میرے ایک دوست ہے وسیم صاحب آج جب وہ یاہو پہ آن لائن ہوئے تو میں نے حسبِ معمول ان کا حال چال پوچھا تو وہ کہنے لگے کہ یار میں بہت پریشان ہوں ۔ میں نے پوچھا کہ بھائی اللہ خیرکرے کیا ہوگیا جناب کو ۔ جس پہ وہ کہنے لگے کہ یار ہمارے پیارے پاکستان کا کیا ہوگا ؟؟؟؟؟ میں نے ان کی بات کو مذاق میں اڑانا چاہا اور کہا کہ بھائی پاکستان کا اللہ ہی حافظ ہے لیکن وہ کنہے لگے کہ بھائی جان ہم سیریس ہیں اور آپ بتائو کہ پاکستان کا کیا ہوگا ۔ میں سوچ میں پڑگیا کہ انھیں کیا جواب دوں ؟؟
پھر وہ کچھ دیر بعد بولے کہ جو لوگ دھماکے کررہے ہیں وہ صحیح کررہے ہیں ناں ---- میں پریشان ہوگیا کہ اپنے وسیم پا کو کیا ہوگیا ہے جو آج ایسی باتیں کررہے ہیں۔ جب میں‌نے ان سے پوچھا کہ بھائی بات کیا ہے آپ مجھے کلئیر کٹ بتائو اس پر انہوں نے جواب دیا کہ یار میری آج ایک بندے کے ساتھ لڑائی ہوئی ہے۔ میں نے پوچھا کہ کیا بات ہے کیوں لڑائی ہوئی ہے۔
تو انہوں نے کہا کہ وہ بندہ کہہ رہا تھا کہ پاکستان کا کچھ نہیں بننے والا پاکستان کو انڈیا کے حوالے کردینا چاہئیے۔ جس پہ مجھے غصہ آگیا اور میں اس بندے سے لڑپڑا۔ لیکن بعد میں اس بندے نے جو سوال مجھ سے پوچھا تو میں چپ اور سوچ میں پڑگیا کہ کیا جواب دوں۔

وہ سوال کیا تھا ۔ سوال یہ تھا کہ اس بندے نے کہا کہ ہمیں اس ملک سے ، سیاستدانوں سے صدر مشرف یا نواز یا زرداری سے کوئی سروکار نہیں ہے ہمیں آٹا چاہئیے، بجلی چاہئیے، بچوں کا بہتر مستقبل چاہئیے، اور زندگی گزارنے کےلئے یہ تمام چیزیں لازمی ہیں (چیزیں تو اور بھی بہت سی ہیں لیکن ان چیزوں کا آج کل ہمارے ملک میں بحران ہے) تو بتائو کون ہمیں‌یہ تمام سہولیات دے گا تم دو گے، اس ملک کے سیاستدان دیں گے یا مشرف یا نواز یا زرداری دے گا ؟؟؟ بلولو کون دے گا۔

ایک بار تومیں بھی وسیم بھائی کی یہ بات سن کر اپنی جگہ سن بیٹھا رہا کہ واقعی یہ بات تو ہے ۔

آپ سب کو بھی بہت اچھے سے پتہ ہے کہ ہمارے پاکستان کے اس وقت جو حالات ہیں ، لوگ آٹا لینے کےلئے پیسے ہاتھوں میں لئے زلیل و خوار ہو رہے ہیں لیکن آٹا نہیں مل رہا (پچھلے دنوں ایک شخص تو آٹا ڈھونڈتے ڈھونڈتے اپنی جان سے ہاتھ دھو بیٹھا تھا)، بجلی کا کوئی اتا پتہ نہیں ہے ملک میں انڈسٹری کو کاروبار کو نقصان ہورہا ہے کارخانے، فیکٹریاں‌بند ہورہی ہیں اور لوگ بیروزگار ہورہے ہیں جس سے ملک میں بیروز گاری اور جرائم کی شرح بڑھ رہی ہے۔

ایسے حالات میں بتائیں کہ بھلا کون یہاں رہنا پسند کرے گا۔

میرا آپ سب سے سوال ہےکہ آگر کسی کے پاس ان تمام چیزوں کا حل یا ان باتوں کا جواب جو اس بندے نے وسیم بھائی سے کہی ان کا کوئی جواب ہے تو براہ مہربانی ضرور بتائیے گا۔

(اگر کوئی غلط بات لکھ دی ہوتو I am Sorry)
اللہ ہمارے ملک کی حفاظت فرمائے (آمین)

__________________