بیلتا ہے اپنی جائیداد گھر یا دولت سب کچھ لٹا کر اپنی جان بچتی ہو تو بچا لیتا ہے
بادشاہ اپنی زندگی کی خاطر تاج و تخت چھوڑ دیتے ہیں کہ جان ہے تو جہان ہے
زندگی بچ گئی تو دنیاوی نعمتیں کل واپس بھی مل سکتی ہیں لیکن اگر جان چلی گئی تو کسی قیمت پر واپس نہیں مل سکتی
اب خیال کیجئے ان حالات کا
اور اندازہ کیجئے
اس ذہنی کرب اور دکھ کی سطح کا جب ایک انسان فیصلہ کرتا ہے کہ اس کی زندگی سے تو موت بہتر ہے اور اس طرح وہ اپنے ہاتھوں سے خود اپنی زندگی کا خاتمہ کر لیتا
ایسی موت کا ذمہ دار وہ ماحول ،وہ لوگ اور وہ معاشرہ ہے جس کے ہاتھوں تنگ ہو کر اس نے موت کو گلے لگایا ہے
ہمارے معاشرے میں ایسے بہت سے اسباب ہیں جن کی بناء پر ایک شخص اپنی عزیز ترین متاع کو خود اپنے ہاتھوں ضائع کرنے پر مجبور ہوجاتا ہے
ان اسباب میں بے روزگاری،غربت،شدید بےعزتی،ندامت،نوجوانوں میں پسند کا رشتہ نہ ہونا،مسلسل بیماری ،گھریلو جھگڑے اور لڑکیوں کےلئے عرصہ دراز تک مناسب رشتہ نہ آنا وغیرہ شامل ہیں
جہاں تک بےروزگاری کا تعلق ہے تو ظاہر ہے کہ انسان کی سب سے پہلی ضرورت خوراک ہے اگر کسی کو روٹی ہی نصیب نہ ہوسکے گی تو وہ زندہ کیسے رہے گا
ہمارے ہاں ملازمت ملنا آسان کام نہیں جب نوجوانوں کو ملازمت نہیں ملتی تو بہت سے نوجوان خود کشی کرنے پر مجبور ہو جاتے ہیں
اسی طرح غربت بھی خود کشی کا ایک برا سبب ہے آج کل کے مہنگائی کے اس دور میں جب ایک غریب آدمی اپنے گھریلو اخراجات پورے نہیں کر پاتا تو وہ بھی خودکشی کرنے پر مجبور ہو جاتا ہے ہمارے معاشرے مین غربت کے ہاتھوں مجبور لوگ زیادہ خودکشی کرتے ہیں
اسی طرح زندگی کے کسی مقام پر شدید بے عزتہ اور ندامت سے پالا پڑ جائے تو یہ‌صورت ھال بھی خودکشی پر مائل کر سکتی ہے کیونکہ بنیادی طور پر کسی شریف آدمی کا بری صبحت کے باعث یا کسی مالی مجبوری کے باعث چوری،کرپشن یا کسی غیر سماجی کام میں ملوث ہو جانا اور بعد ازاں پکڑے جانا ایسی صورت‌حال میں دوچار ہو سکتا ہے
اسکے علاوہ گھر کی بہو بیٹی کا کسی کے ساتھ چلے جانا
امتحان میں مسلسل ناکامی وغیرہ ایسے واقعات ہیں جن سے انسان منفی اثر قبول کر کے انتہائی پریشانی میں کود کشی کی جانب مائل ہو سکتا ہے بعض اوقات ایسا ہوتا ہہے کہ نوجوان لرکا اور لڑکی ایک دوسرے کو پسند کرتے ہیں اور‌آپس میں شادی کا فیصلہ کر لیتے ہیں مگر انکا یہ فیصلہ انکے والدین کو پسند نہیں ہوتا
جب والدین زبردستی کوئی فیصلہ ٹھونستے ہیں تو پھر کوئی ایک یا دونوں اپنے آپ کو موت کے سپرد کر دیتے ہیں
اس طرح گھریلو جھگڑے بعض اوقات زندگی کت خاتمہ کا سبب بنتے ہیں خصوصا ساس اور بہو کے جھگڑے ،بہو کو کم جہیز کے طعنے اسے زندگی سے بے زاری کا راستہ دکھاتے ہیں اور اس طرح جہیز کم لانے کی وجہ خودکشی کا سبب بنتی ہے
اسی طرح لمبے عرصے تک لڑکیوں کا مناسب رشتہ نہ ملنا یا بار بار منگنی کا ٹوٹ جانا ،شادی کے بعد علیحدگی اور طلاق بھی‌خود کشی کا سبب بنتا ہے
ہمارے ملک پاکستان میں دن بدن خودکشی کے رجحانات بڑھتے جا رہے ہیں اور‌ خودکشی کے رجحانات کا سبب صرف اور صرف ہمارا معاشرہ ہے جس کو بدل کر اس پر قابو پایا جا سکتا ہے خودکشی کے رجحانات پر قابو پانا مشکل تو ہے مگر ناممکن نہیں
.................................................. .....
دوستون آج میں نے روٹین سے ہٹ کر تحریر لکھی ہے جس کا سبب کچھ عرصہ قبل ایک 55 سالہ شخص کی ٹرین کے نیچے آکر خودکشی کرنا تھا وقوعہ کی اطلاع پا کر جب دوسرے ساتھیوں کے ساتھ میں بھی موقع پر پہنچا تو اسکا جسم دو ٹکڑوں میں تقسیم ہو چکا تھا جامعہ تلاشی سے اسکی جیب سے صرف 20 روپے ایک کپڑے میں لپٹی ہوئی سوکھی روٹی اور ساتھ میں اچار تھا
آج مذکورہ‌ خبر کے ساتھ جاری کی گئی تصویر مجھے نظر‌آئی تو میں لکھنے پر مجبور ہو گیا
کہ ہم لوگ کس حد تک بے حس ہو چکے ہیں ایک طرف ہمارا ہمسایہ بھوکا سو رہا ہے اور ایک ہم ہیں جو کھانا اتنا کو پکا لیتے ہیں کہ گھر میں کام کرنے والے نوکر گھر لے جاتے ہیں یا اس کھانے کو ضائع کر دیتے ہیں
وہ شخص جو ٹرین کے نیچے آیا اسکی عمر 55 کے قریب ہو گی کیا حالات ہوں گے اسکے گھر کے کہ وہ اس عمر میں دور دراز سے محنت مزدوری کرنے شہر آیا جیب میں واپسی کا کرایہ رکھا اور سوکھی روٹی کہ اگر مزدوری نہ ملی تو روٹی تو بچ جائے دوسرے دن کھانے کےلئے
اور ایک ہم ہیں کہ....................؟؟؟؟؟؟
اللہ نگہبان