آج سے بہت سال پہلے جب میں نے اس ادارے کوانتظامی پوسٹ پر جائن کیا تو میرے وہم و گمان میں بھی نہ تھا کہ آنے والے دن میرے لئے اس قدر سخت ثابت ہوں گے۔
اچھی کمپنی مل گئی اور وقت بہت اچھا گذ رنے لگا۔
کام بھی کرتے گپیں بھی لگاتے اور وقتا فوقتا سب کولیگ مل کر آوٹنگ کیلئے بھی ضرور جاتے ۔
اچھا وقت تو پر لگا کراڑ جاتا ہے۔
مجھے اپنے والدین نے ایک بات بہت اچھی طرح سمجھائی۔ ہمیشہ ایمانداری کو اپنا سرمایہ افتخار سمجھنا۔ لیکن ایک دفعہ نادانی میں بے ایمانی کربیٹھا۔
اللہ کا کرم ہوا کہ سزا فوری ملی ۔ اور احساس ندامت کی بھی توفیق ملی۔
اللہ کے گھر میں سجدے میں جھک کر اللہ سے التجا کی ۔
اے میرے رب مجھے اتنی ہمت دے ۔ کہ ایمانداری کے ساتھ زرق حلال کماوں۔
میرے اللہ نے میری سن لی۔
پھر میں مصائب سے نہ گھبرایا۔
ایک دفعہ ایک بہت سینئر عہدیدار نے بے ایمانی کیلئے ابھارا ، میں نے انکار کردیا- اس نے مختلف ہتھکنڈوں سے ڈرانے دھمکانے کی کوشش کی ۔ لیکن میں اپنے دیانتدارنہ موقف پر ڈٹا رہا۔ چھ ماہ تک بہت اس نے ہر اوچھا ہتھکنڈہ استعمال کیا لیکن میں نے ہار نہ مانی ۔ آخرکا ر جیت سچ کی ہوئی۔
اس بات نے میری ہمت اور بڑھا دی۔
وقت گذرتا گیا۔
وہ سینئر عہدیداربہت کینہ پرور تھا۔
اس نے بہت سال گذرنے کے بعد مجھ پر ایک بہت کاری وار کیا۔
اس دوران میں ترقی کرکے کافی بہتر پوزیشن پر آگیا تھا۔
لیکن وار اچانک تھا۔
بہت ممکن تھا کہ میں ہمت ہار جاتا۔ لیکن میری ماں کی دعاوں نے میرا حوصلہ
بڑھایا ۔ اور اس آزمائش سے نکل گیا۔
میں نے اپنے ہاتھ گناہ سے آلودہ نہ ہو نے دیے۔
میں چاہتا تو خوشامد سے رشوت سے بہت کچھ حاصل کر لیتا۔ بلکہ شاید اپنا دامن بھی بھر لیتا۔ مگر نہیں۔
پھر وہی میرے والدین کی تربیت میرے آڑے آئی۔ اور اس بار بھی سرخرو ٹھہرا۔

پھر بہت سے وار ہو تے رہے۔ الزامات لگتے رہے۔
مگر میرے اندر سچائی تھی میں لڑتا رہا۔

لیکن وقت کے ساتھ شاید انسان کمزور پڑ جا تا ہے۔
اب کے پھر ابلیس کے کارندوں نے ایک اور کا ری وار کیا ہے۔
میں اب بھی لڑ رہا ہوں۔۔
لیکن یارو
میں اب ٹوٹتا جا رہاہوں

یہ وار اتنا سخت ہے کہ میں ہمت ہارتا جا رہا ہوں۔۔۔۔
کیا میں ہار مان لوں۔۔۔؟
اب تو دعاوں سے میرا حوصلہ بڑھانے والی میری ماں بھی اس دنیا میں نہیں رہی۔۔
تو
کیا میں ہارمان لوں؟

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com