ہم واقعی اس کے مستحق ہیں‌کہ ہمارے اوپر اسی طرح کے حکمران حکومت کریں جس طرح کہ ہمارے موجودہ حکمران ہیں۔
آپ سب حیران ہوگئے ناں؟ کہ کہیں اس کا دماغ تو نہیں پھر گیا ۔
دیکھو بھائی ایک سادہ سی بات ہے

لاشوں کے مقدر میں ہمیشہ گدھ ہی ہوتے ہیں تاکہ وہ ان کو نوچ نوچ کر کھائیں۔

اور ہم وہ لوگ ہیں جو ہر معاملے پہ چاہے وہ کسی بھی نوعیت کا ہوں اس پہ چپ سادھ لیتے ہیں اور اس بارے میں ہماری ایک درخشندہ تاریخ ہے کہ ہم کب کب خاموش رہے اور بعد میں ہمیں اس کا خمیازہ بھگتنا پڑا۔
مثال کے طور پر
آرمی نے ملک میں کئی بار ٹیک اوور کیا لیکن ہم خاموش رہے۔

ہمارے اپنے ملک سے اپنے لوگ غائب کردئیے گئے یا یوں کہہ لیں کہ چند ڈالروں کے عوض ان کو بیچ دیا گیا لیکن ہم خاموش رہے۔

عدلیہ کے ساتھ ڈرامہ کیا گیا، اس کا تماشا بنایا گیا لیکن ہم خاموش رہے۔

امریکہ ہمارے ملک میں خیبر پختونخوا میں روز ڈرون حملے کررہا جس سے نہ جانے کتنے مظلوم شہید ہورہے ہیں لیکن ہم پھر بھی خاموش ہیں۔

ہمارے ملک میں راہ چلتے ہوئے کسی کا بھی اغواء کرلیا جاتا ہے لیکن ہمیں کوئی احساس ہی نہیں ہماری خاموشی ہے کہ مزید گہری ہوئے جارہی ہے۔

لال مسجد کو شہید کیا گیا جس میں کئی معصوم بچے شہید ہوئے اور قرآن پاک کی بے حرمتی کی گئی لیکن ہمارا سینہ نہیں پھٹا ہمیں کوئی غم محسوس نہیں ہوا ہماری خاموشی نہیں ٹوٹی۔

ڈاکٹر عبدالقدیر خان ہمارے قومی ہیرو جنہوں نے ہمیں سر اٹھا کر دنیا کی آنکھوں میں آنکھیں ڈال کر بات کرنے کے قابل بنایا ہم نے ان کو کیا صلہ دیا الٹا انہیں گرفتار کرلیا گیا ان پر پابندیاں لگادیں گئیں جھوٹے الزامات لگا کر ان کی توہین کی گئی مگر ہم خاموش رہے۔

اس وقت افغانستان میں جو تباہی ہورہی ہے اس میں‌بھی ہم برابر کے شریک ہیں۔

ہمارے نبی صل اللہ علیہ وآلہ وسلم کی شان میں گستاخی کی گئی ان کے خاکے بنائے گئے لیکن ہمارا خون نہیں‌کھولا اور نہ تو ہم نے ان کافروں کو جواب دیا اور نہ ہی ان کا بائیکاٹ کیا اور ہم لوگ خاموش رہے اور آج بھی ان کی سروسز جیسے فیس بک وغیرہ کو استعمال کئے جارہے ہیں۔

ہم لوگ ہمیشہ خاموش ہی رہتے ہیں اور ہمیں اگر انسانوں کی بجائے 17 کروڑ زندہ لاشیں کہہ لیا جائے تو اس میں‌کچھ بھی عجیب نہیں ہوگا۔ہم لوگ مجموعی طور پر بےحس ہوچکے ہیں ۔ اور اس بے حسی کی وجہ یہ ہے کہ جب بھی کوئی مسلہ ہوتا ہے تو ہمارے ذہنوں میں‌یہ بات آتی ہے کہ یار کیا ہوا ہمارا گھر تو سلامت ہے اب جیسے ملک کے بیشتر حصوں میں تاریخ کا بدتریں سیلاب آیا ہوا ہے جس سے کروڑوں لوگ متاثر ہوئے ہیں لیکن جو علاقے محفوظ ہیں وہاں کے لوگ یہ کہنا شروع کردیں کہ بھائی ہم کیوں ان کی مدد کریں کیونکہ ہمارا علاقہ تو محفوظ ہے۔ لیکن ایک بات یاد رکھنی چاہئیے کہ جو انسان حالات سے نہیں سیکھتا تو پھر دھکے اس کا مقدر ہوجاتے ہیں۔اور تاریخ گواہ ہے کہ بڑے بڑے دعوے کرنے والوں کو خاک میں ملتے ایک لمحہ نہیں لگا اسی طرح اگر آج ہم کسی آفت سے محفوظ ہیں تو ہمیں اللہ پاک کا شکر بجا لانا چاہئیے اور جو ہمارے بھائی اس وقت مصیبت میں ان کی دل کھول کر امداد اور ان کے لئے دعا کرنی چاہئیے۔

میری اللہ پاک سے دعا ہے کہ وہ ہم سب کو حق بات پہ بولنے کی توفیق دے اور جھوٹ اور سچ میں تمیز کرنے کی توفیق دے ۔
آمین

کیوں ۔۔۔۔۔ ؟؟؟

__________________