((فیاض انور صاحب ہماری پاک سٹدیز کے بڑے قابل استاد تھے، یہ عقدہ انہوں نے ایک دن کلاس میں واضح کیا تھا جو میں موجودہ حالات کے تناظر میں اب آپ پر کھولنے کی کوشش کروں گا((

ایک ایمانی اپرووچ ہوتی ہے اور ایک مادی سوچ، جس کی ترجمانی بین الاقوامی تعلقات میں مروجہ سفاری پیمانے کرتے ہیں کہ مفادات کے تابع پالیسی........... اور ظاہر ہے کہ ایمانی اپرووچ میں بندہ بھی اور ملکی پالیسی بھی ، سبھی ایمان کے پیمانوں کے تابع ہوتے ہیں، جیسا کہ قران میں واضح کیا گیا ہے کہ کون دوست ہے کون دشمن وغیرہ وغیرہ.یہ پالیسی شاید مزید وضاحت کی محتاج نہیں ہے.

جہاں تک آج کی دنیا کے سفارتی ((درحقیقت منافقانہ(( پیمانوں کی بات ہے تو وہ ہر معاملے میں موم کی ناک ٹائپ موقف تجویز کرتے ہیں جس سے اگے چل کر کسی بھی طرف جھکنا پڑے تو کم از کم شرم محسوس نہ ہو !!! اسی لیے کہا جاتا ہے کہ عالمی تعلقات میں کوئی مستقل دوست اور دشمن نہیں ہوتا بلکہ مفادات کے ساتھ یہ سب بدلتا رہتا ہے !!!

ان دونوں کی بنیادوں پر نظر کرنے سے ہی یہ واضح بلکہ اوضح ہو جاتا ہے کہ ان اصولوں پر جو پالیسیاں بنیں گی ان میں واضح تضاد رہے گا.

بعض مقامات ایسے آئیں گے جہاں بظاہر دونوں طرح کی پالیسیز ایک ساتھ چلتی نظر ائیں گی، لیکن ان کی نہاد کی خبر رکھنے والا اور ان کی سرشت سے واقف آدمی کسی خوش فہمی کا شکارنہیں ہو گا اور یہی نتیجہ نکالے گا کہ زود یا بدیر یہ دوبارہ اپنی اصل حالت میں بحال ہو جائیں گی !!!

ایمانی اور "مادی سفارتی" اپرووچ باری باری ملاحظہ کرتے ہیں، جس کے دوران ان کا تضاد خود بخود واضح ہوتا جائے گا::

يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ

""اے ایمان والو! یہود اور نصارٰی کو دوست مت بناؤ یہ (سب تمہارے خلاف) آپس میں ایک دوسرے کے دوست ہیں، اور تم میں سے جو شخص ان کو دوست بنائے گا بیشک وہ (بھی) ان میں سے ہو (جائے) گا، یقیناً اﷲ ظالم قوم کو ہدایت نہیں فرماتا""
المائدہ::51

صاف ظاہر ہے کہ پاکستان کو اسلام مسلمانوں اور ان دونوں کے کل لیے اپنا آج قربان کرنے والے سرفروشوں کے ساتھ کھرے ہونا چاہیے........ اسلامی نقطہ نطر سے اس میں کوئی دو رائے نہیں ہیں. اس سلسلے میں میں مزید وضاحت اس لیے ضروری خیال نہیں کرتا کیوں کہ یہ متفقہ بات ہے، اگر کسی صاحب یا صاحبہ کو اس پر بھی اعتراض ہوگا تو ان شاء اللہ قران و سنت سے لاتعداد دلائل اس پر موجود اور معروف ہیں جو پیش کیے جائیں گے. وباللہ التوفیق.

سفارتی مادی اپروچ ہمیں اپنا مفاد دیکھنے کو کہتی ہے، اگر اپنا مفاد افغانستان کے ساتھ نظر ائے تو ہم اس کے ساتھ مل کر روس کو تھکانے لگاتے ہیں، اور یہی مفاد جب تبدیل ہوتا ہے تو ہم اپنے مفاد کے لیے (جسے ہم "قومی مفاد" کی اصطلاح کے نام سے یاد کرتے ہیں( افغانستان کے خلاف امریکہ کا ساتھ دیتے نظر آتے ہیں !!!

جب روس افغانستان میں تشریف لایا تو ہمیں اپنی بقا کی فکر لاحق ہوئی،ہم نے عافیت اسی میں دیکھی کہ جنگ کی جائے اور جس حد تک ممکن ہو سکتا ہے کروائی جائے !!!اس پر طرہ یہ کہ عالمی سطح پر امریکہ کو اس بات کی ضرورت پڑ گئئ اور آج ہر کوئی یہ کہتے نہیں تھکتا کہ درحقیقت اس نے دوسرے تمام فریقوں کو ٹشو پیپر کی طرح استعمال کیا اور اپنا مطلب نکال کرایک طرف ہو رہا !!!

اسی دوران یہ دیکھا گیا کہ مسلمانوں کا نظریہ جہاد اس جنگ کو اوج کمال تک پہنچا سکتا ہے سو اس کی بے دریغ ترویج کی گئی اور اور اور.....

پالیسی کا یہ فیز کم و بیش مشرف حکومت کے پہلے ایک سال تک جاری رہا، پھر پہلے انڈیا کے ساتھ مفادات کے نام پر نرم رویہ اپنانے کی مہم چلی اور معا بعد نائن الیون نے یوٹرن سے ہمارا رخ واپس موڑ دیا.... پھر جو جو ہوا ، میں اسے دہرانے میں اپنی انگلیاں نہیں تھکانا چاہتا، مقصود یہ سمجھانا ہے کہ آج اگر پاکستان کے ادارے کسی تناظر میں دوباررہ پرو طالبان ستانس لیتے نظر بھی آتے ہیں((جبکہ یہ مفروضہ بھی قائم کرنا احمقوں کی جنت کا باسی ہونے کا سرٹیفیکیٹ ہے(( تو اس کی بنیاد قطعا بھی کسی مذہب، اسلام، لا الہ الا اللہ یا اخوت اسلامی کی زنجیر نہیں ہے بلکہ صرف اور صرف یہ وجہ ہے کہ علاقے میں طاقت کا توازن تبدیل ہو رہا ہے اور وہی جو معتوب اور مغضوب رہے ہیں ، دوبارہ تخت افغانستان پر بیٹھنے اور پاکستان پر گہرا اثر و رسوخ رکھنے کی طرف تیزی سے بڑھتے نظر آرہے ہیں جس کو اب شاید اندھا بھی نہیں جھٹلا سکتا !!!

چنانچہ اب کے مفادات کا تقا ضا یہ ہے کہ ......... !!!

جنرل ضیاء کے دور میں جو فیز ایا اس میں بھی ساہ لوحوں کو یہی ٹھوکر لگی کہ یہ پالیسی تو عین اسلام ہے اور میرے جیسے بہت سے لوگ صرف اسی بات میں اس کی حمایت کرتے بھی نظر اتے تھے اور ہیں، لیکن یہ نہ دیکھتے کہ یہ مادی سفارت اور اسلامی پالیسی میں نظر انے والا وہ وقتی رومانس ہے جو سناریو کے تبدیل ہوتے ہیں جھاگ کی طرح اڑ جائے گا، خوش فہمیوں کی جنتیں تعمیرہ ہوئیں اور اس میں رہنے والوں کو ایک لمبا عرصہ بھی خوش قسمتی سے مہیا ہواکہ وہ نوے کی پوری دھائی اس میں بسر کر سکیں !!!

اب پھر اسلامی سوچ رکھنے والے بہت سے حلقے اسی خوش فہمی کا شکار ہونے کو ہیں..... جب کہ خوش فہم ہونے کے لوازمات بھی ابھی پورے نہیں ہوئے جیسا کہ اسی کی دھائی میں سراب کافی حد تک حقیقت سے قریب تر تھا !!!

ان آخری پیرا گرافوں میں شاید اپ کچھ الجھے ہوں ،دراصل یہ تحریر کافی سے زیادہ طویل ہو چکی ہے.اس لیے آخر میں کچھ اشارات دیے ہیں، ائندہ کی تفصیل سے یہ اجمال حتی الامکان نکھارنے کی کوشش کروں گا .

ان شاء اللہ اگلی فرصت میں نظری اور فکری بحث سے ہٹ کر زمینی حقائق سے یہ واضح کرنے کی کوشش کروں گا کہ بہت سے اسلام اور پاکستان سے محبت کرنے والے ان دونوں کو بیلنس کرنے کے چکر میں تصویر کا جو رخ ریکھ رہے ہیں وہ صرف ایک سراب ہے، حقیقت میں ایبٹ آباد اور ریمنڈ ڈیوس کے بعد بھی نہ تو کوئی پالیسی شفٹ آیا ہے اور نہ ہی حکومت یا خفیہ اداروں نے "اسلام کی سربلندی" اور "نشاۃ ثانیہ" کے لیے ""اندر کھاتے""سرگرم کردار ادا کرنا شروع کیا ہوا ہے جیسا کہ اکثر زید حامد ، حافظ سعید ((جماعۃ الدعوۃ(( وغیرہ نے باور کروانا شروع کیا ہوا ہے.... ہم کل بھی مفاد کے پجاری تھے اج بھی ہیں کل بھی رہیں گے !!!

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"