آبی ٹوکول

جواب المختصر :- بالکل بھی نہیں ہرگز نہیں کوئی اس وقت تک مومن ہوہی نہیں سکتا جب تک کے اللہ اور اسکے رسول صلی اللہ علیہ وسلم سے اسے محبت نہ ہو کوئی زبان سے کلمہ پڑھ لے اور چند ظاہری اعمال میں دین اسلام کی مشابہت اختیار کرلے تو اس طرح سے ظاہرا تو مسلمان کہلائے گا مگر حقیقت میں منافق ہوگا ۔ کیونکہ محبت رسول صلی اللہ علیہ وسلم شرط ایمان اور بنیادی تقاضا ایمان ہے جبکہ ہر شئے سے بڑھ کر محبت رسول صلی اللہ علیہ وسلم کا ہونا کامل ایمان کی شرط اور نشانی ہے لہذا جسکا دل مطلقا حب رسول صلی اللہ علیہ وسلم سے خالی ہے وہ ہرگز مومن نہیں اور جسکے دل میں محبت رسول نفسا تو ہے مگر دیگر محبتیں اس پر حاوی ہیں تو ایسے شخص کا ایمان کامل نہیں یاد رہے اللہ اور اسکے رسول صلی اللہ علیہ وسلم کی محبت جدا جدا ہرگز نہیں دونوں ایک ہی ہیں ۔۔۔والسلام

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

سحر

آبی بھائی
کسی کو منافق بولنے میں جلدی نا کریں ۔
چلیں میں اپنا سوال مختلف اندازمیں کرتی ہوں
ایک شخص ہے جس کے مسلمان ہونے میں کوئی شک نہیں ہے ۔ لیکن وہ کہتا ہے کہ اس کو اللہ اور رسول صلی اللہ علیہ وسلم سے محبت محسوس نہیں ہوتی ہے ۔
میرا سوال یہ ہے کہ کیا یہ ممکن ہے

عبدالہادی احمد

'مسلمان' تو ایسا ہو سکتا ہے اور میرے خیال میں ہزاروں ایسےہیں،جن کواللہ اور رسول کا شعور ہی نہیں،توان سے محبت کا شعور کیا ہو گا،تاہم کوئی مومن ایسا نہیں ہو سکتاجس کا دل اللہ اور رسول کی محبت سے خالی ہو۔ اس لیے کہ اہل ایمان کی پکی نشانی یہ بیان کی گئی ہے:
وَ الَّذِيْنَ اٰمَنُوْۤا اَشَدُّ حُبًّا لِّلّٰهِ " ایمان رکھنے والے لوگ سب سے بڑھ کر اللہ کو محبوب رکھتے ہیں"

دوسرے مقام پر ان لوگوں کو فاسق قرار دیا گیا ہے جو اللہ،رسول اور جہاد فی سبیل اللہ کو دنیا کی ساری چیزوں سے زیادہ محبوب نہیں رکھتے:
قُلْ اِنْ كَانَ اٰبَآؤُكُمْ وَ اَبْنَآؤُكُمْ وَ اِخْوَانُكُمْ وَ اَزْوَاجُكُمْ وَ عَشِيْرَتُكُمْ وَ اَمْوَالُ ا۟قْتَرَفْتُمُوْهَا وَ تِجَارَةٌ تَخْشَوْنَ كَسَادَهَا وَ مَسٰكِنُ تَرْضَوْنَهَاۤ اَحَبَّ اِلَيْكُمْ مِّنَ اللّٰهِ وَ رَسُوْلِهٖ وَ جِهَادٍ فِيْ سَبِيْلِهٖ فَتَرَبَّصُوْا حَتّٰى يَاْتِيَ اللّٰهُ بِاَمْرِهٖ وَ اللّٰهُ لَا يَهْدِي الْقَوْمَ الْفٰسِقِيْنَ
اے نبی(ﷺ ) کہہ دو کہ اگر تمہارے باپ ، اور تمہارے بیٹے ، اور تمہارے بھائی اور تمہاری بیویاں ، اور تمہارے عزیز و اقارب ، اور تمہارے وہ مال جو تم نے کمائے ہیں، اور تمہارے وہ کاروبار، جن کے ماند پڑ جانے کا تم کو خوف ہے، اور تمہارے وہ گھر جو تم کو پسند ہیں ، تم کو اللہ اور اس کے رسول(ﷺ)اور اس کی راہ میں جہاد سے عزیز تر ہیں تو انتظار کرو یہاں تک کہ اللہ اپنا فیصلہ تمہارے سامنے لے آئے اور اللہ فاسق لوگوں کی رہنمائی نہیں کیا کرتا۔(التوبہ:24)

آبی ٹوکول

میرے بہن محبت کا محسوس نہ ہونا اور محبت کا نہ ہونا دو الگ امور ہیں جیسا کہ میں نے عرض کی کوئی شخص اس وقت تک مومن ہو ہی نہیں سکتا کہ جسے اللہ اور اسکے رسول صلی اللہ علیہ وسلم سے محبت نہ ہو کیونکہ ایمان اور اسلام ان دونوں کا خمیر ہی محبت سے اٹھا ہے جبکہ انسان جو کہ انس سے عبارت ہے وہ بھی سراپا محبت ہی کا عنوان ہے یاد رہے اللہ اور اسکے رسول صلی اللہ علیہ وسلم پر ایمان لانے کی حقیقت ان سے محبت ہی ہے ۔
پھر یاد رہے کے ہمارا کسی سے محبت کرنا اور اس محبت کے عوارض کو اپنی ذات میں محسوس کرنا دو الگ امور ہیں جب ہم اپنی محبت میں ناقص ہوتے ہیں تو محبت کے عوارض کو اپنی ذات میں محسوس نہیں کرپاتے مگر اسکا مطلب یہ ہرگز نہیں ہوتا کہ ہم اور ہماری ذات اور وجود سے نفس محبت ہی کی نفی کردی جائے محبت تو ہوتی ہے مگر وہ اپنے تمام تر تقاضوں کے مطابق نہیں ہوتی لہذا وہ مختلف مراحل میں ہوتی ہے لہذا جو یہ کہے کہ وہ مومن تو ہے مگر اسے اللہ اور اسکے رسول صلی اللہ علیہ وسلم سے محبت محسوس نہیں ہوتی تو ہم اس سے مطلقا محبت کی نفی نہیں کریں گے بلکہ ا سکی محبت کے ناقص ہونے کی وجہ سے اسے یہ بتلائیں گے کہ وہ اسے کامل بنائے تاکہ اس احساس کو فکری اور شعوری سطح تک لائے اور اس اسٹیج سے نکلے کہ جس میں اسے خود اپنی ذات پر اللہ اور اسکے رسول صلی اللہ علیہ وسلم کی محبت کہ عوارض کو محسوس کرنے میں مشکل پیش آرہی ہے ۔ امید کرتا ہوں کہ آپ نقطہ پاگئی ہونگی ۔۔۔والسلام

سحر

اگر شعور کی بات آپ علم اور سمجھ بوجھ کے اعتبار سے کررہے ہیں تو اس میں اگر کوئی شخص بہت سوں سے بہتر ظاہر ہو ۔
میرا سوال پہر اپنی جگہ ہے کہ کیا کوئی مسلمان تمام تر شعور ، اور علم رکھتے ہوئے اور سب کچھ جانتے بوجھتے اور سوچ سمجھ کہ یہ کہہ سکتا ہے کہ مجھے اللہ اور رسول صلی اللہ علیہ وسلم سے محبت محسوس نہیں ہوتی ۔
۔

عبدالہادی احمد

قرآن نے یہ مسئلہ یوں حل کیا ہے
قَالَتِ الْاَعْرَابُ اٰمَنَّاقُلْ لَّمْ تُؤْمِنُوْاوَلٰكِنْ قُوْلُوْۤااَسْلَمْنَاوَلَ مَّايَدْخُلِ الْاِيْمَانُ فِيْ قُلُوْبِكُمْ وَاِنْ تُطِيْعُوااللّٰهَ وَرَسُوله لَايَلِتْكُمْ مِّنْ اَعْمَالِكُمْ شَيْـااِنَّ اللّٰہ غَفُوْرٌرَّحِيْمٌ
یہ بدوی کہتے ہیں کہ ’’ہم ایمان لائے ۔ ‘‘ ان سے کہو ، تم ایمان نہیں لائے ، بلکہ یوں کہو کہ ’’ہم مسلمان ہوگئے۔‘‘ ایمان ابھی تمہارے دلوں میں داخل نہیں ہوا ہے۔ اگر تم اللہ اور اس کے رسول ﷺ کی فرماں برداری اختیار کر لو تو وہ تمہارے اعمال کے اجر میں کوئی کمی نہ کرے گا، یقینا اللہ بڑا در گزر کرنے والا اور رحیم ہے۔
اس کا مطلب یہ ہوا کہ اسلام قبول کرتے ہی کوئی شخص مومن نہیں بن جاتا۔اس میں کئی مدارج ہیں۔مومن بھی سب برابر نہیں بلکہ ایمان کے لحاظ سےان کے مختلف درجے ہیں۔
رہا وہ خاص معاملہ جس کا آپ نے ذکر کیا ہے کہ ایک علم سے آراستہ شخص اللہ اور رسول سے محبت کے جذبے سے خالی ہے تویقینا اس کا علم خام ہے۔تاہم ہمیں ایسے شخص کے لیے غم و غصے کے بجائے دعا کرنی چاہیے۔

سحر

یہ آیت بدوی نو مسلموں کے لیے نازل ہوئی ہے جو علم و شعور میں باقی صحابہ رضی اللہ عنہ سے کم تھے ۔
کیا اس آیت کو ہم پر فٹ کیا جاسکتا ہے ۔
جو کہ سال ہا سال سے مسلمان ہیں مطلب پیدائشی مسلمان اور علم و شعور میں بھی بہت آگے ۔ کہ کتابیں پڑھ پڑھ کر ڈھیر لگادیں ہیں ۔

سحر

آبی بھائی آپ کے مراسلے سے ریلیٹڈ ایک سوال ذہن میں ایا ہے کہ
آپ نے کہا کہ محبت کے ہونے اور محبت کے محسوس کرنے میں فرق ہے ۔
جب دنیاوی محبت ہوتی ہے تو وہ اتنی شدت سے محسوس ہوتی ہے تو اللہ کی محبت تو اصل محبت ہے وہ اگر ہوتی ہے تو محسوس کیوں نہیں ہوگی

مرزا عامر

جسے محسوس ہوتی ہے اسے خوب محسوس ہوتی ہے ۔ اس کا کوئی پیمانہ نہیں ۔ اور اس کا احساس وقت کے ساتھ ساتھ کم زیادہ ہوتا رہتا ہے ۔ کبی آپ اسے بہت شدت سے محسوس کرتے ہیں اور کبھی نارمل طریقے سے ۔

__________________

میں اک دن لَوٹ کے آوں گا

حیدر Rehan

نوٹ لکھ کر جب جواب کے لیے ایک ایک لفظ کہ لکھئے جانے کا اپ کہہ چکی ہیں تو پھر اپ نے اپنے سوال پر پہلے غور کیوں نہی کیا ؟

یعنی بعد میں عبدالہادی احمد صاحب کے تفصیلی جواب کو سمجھنے کے بعد اپ نے اپنے سوال کو پورے طور پر بدل دیا۔

کیا اپ کا یہ کہنا کہ جواب سوچ سمجھ کر دییجئے گا کیونکہ ایک ایک لفظ لکھا جارہا ہے
سوال کے لیے نہی تھا ؟؟؟؟
۔
۔
۔
۔
۔
۔
اپ کا سارا دھیان ایک نامکمل سوال پر تھا
اسی وجہ سے اپ نے یہ سوال دوسرے مراسلے میں 6 یا 7 بار دھرایا یہاں تک کہ اکرام بھائی نے بھی جواب نہ دیا

۔
۔
۔
چند اصولوں سے یہ دو الگ الگ سوال بتنے ہیں
ان میں سے اپ کو کون سے سوال کا جواب چاہیے ؟

کیونکہ
پہلے سوال کا جواب "ہاں" میں ہے
اور
دوسرے سوال کا جواب "نہی" میں ہے

سحر

میں تو نہیں سمجھتی کہ یہ دونوں سوالات متضاد ہیں ۔
ہاں دوسرے سوال میں تفصیلات ضرور ہیں ۔
پہلے مراسلے میں صرف مسلمان لکھا ہے ۔
اور دوسرے میں عبدالہادی بھائی کے مراسلے کے بعد چند باتیں ایڈ کی ہیں ۔
یعنی کہ ایک مسلمان پورے علم و شعور کے ساتھ یہ کہتا ہے
جی یہ نوٹ سوال پر پہلے نافذ ہوتا ہے بعد میں جواب پر آپ کے خیال میں مکمل سوال کیا ہونا چاہیے ۔ اگر آپ میرا مدعا سمجھ گئے ہوں تو
شکریہ

ونودراتھور

ماف کیجئے گا بہنابات میری سمج سے باہر ہے

آبی ٹوکول

اسلام علیکم ڈئر سسٹر آپکے سوال کا مختصر جواب یہ ہے کہ محبت کا مادہ حب ہے اور حب کی خو ہے کہ وہ حسن و خوبی پر ہی منتج ہوتی ہے یعنی محبت بنیادی طور پر اپنے نفس میں اور خارجی نفوس میں ہمیشہ حسن و خوبی کی تلاش میں سرگرداں رہتی ہے لہذا چاہے وہ حسن وخوبی ظاہر میں ہو یا باطن میں چاہے اشکال میں ہو افعال میں ہویا اوصاف میں ہو محبت اسکی تلاش میں سرگرداں رہتی ہےکیونکہ حقیقت میں محبت کا یہ فطری اثر ہے کہ وہ انسان کو محبوب کے اوصاف حمیدہ کی طرف مائل کرکے اسے انسان کا محبوب بنادیتی ہے نتیجتا اس (محبت)کے جو تقاضے ہوتے ہیں ان (تقاضوں) کی وجہ سے وہ انسان کو اپنے محبوب اور اس کی خواہشات کی طرف بھی بہا لے جاتی ہے ۔ایک حقیقت یہ بھی ہے کہ نفس الامر میں ہماری محبت کمزور ہو ،
تو ایسی صورت میں وہ اپنے ہونے کہ اعتبار سے تو حقیقت رکھتی ہے مگر چونکہ تقاضوں کے اعتبار سے کمزور ہوتی ہے لہذا محسوسات میں جلد آ نہیں پاتی، کیونکہ ایک حقیقی محبت یقینا عملی آثار کی حامل ہوتی ہے اور ایسی محبت محب کا محبوب سے ایک ایسا تعلق قائم کردیتی ہے جو محبوب کی آرزووٴں کی راہ میں ثمر بخش ہو اور ا س کی آرزووٴں کی تکمیل کے لئے محب کو سعی و کوشش کے لئے ایستادہ کردیتی ہے ۔
اس بات کی دلیل اور وجہ بہت واضح ہے کیونکہ انسان کا کسی سےمحبت اور فطری لگاؤ محض اس وجہ سے ہوتا ہے کہ اسے اس میں کوئی نہ کوئی نقطہ کمال نظر آرہا ہوتا ہے چناچہ انسان کبھی کسی ایسی چیز سے محبت نہیں کرتا کہ جس میں کوئی نقطہٴ کمال نہ ہولہذا خدا سے انسان کی محبت کی وجہ یہ ہے کہ وہ ہر قسم کے کمال کا سرچشمہ و منبع بلکہ منتہاء ہے۔ یہاں یہ بات بھی یاد رہے محبت نفس الامر یعنی حقیقت میں وھبی شئے ہےمگر کبھی کبھی اس کاحصول کسب سے بھی ممکن ہے لہذا یہی وجہ ہے کہ کسب کے زریعے اس محبت کو شدت یا کمال بخشا جاتا ہے سو یہی وجہ ہے کہ اللہ اور اسکے رسول صلی اللہ علیہ وسلم نے بارہا خود سے محبت بلکہ اپنی محبت کو تمام محبتوں پر ترجیح دینے کا حکم دیا ہے ۔ اور حکم وہب پر نہیں بلکہ ہمیشہ کسب پر منتج ہوتا ہے ۔ لہذا وہ محبتیں جو اپنے نفس الامر میں تو وجود رکھتی ہوں انکو نقطہ کمال تک پہنچانے کے لیے کسب شرط ہے اور یہی کسب چونکہ ہماری زندگیوں سے مفقود ہو چلا ہے تو یہی وجہ ہے کہ اللہ اور اسکے رسول صلی اللہ علیہ وسلم کی محبت کی شدت کو ہم اپنے نفوس میں محسوس نہیں کرپاتے جبکہ یہی محبت جب ہمیں غیر اللہ یعنی دنیا سے ہوتی ہے تو ہم اس کو اسکے تمام تر تقاضوں سے نبھاتے ہیں سو اسی وجہ سے اسےشدت سے محسوس بھی کرتے ہیں ۔امید کرتا ہونںکہ نقطہ پا گئی ہونگی وگرنہ یہ مضمون محبت انتہائی طوالت کا متقاضی ہے ۔۔۔والسلام

سحر

آبی بھائی معذرت چاہتی ہوں ۔ مراسلے کا کافی حصہ سمجھ نہیں آیا مشکل الفاظ کی وجہ سے
میں نے آپ کے مراسلے سے جو باتیں ہائی لائٹ کی ہیں ان کو اسان الفاظ میں سمجھادیں