زارا

وعلیکم السلام

جی میں اس بات پر یقین رکھتی ہوں اوروقت نکال کر بیان بھی کروں گی واقعہ ۔

سیفی خان

جی ہاں ایسا ہوتا ہے جنات کی حاضری ہوتی ہے ۔ ایسا ہم نے اپنی آنکھوں سے بارہا دیکھا ہے ایک ایسا شخص جس کی تعلیم میٹرک ہو اور وہ پنجابی ہو مگر 1 ہی مجلس میں جب جنات کی حضری ہو تو وہ پھر بات کرتا ہے پنجابی ، عربی ، انگلش ، فارسی ، سرائیکی میں اور وہ اہل زبان کے لہجے میں اور یہ ایک لمبی داستان ہے ۔ وقت ملنے ضرور شئیر کروں گا انشاءاللہ

__________________

میرا بلاگ۔ صدائےقلندرhttp://saifikhan011.blogspot.com/

طاھر

شخص‌میں بزرگوں کا آنا؟

کیا آپ کا مطلب خواب میں کسی بزرگ کا آنا ہے؟

پاکستانی

نہیں طاہر بھائی خواب کی بات نہیں کر رہا اس سے مراد کسی بھی وقت بیداری کی حالت میں ایسے ہی جیسے جسم میں کسی اور کا روح کا آ جانا ہے


والسلام

پاکستانی

کیا یہ جنات ہوتے ہیں ؟‌جبکہ جو ابھی تک میرے علم میں ان سے مراد نیک بزرگ ہیں جن کو لوگوں کی مشکلات کا روحانی علاج کرتے پایا گیا ہے،

عبداللہ آدم

جن آتے ہیں اور جن لوگوں کی ان سے دستی ہو جائے........... ان کو فائدہ ہوتا ہے مطلب کہ سمجھداری کی باتیں وغیرہ............ جن لوگوں پر جبرا آئیں تو وہ انہیں قبقل نہیں کرتے اور بیمار پر جاتے ہیں ...........پھر دم و غیرہ کروا ئے جاتے ہیں.

واللہ اعلم

سیفی خان

بزرگوں سے آپ کی مراد اگر اولیاء کرام یا فوت شدگان کی ارواح ہیں تو یہ غلط ہے ۔ ہاں جنات کی حد تک درست ہے اور پھر جنات میں بھی تو بزرگ ہوتے ہیں مومن صالح جنات ۔ ۔ ۔ ۔ ۔ ۔ واللہ اعلم

زارا

آپکے سوال کا جواب دینے سے پہلے میں کچھ باتین بیان کرنا چاہوں گی۔ اللہ تعالیٰ نے اپنی قدرت سے بے شمار مخلوقات پیدا کی لیکن صرف دوکو عبادت اختیاری دی گئی ایک انسان اور دوسرے جنات ۔ چونکہ جنات ہمیں نظر نہیں آتے اسلئے اس پر بہت سے غلط عقائد سامنے آتے ہیں مثلاً کچھ سائنسی ذہن کےلوگ ان کے وجود کا انکاری ہیں کچھ اس حد تک جاتے ہیں کہ ان کو سب کچھ مانتے ہیں ۔
جیسا کہ سورۃ الذاریات میں ہے،
وَمَا خَلَقْتُ الْجِنَّ وَ الْاِنۡسَ اِلَّا لِیَعْبُدُوۡنِ
ترجمہ : "اور میں نے جن اور آدمی اتنے ہی لیے پیدا کیے کہ میری بندگی کرے"۔

سورۃ الحجر میں ہے
وَالْجَاۤنَّ خَلَقْنٰہُ مِنۡ قَبْلُ مِنۡ نَّارِ السَّمُوۡمِ
ترجمہ: "اور جن کو اس سے پہلے بنایا بے دھوئیں کی آگ سے" ۔

سورۃ الرحمٰن میں ہے
وَ خَلَقَ الْجَآنَّ مِنۡ مَّارِجٍ مِّنۡ نَّارٍ
ترجمہ: اور جن کو پیدا فرمایا آگ کے لو کے (یعنی لپٹ) سے"۔

اب آپکے سوال کے جواب کی جانب آتی ہوں۔
دیکھیں جنات کا وجود تو برحق ہے، قرآن کریم اور احادیث شریف میں ان کا ذکر بہت سی جگہ موجود ہے، اور کسی جن کا انسان کو تکلیف پہنچانا بھی قرآن کریم، احادیث شریفہ نیز انسانی تجربات سے ثابت ہے، جو لوگ جنات کے وجود کا انکار کرتے ہیں ان کی بات صحیح نہیں۔ باقی رہا جنات کا کسی آدمی میں حلول کرناتو اول تو وہ بغیر حلول کے بھی مسلط ہوسکتے ہیں۔ ان کے آگ سے پیدا ہونے کے یہ معنی نہیں کہ وہ خود بھی آگ ہیں، بلکہ آگ ان کی تخلیق پر غالب ہے جیسے انسان مٹی سے پیدا ہوا ہے مگر وہ مٹی نہیں۔

قرآن کریم میں ۲۹ جگہ جنوں کا ذکر آیا ہے، اور احادیث میں بھی بہت سے مقامات پر ان کا تذکرہ آیا ہے، اس لئے جو لوگ قرآن کریم اور آنحضرت صلی اللہ علیہ وسلم پر ایمان رکھتے ہیں ان کو تو جنات کا وجود تسلیم کئے بغیر چارہ نہیں، اور جو لوگ اس کے منکر ہیں ان کے پاس نفی کی کوئی دلیل اس کے سوا نہیں کہ یہ مخلوق ان کی نظر سے اوجھل ہے اورجنات کا انسان پر آنا حدیث سے ثابت ہے۔

اب اگر کوئی پوچھے کہ کیا کیا کسی انسان کے جسم میں کوئی جن داخل ہوکر اسے پریشان کرسکتا ہے؟ اگر نہیں کرسکتا تو پھر آخر اس کی کیا وجہ ہے کہ ایک شخص جس پر جن کا سایہ ہوتا ہے (لوگوں کے مطابق) وہ ایسی جگہ کی نشاندہی کرتا ہے جہاں وہ کبھی گیا نہیں ہوتا اور ایسی زبان بولتا ہے جو اس نے کبھی سیکھی نہیں یا پھر ایک اجنبی شخص کے پوچھنے پر اس کے ماضی کے بالکل صحیح حالات اور واقعات بتاتا ہے۔ اس نے قرآن شریف پڑھنا سیکھا ہی نہیں ہوتا مگر بڑی روانی سے تلاوت کرتا ہے، آخر ایسا کیوں ہوتا ہے؟

تو اسکا جواب ہے کہ ہاں جنات کا آدمیوں پر مسلط ہونا ممکن ہے اور اس کے واقعات متواتر ہیں۔

طاھر

ایسی کون سی آیات اور احادیث‌ہیں‌؟؟؟؟؟؟

فیصل ناصر

بزرگ بس دو ہی صورتوں میں آتے ہیں
ایک ایکٹینگ
دوسرا نفسیاتی پرابلم

تیسرا کوئی طریقہ میرے علم میں نہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

M A Ansari

یہ بالکل بے بنیاد بات ہے حقیقت کا اس سے کوئی تعلق نہیں اور خاص طور پر عورتوں پر کو کسی طور لاگو نہیں‌ ہوتا یہ صرف اور صرف شریر یا اچھے جنات ہوتے ہیں اور کچھ نہیں میں خود سنی العقیدہ ہوں مگر ان چیزوں کو نہیں مانتا کیوں کہ ان کو بہت قریب سے دیکھا ہے

M A Ansari

بھائی کسی پر بزرگ کا آنا بالکل بے بنیاد بات ہے اس کا حقیقت سے دور کا بھی واسطہ نہیں اور عورتوں کے معاملے میں تو بالکل بھی نہیں یہ بزرگوں کا مزاق اڑانے کے مترادف ہے جو ہستیاں ساری زندگی غیر محرموں سے بچتی رہیں کیا ان میں حلال کر سکتی ہیں‌ یہ صرف اور صرف شریر اور صالح جنات ہوتے ہیں اور جنات اس چیز پر قادر ہیں اللہ نے انہیں شکل تبدیل کرنے کی اور اپنی ہیت بدلنے کی کسی پر اثر انداز ہونے کی قدرت دی ہے کیوں کہ وہ عالم ملکوت کی مخلاق ہے لیکن یہ کام صرف جنات کے ہیں بزرگوں‌ کے نہیں بزرگی کا مقام اس سے کہیں اعلی اور ارفع ہے

زارا

ہمارے محلے میں ایک گھر میں وہ عورت بہت نمازی پرہیزی نہیں نہ ہی کسی سے حُسن اخلاق سے پیش آتی ہے،۔ لیکن اُس کے سسرجب حیات تھے تو وہ روزانہ اگربتیاں جلاتے تھے اوراُس جگہ پر قرآن اورکئی اِسلامی کُتب پڑھی تھیں اوروہ گوشہ نہایت صاف تھا باقی گھر کی نسبت۔ ایک روز اُس نے امی کوبتایا کہ رات کو تقریباً ایک ڈیرھ کے قریب اُسکی آنکھ کھلی تو اُس نے سفید لباس میں ایک آدمی کو ملبوس دیکھالیکن اُسکا چہرہ نہ دیکھ پائی کیونکہ اُسکی بیک تھی اوروہ ایک کونے سے مکل کر اُس کونے کی طرف گئے جہاں اُس کے سسراگربیتاں جلاتے تھے۔ وہ ایکدم ڈرگئی اورپھراپنے شوہرکو بتایا۔ مزید اُسکے شوہرنے کہا کہ مجھے روزبقوتِ فجر سینے پردباومحسوس ہوتاہے اورمیں ڈرکے مارے اُٹھ کر نمازاَدا کرنے بیٹھ جاتا ہے۔ باقی نمازوں کا پتہ نہیں لیکن فجرکی نماز میں وہ ماموں کے ساتھ روز ہوتے تھے لیکن جب سے اُس گوشے کوصاف کرکے قرآنِ پاک کی جگہ تبدیل کی اُس بزرگ کا آنا بند ہو گیا اوراب پھر وہ فجرکی نماز میں غفلت کرتاہے۔


میں ذاتی بات بیان کروں گی۔ میں سکس سٹینڈرڈ میں تھی جب مسجد میں امتحان تھے درس کے۔ میری بڑی بہن پہلے ہی کچھ لڑکیوں کیساتھ چلی گئی۔ تھوڑی دیر برد میں، ، میری کزن، میری چھوٹی بہن اور تین لڑکیاں اکٹھی گھر سے چلیں۔ ہم لوگ مسجد کے کچھ ہی قریب تھیں جب ایک بزرگ ملا کہ اُسکوسڑک پار کروا دیں۔ ہمیں لگا اُس نے مسجد میں ہی جانا ہے۔ سُمیرا، اُسکی بہن نائلہ باجی اورثروت نے کہا اِنکوچھوڑواورچلو۔ کسی پر اعتبار نہیں کرتے۔ میری چھوٹی بہن نے کہاآپ لوگ جائیں باجی ہم انکو سڑک پار کروادیں۔ چاروناچار ہماری کزن ہمارے ساتھ رہ گئی اوروہ لوگ بھاگ کر اندر چلی گئیں اورمیری کزن نے ہمیں چھوڑ کر اُنکا ساتھ دیا۔

ہم نے اُنکو سڑک پار کروائی تو اُنہوں نے کہاآج کا دن تم دونوں بہنوں کیلئے بہت اچھا ہے آج تمہیں عزت و شہرت اورروپیہ ملے گا۔ مجھے یہیں چھوڑ دو۔ ہم لوگ آگے بڑھے اوروہ لڑکوں والی سائڈ پر دروازے کے پاس کھڑے رہے لیکن میری بہن کی نظریں پیچھیں تھیں اُس نے دیکھا کہ وہ بزرگ اب وہاں نہیں تھا۔ ہم دونوں پیچھے ہو کراندر دیکھا مگردور دورکسی انسان کا نام و نشان نہ تھا ماسوائے چند لڑکوں کے جو صفائی کر رہے تھے۔ ہم دونوں کافی خوفزدی ہو گئیں اورکافی دن بیمار رہیں۔

لیکن واقعی اُس دن 1700 لڑکیوں میں سے مجھے بہترین قاریہ اورحسُن کارکردگی اوربہترین قرات خواں پرجبکہ میری بہن کوبہترین اخلاق پر ایوارڈ ملا۔ اورشام کو اُس مسجد کے منتظمین جنہیں ہم دادا جی کہتے تھے (اللہ اُنکو جنت میں جگہ دے) گھرآئے اقر زاتی طور ہر ہم دونوں کودودو ہزار رووپے دیئے جو اُس وقت کافی تھے۔

باقی ہر انسان کی اپنی سوچ ہے اورکوئی کسی پراپی سوچ مسلط نہیں کر سکتا۔ باقی ہر چیزکاعلم تو بس اللہ کو ہے۔ بے شک وہ ہر شے پر قادرہے۔

طاھر

السلام علیکم،

لیکن اس واقعے میں کسی شخص پر کسی بزرگ کا آنا کہاں سے ثابت ہے؟