ڈپریشن کا لفظ اتنا عام ہو گےا ہے کہ شام کو ٹانگے کا کوچوان بھی اپنی بیوی سے کہتا ہی بھاگ بھری مجھے ڈپریشن ہوگیا ہے۔ برائلر ذبح کرنے والا بھی کہتا ہے آج تو مرغیاں ذبح کر کر کے ڈپریشن ہوگیا ہے۔ پہلے جو لوگ اسے سردرد کہتے تھے وہ بھی اب اسے سردرد کہنے کی بجائے ڈپریشن کہتے ہیں۔ تنگ دست ، خوش حال، ان پڑھ تعلیم یافتہ، شہری، دیہاتی، عورت مرد، حتٰی کہ دینی فہم اور مزاج رکھنے والے بھی ٹینشن اور ڈپریشن کا شکار ہیں۔ اگر بغور جائزہ لیا جائے تو ڈپریشن کی وجہ سے دنیا میں روزانہ کئی افراد خود کشی اور خود سوزی جیسی حرکت کا ارتکاب کر رہے ہیں۔


زندگی سے بے زار رہنا علیحدگی پسند ہو جانا ، دیکھنے میں بیمار لگنا، مستقل بے چین اور افسردہ رہنا ڈپریشن کے مرض کی علامات ہیں۔ اس کا مریض حسد بزدلی، قنوطیت، سہل انگاری اور بی اعتمادی کا شکار ہو جاتا ہے۔ عام اصطلاح میں ڈپریشن کی دو قسمیں ہیں۔ ایک قسم کیمیائی ہے اور دوسری سماجی۔ کیمیائی قسم میں انسان کے اندرکیمیائی عناصر کا توازن بگڑ جاتا ہے۔ایسے لوگوں کی سائیکاٹڑسٹ کے پاس لے جانا پڑتا ہے۔ جو اس کا علاج دوا سے کرتا ہے ۔ سماجی قسم میں انسان کے گھریلو کاروباری اور معاشرتی حالات میں کوئی خرابی واقع ہو جاتا ہے یعنی یہ ڈپریشن کسی پریشانی ، غم، یا ناکامی کی وجہ سے لاحق ہوتا ہے۔ سماجی عناصر کی وجہ سے پیدا ہونے والا ڈپریشن کا جائزہ ہم مذہبی حوالے سے لیتے ہیں۔

حقیقی مسلمان کبھی ڈپریشن کا شکار نہیں ہوتا اس لئے کہ مسلمان کا ایما ن ہے کہ اس کی زندگی اللہ کی طرف سے ایک آزمائش ہے۔ انسان کا مقصد حیات اللہ کی عبادت اور اطاعت ہے۔ اس کی زندگی میں جو بھی پریشانیاں آتی ہیں وہ آزمائش ہوتی ہیں اس لئے آزمائش پر صبر و تحمل کرنے سے اللہ تعالٰی کی جانب سے انعام و اکرام ملیں گے ۔ فرمانِ خداوندی ہے۔

”ہم تمہیں دُکھ اور سُکھ سے آزما رہے ہیں ، پرکھنے کے لئے ، تم ہماری طرف ہی لوٹائے جاﺅ گے۔ “( الانبیاء۱۲:۵۳) زندگی میں امتحانات اور آزمائشیں آتی رہتی ہیں۔ اللہ تعالٰی کی طرف سے ہر آزمائش انسان کی برداشت سے ہرگز باہر نہیں ہوتی ۔ فرمانِ الٰہی ہے۔ ”ہم کسی جان پر اس کی استطاعت سے زیادہ بوجھ نہیں ڈالتے۔ “ (الانعام ۶:۲۵۱)

مسلمان مصائب کو زندگی کا لازمی حصہ سمجھتا ہے اورمصائب سے گھبرا کر زندگی سے بیزار ہونے کی بجائے ان سے نجات پانے کے لئے کوشش کرتا رہتا ہے۔اس کوشش اور کاوش پر بھی ثواب ملے گا۔مسلمان جانتا ہے کہ اس کی دنیاوی زندگی کی پریشانیاں عارضی ہیں۔ اگر وہ ناسازگار حالات میں بھی اپنے ایمان اور اعمال صالحہ پر قائم رہے تو مرنے کے بعد اسے ہر غم سے پاک انتہائی پر مسرت ابدی زندگی ملے گی جس کی بشارت اللہ نے قرآن میں یوں دی ہے۔
’ ’بے شک ہم تمہارا امتحان کریں گے کسی قدر خوف، بھوک اور مالوں جانوں ، پھلوں کی کمی سے اور ان ثابت قدموں کو خوش خبری سنا دو جن کا حال یہ ہے کہ ان کو کوئی مصیبت پہنچتی ہے تو وہ کہتے ہیں کہ بے شک ہم اللہ ہی کے لئے ہیں اور ہم اسی کی طرف لوٹنے والے ہیں۔ یہی لوگ ہیں جن پر ان کے رب کی عنایتیں ہیں اور رحمت اور یہی لوگ ہیں جو کامیاب ہونے والے ہیں۔ “ (البقرہ ۵۵۱ تا ۷۵۱)

ہمیشہ رہنے والی زندگی کے انعامات کے بارے میں جب انسان سوچتا ہے تو اس عارضی زندگی کے مشکلات اور پریشانیوں پر وہ غم سے نڈھال نہیں ہوتا۔ارشادِ باری تعالیٰ ہوتا ہے۔ ” وہ لوگ جو ایمان لائے اور انہوں نے نیک عمل کئے، اس میں شبہ نہیں کہ وہ بہترین خلائق ہیں۔ ان کا صلہ ان کے پروردگار کے پاس ابد کے باغ ہیں جن کے نیچے نہریں بہہ رہی ہوں گی۔ وہ ان میں ہمیشہ ہمیشہ رہیں گے۔ اللہ ان سے راضی ہوا اور وہ اس سے راضی ہوئے۔ یہ صلہ ہے ان کے لئے جو اپنے پروردگار سے (بن دیکھے) ڈرے “(البینہ ۸۹:۷۔µ) ابدی زندگی کی راحتوں کے بارے میں ایک اور جگہ یوں ارشاد ہوا۔
”اہلِ جنت کو خدا کا قرب حاصل ہوگا۔ جنت میں ان کی کیفیت یہ ہوگی۔ ان کے لئے نہ کوئی غم ہوگا اور نہ وہ غمگین ہوں گے(یونس ۰۱:۲۸)
مسلمان کی زندگی میں کیسی ہی ناکامیاں کیوں نہ آئیں اور ظاہری اسباب کیسے ہی نامساعد کیوں نہ ہوں۔ وہ کبھی ناامید نہیں ہوتا۔وہ اجاڑ موسم میں بھی بہار دیکھتا ہے۔ تپتے سحرا میں آبشار دیکھتا ہے، سوکھی ہوئی شاخ میں شجر سایہ دار دیکھتا ہے اس لئے کہ اس کو حکم ہے۔’’االلہ کی رحمت سے مایوس تو بس کافر ہی ہوتے ہیں “ (یوسف ۲۱:۷۸)

مسلمان اس رمز سے آشنا ہوتا ہے کہ اس دنیا میں سب کچھ اللہ ہی کے اذن اور ارادے سے ہوتا ہے اور اللہ کا کوئی ارادہ خیر اور حکمت سے خالی نہیں ہوتا۔ اس لئے مسلمان ہر زحمت میں رحمت دیکھتا ہے اور ہر زخم میں مرہم پالیتا ہے۔ اگر اس کی کشتی کا تختہ ٹوٹ جاتا ہے اور وہ عیب دار ہو جاتی ہے تو وہ یہ سوچ کر پریشان نہیں ہوتا، کہ ممکن ہے یہ واقعہ اس کی پوری کشتی کو بچانے کے لئے رونما ہوا ہو۔ اگر وہ اپنے جوان بیٹے کی موت کے صدمے سے دوچار ہوتا ہے تو یہ سوچ کر اعصابی تناﺅ کا شکار نہں ہوتا کہ ممکن ہے اگر یہ لڑکا زندہ رہتا تو اس کے لئے موت سے شدید تر صدمات کا باعث بنتا۔ جو شخص اپنے گالوں پر تھپڑ مارے، گریبان پھاڑے اور کفر کی باتیں کرے وہ ہم میں سی نہیں ہے (بخاری کتاب الحنائز) مسلمان چونکہ نماز کا پابند ہوتا ہے اس لئے وہ ہروقت پرسکون رہتا ہے۔ رنج و غم دراصل اللہ سے دوری کا نتیجہ ہیں۔ اگر اللہ کے ساتھ مضبوط تعلق قائم کیا جائے تو پریشانی تو آ سکتی ہے مگر اس کے اعصاب پر سوار نہیں ہو سکتی۔

کیا مسلمان ڈپریشن کا شکار ہوتا ہے؟ (منظور قادر)

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ.