دنیا کا ہر انسان کامیابی و ترقی کی خواہش رکھتا ہے اور اسی کے لئے وہ اپنی تمام تر صلاحیتوں اور اپنی جوانی کو خرچ کرتا ہے لیکن دنیا کا نظام ایسا عجیب ہے کہ اس فانی دنیا میں انسان اپنی تمام پسندیدہ چیزیں حاصل نہیں کر سکتا بلکہ جو اللہ تعالی نے نصیب اور مقدر میں لکھا ہے وہی ملتا ہے گو انسان اپنی کامیابی و ترقی کے لئے اچھی تعلیم اچھا کاروبار عہدہ اور اچھی ملازمت حاصل کرنے کی خواہش رکھتا ہے مگر زندگی میں سکون واطمینان حاصل نہیں ہو پاتا اس کے باوجود ہر ایک یہ نعرہ لگاتا ہے کہ اپنے مستقبل کو اچھا بنانے کی فکر کرو لیکن اس دنیا کی نہ ختم ہونے والی دلدل سے تھوڑی دیر کے لئے باہر نکل کر کبھی آپ نے یہ سوچا ہے کہ میں اپنی زندگی میں راحت وسکون کے تمام اسباب حاصل کر لینے کے باوجود ناکامی اور ہلاکت کے تاریک گڑھوں کی طرف چلی جارہی ہوں بھلا وہ کیسے وہ ایسے کہ(1)اذان ہوتی ہے نماز پڑھنے کی فکر ھمارے دل میں پیدا نہیں ہوتی۔۔آخر کیوں۔۔(2)قرآن پاک جیسی عظیم الشان کتاب جو قیامت تک کے لئے محفوظ ہے اس کو پڑھنے کے لئے ھمارے پاس وقت نہیں۔۔آخر کیوں۔۔(3)دنیوی تعلیم حاصل کرنے کے لئے(24)گنھٹے خرچ کرتے ہیں مگر علم دین حاصل کرنے کے لئے ھمارے پاس وقت نہیں۔۔آخر کیوں۔۔(4)اپنا مستقبل بہترین بنانے کی فکر ہمیں آنکھ کھلنے سے ہی لگ گئی مگر اصل مستقبل قبر اور آخرت کی تیاری کی فکر ھم نے نہیں کی۔۔آخر کیوں۔۔(5)دنیوی راحت کے لئے اپنا سارا مال اپنی جان خرچ کر کے سب کچھ حاصل کیا مگر آپ صلی اللہ علیہ وسلم کے پیارے دین اور آپ صلی اللہ علیہ وسلم کی سنتوں کو ھم نے اپنی زندگی میں جگہ نہ دی۔۔آخر کیوں۔۔(6)ھم میں بعض لوگ دین کے ساتھ وابستگی کے باوجود عمل کرنے سے گریزاں۔۔۔دور بھاگتے۔۔۔ہیں آخر کیوں۔۔۔ذرا سوچیے۔۔۔۔۔اگر ایسی حالت میں ہمیں موت آجائے تو ھمارا کتنا برا حشر ہو گا آخرت کا دردناک عزاب سہنے کی طاقت ھم میں نہیں آج ہی سچے دل سے توبہ کیجے کہ پہلے جو کچھ ہوا سو ہوا آئندہ اے اللہ تیرے حکموں کو مانوں گی آپ صلی اللہ علیہ وسلم کے طریقوں کے مطابق زندگی گزاروں گی جائز دنیا کمانے کے ساتھ ساتھ آخرت کی بھی فکر کروں گی کسی کا حق نہ ماروں گی غیبت۔۔بدنظری۔۔قطع کالامی۔۔والدین کی نافرمانی و غیر گناہ نہیں کروں گی۔۔۔اللہ تعالی ہمیں عمل کی توفیق دیں۔۔۔۔آمین۔۔۔۔۔۔۔۔