راشد احمد

چیف جسٹس کی بحالی میں سیاسی جماعتیں، وکلاء، سول سوسائٹی اور عوام نے حصہ لیا۔
بھائی سب سے پہلی بات وکلاء کی کرتے ہیں تو میں‌آپکو بتادوں کہ زیادہ تر وکلاء کا کام سچ کو جھوٹ اور جھوٹ کو سچ ثابت کرنا ہے۔
سول سوسائٹی زیادہ تر امراء، این جی اوز کے سربراہان پر مشتمل ہے۔
سیاسی جماعتیں جنہوں نے وکلاء تحریک میں‌حصہ لیا ان میں مسلم لیگ ن، جماعت اسلامی، تحریک انصاف قابل ذکرہیں۔
عوام وہی ہے جو سیاسی جماعتوں کے پیچھے چلتی ہے۔

اب سوات، کرپشن، مہنگائی، لاقانونیت کا دور دورہ ہے لیکن یہ سب غائب ہیں۔ آپ خود اندازہ کریں کہ سیاسی جماعتوں نے اپنا سیاسی قد بڑھانے کیلئے وکلاء تحریک کو ہائی جیک کیا۔ وکلاء کو بار ایسوسی ایشنز نے تیار کیا، بار ایسوسی ایشنز کو این جی اوز کی طرف سے فنڈنگ بھی کی گئی تھی۔ سول سوسائٹی جیسا کہ میں‌آپ کو بتاچکا ہوں کہ یہ امراء، این جی اوز پر مشتمل ہے۔ انہوں نے اپنے نمبر بڑھانے کے لئے یہ سب استعمال کیا۔

چیف جسٹس کی بحالی اگرچہ درست ہے لیکن کوئی اچھی کارکردگی دیکھنے میں نہیں‌آئی۔ این آراو، گمشدہ افراد کی بازیابی، پٹرول کی قیمتیں، پولیس کی ہٹ دھرمی ان پر کوئی ایکشن نہیں ہوا۔ خدشہ ہے کہ یہ سب کسی ڈیل کے تحت بحال ہوئے ہوں۔

__________________
حکمران کے محبوب ہونے اور فرعون بننے میں رویے کا فرق ہے۔

راجہ اکرام

برادرم آپ بالکل بجا ہیں
وکلاء کا کام آپ نے بتا دیا
سول سوسائٹی بیرونی امداد سے سامراجیت کے فروغ کا ایک مہلک ہتھیار ہیں جو ہمارے خلاف استعمال ہو رہا ہے۔
لیکن عدلیہ بحالی مہم میں ان کے کردار کو سراہنے میں کوئی قباحت مجھے نظر نہیں آتی ۔

البتہ اب جب کہ وطن عزیز کو ضرورت ہے ہر طبقہ فکر کے افراد کے تعاون کی تو وکلاء اور سول سوسائٹی کی مجرمانہ خاموشی ان کےکھوکھلے نعروں حقیقت سے پردہ اٹھا رہی ہے۔
انسانی حقوق کے دعوے داروں کو اب کوئی زیادتی نظر نہیں آرہی
اور ایک جھوٹی ویڈیو پر انہوں نے پورا ملک سر پر اٹھا لیا تھا۔۔ میڈیا کا کردار بھی سب کے سامنے ہے۔

لیکن عدلیہ بحالی کے حوالے سے بالعموم اطمینان پایا جاتا ہے، البتہ کچھ لوگوں کو توقعات پوری ہوتی نظر نہیں آرہیں ۔۔
میرے خیال میں ان کی توقعات زیادہ ہیں
جیسا کہ آپ نے ذکر کیا کہ این آراو، گمشدہ افراد کی بازیابی، پٹرول کی قیمتیں، پولیس کی ہٹ دھرمی ان پر کوئی ایکشن نہیں ہوا۔ خدشہ ہے کہ یہ سب کسی ڈیل کے تحت بحال ہوئے ہوں۔

میرے خیال میں جس نازک وقت میں چوہدری صاحب بحال ہوئے ہیں اس میں مذکورہ بالا مسائل پر فورا ایکشن لینا انصاف کے تصور کو خراب کر سکتا ہے۔
کیوں کہ اس کی زد میں وہ لوگ آئیں گے جنہوں نے عدلیہ معطلی میں کردار ادا کیا، اور یہ شور مچ جائے گا کہ چیف جسٹس ذاتی عناد کو انصاف کے تقاضوں پر ترجیح دے رہے ہیں۔

اس لئے میرے خیال میں ہمیں ٹھنڈا کر کے کھانا چاہئے، ورنہ منہ جلنے کے قوی امکانات ہیں۔۔

۔

فیصل ناصر

یہ سوال تو میں کئے مرتبہ کرچکا ہو چیف جسٹس نے اب تک بحال ہو کر کیا کیا؟
لگتا ہے یہاں بھی "ڈیل" کا نسخہ چل گیا

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

راجہ اکرام

فیصل بھائی آپ جلدی میں لگتے ہیں
یہ 63 سال کے مسائل ایک دن ، مہینے یا سال میں حل ہونے والے نہیں۔۔

فیصل ناصر

شاید آپ ٹھیک کہ رہے ہیں
عرصہ سے انصاف کی امیدیں لگانے والے اتاولے ہو ہی جاتے ہیں
لیکن کسی ایک عوامی مسئلہ پر کوئی اسٹیپ تو لیا گیا ہوتا

راجہ اکرام

پولیس اور جیلوں والے مسئلے پر ایکشن لئے جا رہے ہیں
اور یہ بھی پیش نظر رہے کہ چوہدری صاحب کی ٹیم بھی تبدیل کی گئی ہے جس کے بغیر اکیلا کپتان کچھ نہیں کر سکتا۔۔
احتیاط کا دامن تھامے رکھنا بھی ضروری ہے ورنہ ایک اور شب خون عدلیہ کا مقدر ہو سکتا ہے۔

۔وقت سے پہلے نہیں اور نصیب سے زیادہ نہیں۔۔

۔

فرحان دانش

عدلیہ نے اب تک بحال ہو کر کیا کیا؟

لیکن ایک کام کوتو کیا ہے "میاںجی" کولانگ مارچ کاصلہ دے دیا ہے۔

__________________

راجہ اکرام

فرحان بھائی آپ کی بات ایک حد تک درست ہے
لیکن سوچنے کی بات یہ ہے کہ کیا شریف برادران کی نا اہلی کا فیصلہ درست تھا؟
کیا دوسرے سیاستدان ان سے زیادہ اچھے ہیں جو کہ نہ صرف اہل ہیں بلکہ ہمارے سفید و سیاہ کے مالک ہیں؟

اگر ایسا ہے پھر تو واقعی چوہدری صاحب نے غلط کیا
لیکن اگر ایسا نہیں ہے تو پھر یہ بات کہنا کیسا ہے آپ خؤد اس پر ذرا غور فرمائیے۔

معاً یہ یاد رہے کہ میرا شریف برادران یا مسلم لیگ ن سے کوئی تعلق یا وابستگی نہیں ہے۔۔

منتظمین

جیلوں‌اور قیدیوں‌کے سدھار کے لیے بہت کام ہو رہا ہے۔ تیل اور گیس کی قیمتوں‌کی کمی کے لیے ایکشن لیا گیا ہے۔۔۔۔

__________________
تم سپاہی نہیں ہو پیشہ ور قاتلو!

راجہ اکرام

بالکل بجا فرمایا منتظمین بھائی آپ نے
اس طرح کے اور بھی کام ہو رہے ہیں لیکن ہماری نظر NRO اور مشرف کے مواخذے پر ہے۔۔
جو کہ ایسے مسائل ہیں کو ان حالات میں چھیڑنا بھڑوں کے چھتے کو پتھر مارنے کے متراد ف ہے۔۔

۔۔

راشد احمد

انصاف کسی مصلحت کو نہیں مانتا۔قاضی کی نطر میں سب برابر ہوتے ہیں۔ شور مچانے والے ہی اس کی زد میں‌آئیں گے۔ این آر او، مشرف کے خلاف مقدمات، گمشدہ افراد کی بازیابی پر اگر چیف جسٹس نے ایکشن نہ لیا تو یہی سمجھا جائے گا کہ وہ کسی‌ڈیل کے تحت بحال ہوئے ہیں۔ دوسری سب سے بڑی بات پاکستان کا مستقبل ہی انصاف ہے۔

تیل کی قیمتوں کے‌حوالے سے حکومت نے کیا کیا۔ عدالت نے 20 فیصد کمی کاحکم دیا تھا جبکہ ڈھائی فیصد کمی پر اکتفا کیا گیا۔ کیا یہ عدالت کی توہین نہیں اور عدالت نے بھی اس کا کوئی نوٹس نہیں لیا۔

راجہ اکرام

درست
لیکن عدلیہ ایک ادارہ ہے۔ جس کے ذمے سارے معاملات نہیں۔ نوٹس لیا ، اس پر عملدارآمد کیسے ہو یہ حکومت سوچے گی۔
اگر جزئیات کی نگرانی بھی عدلیہ نے شروع کر دی تو پھر دیگر اداروں کا کوئی مقصد نظر نہیں آتا۔
اور جہاں تک انصاف اور مصلحت کا تعلق ہے تو بعض اوقات خاموشی بولنے سے بہتر ہوتی ہے۔ اسی طرح کچھ معاملات میں عدلیہ کو احتیاط برتنے کی ضرورت ہے اور وہ کر رہی ہے۔

۔

مزمل فاروق

بلوچ رہنماہوں کے قتل کا سوموٹو نوٹس بھی لے لیا گیا ہے