انڈونیشیا کے دارالحکومت جکارتہ کے ایک مضافاتی علاقے میں پر سکون ماحول میں ایک بڑے ہال میں مرد جب عبادت کر رہے ہوتے ہیں تو ان کی پچھلی قطار میں خواتین سر جھکائے بیٹھی ہوئی نظر آتی ہیں۔

یہ مسلم اکثریتی ملک انڈویشیا میں کسی بھی جگہ عبادت کا وقت ہوگا لیکن یہ مناظر جکارتہ میں پھیلتے ہوئے نئے کلب ’گلوبل اخوان‘ یا کثیر الازدواجیت (ایک سے زائد شادیاں) کا کلب کے ہے۔

یہ کلب جکارتہ سے کچھ گھنٹوں کی مسافت پر قائم ہے اور اسے رواں سال ہی کھولا گیا ہے لیکن اس کا بنیادی تعلق ملائیشیا سے ہے۔

کلب کے مطابق اس کے امریکہ اور آسٹریلیا سمیت دنیا بھر میں ایک ہزار ممبران ہیں۔ انڈونشیا کے قانون کے مطابق مرد ایک سے زائد شادیاں کر سکتا ہے لیکن اس کے لیے سخت شرائط مقرر کی گئی ہیں جس کی وجہ سے یہاں کثیر الازواج کا رجحان دوسرے مسلمان ممالک کے برعکس بہت کم ہے ۔

کلب کے مطابق اس کے امریکہ اور آسٹریلیا سمیت دنیا بھر میں ایک ہزار ممبران ہیں۔ انڈونشیا کے قانون کے مطابق مرد ایک سے زائد شادیاں کر سکتا ہے لیکن اس کے لیے سخت شرائط مقرر کی گئی ہیں جس کی وجہ سے یہاں کثیر الازدواجیت کا رجحان دوسرے مسلمان ممالک کے برعکس بہت کم ہے۔

اس رجحان کوتبدیل کیا جا سکتا ہے کہ اگر متنازع کثیر الازدواجیت کلب کامیاب ہوتا ہے۔ کلب کو آغاز ہی سے ہی تنقید کا سامنا ہے۔ کلب کے بڑے ہال میں پر سکون ماحول میں صرف چھوٹے بچوں کی ہی آوازیں آتی ہیں جو ہال کے باہر برآمدوں میں بیٹھے ہوتے ہیں۔ ان چھوٹے بچوں کو اسلامی کتابیں پڑھائی جاتی ہیں تاکہ وہ بچپن سے ہی ایک پرہیز گار مسلمان بن جائیں۔

اس کے علاوہ کلب میں ایک چھوٹی سی دکان بھی ہے جہاں حلال کھانا ملتا ہے۔ اس کے علاوہ ایک پروڈکشن ہاؤس بھی ہے جہاں اسلام کے بارے میں فلمیں بنائی جاتی ہیں۔ لیکن کلب کا بینادی مقصد کثیر الازدواجییت کو فروغ دینا اور اس کے ساتھ ایسے لوگوں کی مدد کرنا ہے جو اپنی پسند کے لیے جدوجہد کرتے ہیں۔

کلب کے ایک کمرے میں کلب کی ڈائریکٹر ڈاکٹر گینا پوسپیٹا خواتین کے ساتھ بیٹھی ہوئیں تھیں جہاں وہ جوان لڑکیوں کو رقابت اور عدم تحفظ سے نمٹنے کے بارے میں سنجھا رہی تھیں۔

انھوں نے تسلیم کیا کہ وہ وقت ان کے لیے کافی مشکل تھا جو ان کے شوہر نے دوسری شادی کر تھی۔ ’ شروع میں میرے لیے بہت مشکل تھا لیکن میں جانتی تھی کہ یہ ان کے جذبات، خواہش کی وجہ سے ہے۔ لیکن کثیر الازواجی ایک ایسا راستہ ہے جس کی وجہ سے آپ دنیا میں پیار اور خوشی حاصل کر سکتے ہیں۔

انھوں نے تسلیم کیا کہ وہ وقت ان کے لیے کافی مشکل تھا جب ان کے شوہر نے دوسری شادی کی تھی۔ ’شروع میں میرے لیے بہت مشکل تھا لیکن میں جانتی تھی کہ یہ ان کے جذبات اور خواہش کی وجہ سے ہے۔ لیکن کثیر الازدواجی ایک ایسا راستہ ہے جس کی وجہ سے آپ دنیا میں پیار اور خوشی حاصل کر سکتے ہیں‘۔

کثرت الازدواجی میں عورتوں کے لیے بہت سارے فوائد ہیں، اس سے ہم جانتے ہیں کہ اپنی حسد اور خواہشات پر کیسے قابو پایا جا سکتا ہے اور یہ طریقہ ہمیں خدا کے نزدیک لے جاتا ہے۔

لیکن ڈاکٹر پوسپیٹا کے کثیر الازدواجی کے تصور کی انڈونشیا میں متعدد گروہوں نے مخالفت کی ہے۔ ملک میں ایک سے زائد شادی کرنے پر سخت شرائط عائد ہیں۔ انڈونیشیا میں شادی کے قانون کا بنیادی اصول یک زوجگی یا ایک شادی ہے لیکن کثیر الازدواجی بھی قابل برداشت ہے تاہم اس کو سختی سے کنڑول کیا جاتا ہے۔

ایک سے زائد بیویاں رکھنے کے لیے بہت سارے مراحل سے گزرنا پڑتا ہے۔ سب سے پہلے پہلی بیوی کی اجازت، دوسرا اگر بیوی سے اجازت نہیں ملتی تو ثابت کرنا ہو گا کہ وہ اولاد پیدا نہیں کر سکتی، شدید بیمار ہے یا گھریلو ذمہ داریاں پوری نہیں کر رہی ہے اور اس کے بعد آپ کو کسی عالم سے اجازت درکار ہوتی ہے۔

سرکاری طور پر ایک سے زائد شادیوں کا ریکارڈ موجود نہیں ہیں کیونکہ یہاں شادیوں کا اندراج نہیں کیا جاتا ہے۔ خواتین کے گروپس کا کہنا ہے کہ مختلف تنظیمیں جیسے کثیر الازدواجی کلب کی وجہ سے مردوں میں ایک سے زائد بیویاں رکھنے کے رجحان میں اضافہ ہو گا۔

سماجی کارکن نورسیحابانی جو کثیر الازواجی کلب کے قیام پر ناراض ہیں نے مقدس کتاب قرآن کا حوالہ دیتے ہوئے اس دعوے کو رد کیا کہ اسلام میں کثیر الازواجی کی اجازت ہے۔ انھوں نے کہا کہ مذہبی کتابوں میں جب پیغمبر اسلام کثیر الازواجی کی طرف گئے تو اس وقت جنگ کا زمانہ تھا۔ انھوں نے کہا کہ اس کا مطب یہ نہیں تھا کہ مردوں کو حکم دیا گیا ہو کہ وہ ایک زائد( چار) بیوری رکھ سکتے ہیں۔

سماجی کارکن نورسیحابانی جو کثیر الازواجی کلب کے قیام پر ناراض ہیں نے قرآن کا حوالہ دیتے ہوئے اس دعوے کو رد کیا کہ اسلام میں کثیر الازدواجی کی اجازت ہے۔ انھوں نے کہا کہ مذہبی کتابوں میں جب پیغمبر اسلام کثیر الازدواجی کی طرف گئے تو اس وقت جنگ کا زمانہ تھا۔ انھوں نے کہا کہ اس کا مطب یہ نہیں تھا کہ مردوں کو حکم دیا گیا ہو کہ وہ ایک زائد (چار) بیویاں رکھ سکتے ہیں۔

لیکن ڈاکٹر گینا پوپیٹا اور ان کے خاندان کی تشریح مختلف ہے۔ کلب کی پچھلی جانب ان کے گھر میں دوپہر کے کھانے کی تیاری کی جا رہی تھی۔ وہ کھانا تیار کر رہی تھیں جب کہ سلوا تیسری بیوی سبزی کاٹ رہی تھی۔ یہ ایک روایتی تصویر ہے جس کا عام فیملی میں تصور نہیں ہے۔

ڈاکٹر کے شوہر رضدام کے مطابق ’کثیر الازدواجی یک زوجگی سے بہتر ہے‘ اس میں مردوں کے لیے بہت سارے فوائد ہیں، جیسا کہ لیڈر شپ، شادی کے بعد ایک بیوی کو سنبھالنا مشکل ہے لیکن چار کو اس سے زیادہ مشکل ہے اور یہ سیکھنے کے لیے بہت اچھا ہے۔ ‘

انڈونیشیا میں خواتین کی تنظیموں نے حکام سے مطالبہ کیا ہے کہ کثیر الازدواجی کلب کو بند کیا جائے۔ لیکن حکام کا کہنا ہے کہ وہ کلب کی سرگرمیوں پر نظر رکھے ہوئے ہیں لیکن اسے بند کرنے کا کوئی ارادہ نہیں ہے۔


بی بی سی

__________________
محتاج اصلاح و دعا