ڈاکٹرنور

"تو اس کی ماں نے اس کی بیوی سے کہا کہ اگر تم نوکری کرنا چاہتی ہو تو کرلو لیکن ہمارا بیٹا چند دن ہی صحیح عورت کی کمائی نہیں کھائے گا ۔۔ یعنی اس کو چند دن بھی آرام کرنے کی اجازت نہیں ہے ۔"

سحر بہن
میں اوپر والا فقرہ پڑھ کر کچھ الجھ گیا ہوں۔۔
شاید میری ہی کو تا ہی ہو لیکن ذرا اس کی وضاحت کر دیں تاکہ مزید
اس پر تبصرہ کیا جا سکے

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

حیدر

یہ جملے تو مجھے بھی سمجھ نہیں آئے۔ یہ دوسرا جملہ بھی ماں کا ادا کردہ جملہ ہے یا یہ محض اضافی وضاحتی جملہ ہے۔

نورالدین

اقتباس:

لیکن ہمارا بیٹا چند دن ہی صحیح عورت کی کمائی نہیں کھائے گا ۔۔ یعنی اس کو چند دن بھی آرام کرنے کی اجازت نہیں ہے ۔

غالباً یہ جملہ کچھ اسطرح ہوناچاہیے تھا ۔
لیکن ہمارا بیٹا چند دن ہی سہی ۔ مگر ہمیشہ عورت کی کمائی نہیں کھائے گا ۔۔

__________________
انسان کو زندگی میں وہی کام کرنا چاہیے جس کی اسے ضرورت ہو ۔

نورالدین

چلیں شکر کہیں توکسی کوخیال آیا کہ ہم مرد حضرات بھی مظلوم ہيں ۔۔

اپنی فیملی کی فکر ہر سمجھ دار مرد کرتا ہے ۔۔
آج اگر ہلا گلا کرنے میں وقت ضائع کریں گے تو کل کے لیے اپنے گھر بار کے لیے کچھ نہيں بنا سکیں گے ۔۔
اور آج وہ بیوی بچے ہمارے کاہلی سے کمائے ہوئے تھوڑے پیسے میں گزارا کر تو ليں گے ۔ مگر جب ہم بوڑھے ہوں گے اور وہ جوان اور ہم سے زیادہ آمدنی کمائیں گے تو وہ ہمیں طعنے دیں گے کہ آپ نے ہمیں دیا کیا ۔۔
بس یہی وہ وہم ہے جو بعض مردوں کو ریس کے گھوڑے کی طرح زندگی کی دوڑ میں بھگاتا ہے کہ کل کے لیے زیادہ سے زیادہ کماؤ تا کہ اولاد کے لیے کچھ جمع ہو جائے ۔
مگر کیا آگے وہی کچھ ہوگا جو وہ بندہ سوچ رہا ہے ۔
ایسا بھی تو ہوتا ہےکہ مرد کم اور تنگی کے ساتھ کما کر بھی اپنی فیملی کو خوش رکھ سکتا ہے بڑھاپے تک ۔
اور ایسا بھی ہوتا ہے کہ دنیا کی ہر آسائش اولاد اور بیوی کو دینے کے باوجود بھی اولاد نکمی نکلتی ہے اور بیوی بدمزاج رہتی ہے۔

تب یہاں آ کر انسان کو توکل کے معنی سمجھ میں اتے ہيں۔

سحر

میں نے یہاں صرف اپنے معاشرے کی ایک سوچ کی طرف اشارہ کیا ہے
کہ ہم نے کاموں کو مرد ، عورت میں تقسیم کردیا ہے کسی صورت بھی ہم اس میں ردو بدل برداشت نہیں کرسکتے ہیں ۔
اگر مرد اپنی استطاعت سے ذیادہ محنت کرتا ہے تب بھی اس کو کسی قسم کی ریلیف نہیں دی جاتی ہے ۔ اور عورت کے ساتھ بھی کچھ یوں ہی ہے


میں صرف اتنا کہنا چاہتی ہوں کہ ہر کام مل جل کر کرنا چاہیے ۔ جہاں جس کو آرام کی ضرورت ہو اس کو ریلیف دینا چاہیے ۔ اور اگر ایک تھک گیا ہے تو دوسرا اس کی ذمہ داریاں اٹھا سکتا ہے

گھر کے کاموں میں مرد عورت کا ہاتھ بٹائے جب عورت تھک جائے اور معاش میں عورت مرد کا ہاتھ بٹائے جب مرد تھک جائے ۔

سحر

میں نے اپنی تحریر میں اس جملے میں ترمیم کردی ہے ۔ امید ہے کہ آپ کو میری بات سمجھ آگیئ ہوگی ۔

حیدر

چناچہ اصل موضوع یہ نہیں کہ مردوں کا معاشرہ۔
اصل موضوع تو یہ بنتا ہے کہ کیا عورت کو معاشی سرگرمیوں میں مرد کے شانہ بشانہ کام کرنا چاہیے۔اُس پر سے معاشی دباؤ کم کرنے کے لیے میدان کار میں آنا چاہیے یا نہیں وغیرہ

محمدعدنان

سحر آپی بہت اچھی تحریر ہے
میرے خیال سے اگر عورت کے پاس کوئی ہُنر ہے تو اس کو ضرور اپنے خاوند کو یا گھر والوں کو سپورٹ کرنا چاہئیے

__________________

زارا

اِسکا مطلب ہی ہی نلتا ہے کہ ہمارے معاشرے میں(کچھ جگہوں ہر) عورت اگر مرد کے شانہ بشانہ کام بھی کرنا چاہے خواہ اُسی کے خیال کیلئے تو بھی اُسکو اِجازت نہین ہے۔

سحربہت اچھا لکھاآپ نے۔ واقعی ملک کی ترقی میںعورتوں کے کردار کو فراموش نہیں کیا جا سکتا اور اُنکو مل کر شانہ بشانہ کام کرنا چاہئے۔

شکریہ

__________________

ڈاکٹرنور

ایک گھرکا نظام چلانے کیلئے
مرد اور عورت دونو ں مل کرہی
اس ذمہ داری کو پورا کر سکتے ہیں۔
ہاں
ہر میاں بیوی
آپس میں مل کر اپنی اپنی ذمہ داریاں
اپنی سہولت کے مطابق طے کر تے ہیں۔۔
مندرجہ با لا تحریر میں
جو پیغام دینے کی کو شش کی گئی ہے وہ یہی ہے
کہ مردوزن مل کر ایک دوسرے کو سپورٹ کرتے ہوئے
ایک دوسرے کی سہولت کا ، تکلیف کا احسا س کرتے ہوئے
گھر کا نظا م چلائیں
لیکن بیان کردہ سیچوایشن ظاہر کررہی ہے
کہ یہاں میاں بیوی سے زیا دہ میاں کی ماں کا کر دار ہے
جو اپنے بیٹے کو بیوی کی کمائی کھانے سے روک رہی ہے
---
یہ تو فیمیل ڈومینیٹد گھرانہ ہے۔۔
جہاں ایک عورت ہی عورت کو اپنے خاوند کو سپورٹ کرنے سے روک رہی ہے۔۔۔
بہرحال ۔۔
میرا یہی نقطہ نظر ہے
کہ
عورت اور مرد
مل کر ہی ، ایک دوسرے کو سپورٹ کرکے
ایک خاندان کو بہتر چلا سکتے ہیں۔

زارا

جی بھائی صحیح کہا۔۔

Totally agree with you

حالانکہ میرے چھوٹے ماموں اس معاملے میں کافی سٹکٹ ہیں لیکن باوجود اُسکے میں دو جابس کر رہی ہوں اور اُنکو اعتراض بھی نہین ہے۔
ہمین اپنی سوچ مثبت بنانا ہو گی اس معاملے میں۔

سحر

آپ میری بات کا مطلب نہیں سمجھے ۔
یہاں موضوع بحث عورت نہیں بلکہ مرد ہے ۔ پہلی بات
دوسری بات میری اس تحریر کا مقصد لوگوں کی سوچ ہے
عورت تو آج بھی مرد کے شانہ بشانہ کام کررہی ہیں ۔
لیکن ہم یہ سوچ نہیں سکتے کہ مرد گھر میں ہو اور عورت نوکری کرے ۔

میں ذرا تفصیل سے بات بیان کرتی ہوں ۔
ایک ہوتا ہے نورمل روٹین یا نورمن زندگی ، اس میں تو مرد کو ہی معاشی ذمہ داریاں اٹھانی چاہیے اور عورت کو گھر دیکھنا چاہیے ۔

لیکن کچھ ہوتے ہیں غیر معمولی واقعات ۔
جیسے میں نے بہت سے گھروں میں دیکھا ہے کہ مرد بیماری کی حالت میں کام کررہے ہیں کچھ بھی ہے ان کی ذمہ داری ہے 70 سال کی عمر میں باپ نوکری کررہا ہے ۔ بیٹی پڑھی لکھی ہونے کے باوجود گھر میں رہتی ہے
شوہر کو شوگر ہے ، بلڈ پریشر ہے وغیرہ وغیرہ لیکن بیویاں نوکری نہیں کرتی کہ معاش مرد کی ذمہ داریاں ہیں ۔
یا سالوں گھر سے باہر رہنے کے بعد اگر مرد چند ماہ اپنے بچوں کے ساتھ وقت گزارنا چاہے تو یہ میرا خیال ہے اس کا حق ہے ۔
میں نے بہت سے گھروں میں بے حسی بھی دیکھی ہے اس معاملے میں عورتوں کی طرف سے
جب بچے بڑے ہوجاتے ہیں تو عورت کی زندگی کافی پرسکون ہوجاتی ہے تب وہ مرد کو ریلیفڈ دے سکتی ہے ۔
اسی طرح ہمارا معاشرہ عورت کے ساتھ بھی کرتا ہے ، عورت کی طبیعت خراب ہے ، بچے چھوٹے ہیں ، پوری رات اس نے جاگ کر گزاری ہے تب بھی گھر کی ساری ذمہ داری پورا دن اسی نے نبھانی ہے ۔

نوٹ : عورت کی بات میں نے صرف مثال دینے کے لیے کہی ہے ۔

عبداللہ آدم

حقیقتیں ہیں لیکن تلخ ہیں.............

ہضم کرنا مشکل ہے...............

حیدر

میں نے عینک بدل کر بھی آپکا مضمون پڑھا مجھے وہی معانی نظر ائے (عینک سے مراد زاویہ نظر)۔

چونکہ آپکا موضوع مرد سے متعلق ہے کہ اسکو ریلیف ملنا چاہیے، تو نو کمنٹ۔

لیکن آپ نے کئیا اپنی بات پر غور کیا ہے تو اسکی وضاحت فرما دیجیے کہ کیوں کر ایک مرد سخت بیماری کے باوجود کام کرتا ہے اور اسکی خاتون گھر سے قدم باہر نہیں نکالتی۔ کیا وہ خاتون کام نہیں کرنا چاہتی یا معاشرہ کام کرنے نہیں دے رہا؟
کیا وجہ ہے کہ آپ کے بیان کردہ جملے کے مطابق 70 سال کا بوڑھا تو کام کرنے پر مجبور ہے لیکن اسکی بیٹی پڑھی لکھی ہونے کے باوجود کام نہیں کر رہی؟ کیا اُس بیٹی کا موڈ نہیں ہوتا کام کرنے کا یا معاشرہ کام نہیں کرنے دے رہا؟

دیکھیے اس ملک کی خواتین کی اکثریت تو ہمیشہ سے کام کرتی آئی ہے۔ بے شک ظاہر نہیں ہوتا انکا کام۔ مثلاً پنجاب ملک کی آدھی سے زائد آبادی کو سمیٹے ہوئے ہے۔ یہ زرعی معاشرہ ہے۔ چناچہ دہیات سے تعلق رکھنے والی تمام خواتین کام پر جاتی ہیں۔
بعینہ اس سے ملتا جُلتا حال سندھ میں بھی ہے۔
شہروں کی بات کر لیں تو اس میں دو قسم کے طبقات ہیں۔ ایک طبقہ کی خواتین کام پر جاتی ہیں۔
لیکن دوسرے طبقہ کی خواتین گھر میں رہتی ہیں۔ آپ کا کیا خیال ہے کہ کیا وہ خواتین کام کرنا ہی نہیں چاہتی اور گھر کے سخت معاشی حالات کے باوجود وہ مرد کا بوجھ نہیں بٹانا چاہتیں؟ یا معاشرہ/انکے گھر والے انکو اجازت نہیں دے رہے؟

اگر تو وہ خود کام نہیں کرنا چاہتیں ۔ تو معذرت کے ساتھ میں اختلاف کروں گا ۔ ایسی خواتین کی تعداد ببہت قلیل ہے جو معاشہ ابتری کے دور میں اپنے مرد کا ساتھ نہ دیں۔ یہ ایسی ہی خواتین ہی جیسا کہ مرد بھی پائے جاتے ہیں۔ یعنی کام چور۔ بہانے خور۔ ان پر تو بات کرنا ہی عبث ہے۔

لیکن سوال یہ ہے کہ جو خواتین کام کرنا چاہتی ہیں ۔ ۔ ۔ پھر بھی وہ کام کیوں نہیں کرتیں؟
پھر بات وہی معاشرہ
معاشرہ کام کرنے کیوں نہیں دے رہا؟
سوال تو یہ ہے۔