السلام علیکم دوستو، بزرگو اور ساتھیو

ترقی کے اس دور میں ایک دوسرے سے آگے نکلنے اور بعض اوقات حالات کا مقابلہ کرنے کے لئے انسان وسائل کے حصول کے لئے پریشان ہے، معیار زندگی کو بہتر بنانے کے لئے نت نئے طریقے وضع ہو رہے ہیں اور لوگ حسب دلچسپی، حسب ضرورت اور بعض اوقات مجبور کچھ پیشے اختیار کر لیتے ہیں۔ جن میں حلت و حرمت کو عموما ملحوظ خاطر نہیں رکھا جاتا، یا مسئلہ اتنا پیچیدہ ہوتا ہے کہ باوجود کوشش کے اس کی نوعیت سمجھ میں نہیں آتی۔

یہاں یہ بات بھی ضمنا ذکر کر دوں کہ ایسے میں علماء کرام کی ذمہ داری کہیں زیادہ بڑھ جاتی ہے کہ دوسری اور تیسری صدی میں رائج طریقے تجارت اور کسب معاش کے بجائے موجودہ دور میں آئے روز ایجاد ہونے والے طرق کا جائزہ لے کر اسلام کی روشنی میں عوام کی رہنمائی حاصل کریں۔ اس کی تفصیلات پھر کسی وقت ان شاء اللہ

اب آتے ہی اصل مسئلے کی جانب جس کے لئے یہ دھاگہ شروع کیا گیا ہے۔
ان نت نئے طریقوں میں سے ایک طریقہ گوگل ایڈسنس کا بھی ہے، جو پچھلے کچھ عرصہ سے کافی مقبول ہوا ہے اور کئی لوگوں کے لئے فراہمی فوز گار کا ذریعہ بن گیا ہے۔
کچھ لوگوں نے ایک قدم آگے بڑھ کر ایسے ادارے بنا لئے ہیں جو گوگل ایڈسنس کے استعمال کے طریقے سکھاتے ہیں کہ کس طرح کم وقت اور محنت میں زیادہ روپیہ کمایا جا سکے ۔
اس میں وہ حیلے بھی سکھائے جاتے ہیں جو کسی حد تک فراڈ کے زمرے میں آتے ہیں ۔۔۔۔ میری سمجھ کے مطابق۔۔۔

مجھے بھی کئی بار خیال آیا کہ بجائے سارا دن دفتر میں مزدوری کرنے کے کیوں نہ یہ راستہ اختیار کر لیا جائے اور حالات کی بہتری کی کوشش کی جائے لیکن ایک سوال ہے ایک خلش ہے جو مجھے اس سے روکے ہوئے ہے۔

سوال یہ ہے کہ
گوگل ایڈسنس کے ذریعے کمائی کی شرعی حیثیت کیا ہے؟

میں نے بارہا سوچا کہ کسی عالم دین سے پوچھ لوں۔۔۔ اور میں نے سوچنا شروع کیا کہ کون ایسا فرد ہے جو مجھے اس حوالے سے صحیح رہنمائی کر سکے۔ لیکن کوئی نام میرے ذہن میں نہیں آیا
کیوں کہ یہ میرا کیال ہے کہ شاید ہی کسی عالم دین کو۔( ۔۔۔۔ سوائے معدود چند ۔۔ جن کے بارے میں بھی مجھے یقین نہیں ہے۔۔۔۔۔۔۔) یہ پتہ ہو کہ گوگل ایڈسنس کیا ہے؟ اس سے کمائی کے طریقے کیا ہیں؟ کون کون سے حیلے کر کے زیادہ کلکس کروائی جاتی ہیں؟ اس کمائی کی شرعی حیثیت کیا ہے؟

یہ سوال یہاں اس لئے ذکر کر رہا ہوں کہ نیٹ پر آنے والے اہل علم ان چیزوں سے کسی حد تک واقف ہوتے ہیں ، شاید کوئی رہنمائی کر سکے ۔


اہل علم سے مدلل جواب کی التماس ہے


و السلام

__________________
محتاج اصلاح و دعا