ہماری سوچ اور ہماری امیجنیشن پر ہمارے الفاظ کس طرح اثرانداز ہوتے ہیں ؟
کہ ہمارے سامنے اگر بار بار غیر وقوعہ واقعہ دہرایا جائے تو ہماری سوچ اور امیجنیشن غیر حقیقی ہوجاتی ہے ۔
میں یہ بات ایک مثال سے سمجھاتی ہوں ۔
میرے بیٹے کی اردو ٹرانسلیشن کچھ گڑ بڑ تھی کافی باتوں میں مجھے اس کی تصحیح کرانی پڑتی ۔ جیسا کہ وہ hot کو سردی کہتا ۔ اور cold کو گرمی کہتا ۔
لوڈ شیڈنگ میں انتہائی گرمی میں جب وہ پسینہ پسینہ ہوتا تو وہ مجھ سے کہتا کہ مما مجھے بہت سردی لگ رہی ہے ۔
میں نے کافی عرصہ تک اس کی یہ تصحیح نہیں کرائی ۔ تصحیح نا کرانے کی وجہ کچھ یہ تھی کہ جب وہ کہتا کہ مجھے سردی لگ رہی ہے تو مجھے گرمی لگنی بھی کم ہوجاتی اور بیٹے کی گرمی کی تکلیف بھی مجھے محسوس نا ہوتی ۔
یہ ایک حقیقت ہے کہ ہماری الفاظ ہماری امیجینیشن بناتے ہیں ۔ ہم کو علم ہوتا ہے کہ ہم جھوٹ بول رہے ہیں لیکن جھوٹ بولتے بولتے ہماری امیجنیشن بھی جھوٹ پر مبنی ہوجاتی ہے ۔ اور پہر ہماری زندگی میں جھوٹ کا کردار سچ کی طرح ہونے لگتا ہے ۔
یہی کردار ہمارے معاشرے میں ہمارے اور ویسٹرن میڈیا کا ہے ۔ کہ غلط بات کو لوگوں کے سامنے اتنی بار دہرایا جائے کہ لوگوں کی امیجنیشن اس غلط بات کو قبول کرلے ۔
مثال کے طور پر
ہمارے عقیدے کے مطابق لفظ
super power صرف اللہ کی ذات کے لیے ہے اور یہی ہمارے دین کا اساس بھی ہے کہ اگر ہماری امیجنیشن اور یقین میں صرف اللہ ہی سپر پاور ہو تو ہمارے دلوں میں کسی قسم کا خوف نا ہو ۔
لیکن سپر پاور کا لفظ امریکہ کے لیے ہمارے سامنے اتنی بار دہرایا گیا ہے کہ ہم سب کچھ جانتے بوجھتے بھی جب ہمارے سامنے لفظ سپر پاور کا ذکر کیا جاتا ہے تو پہلی امیجنیشن امریکہ ہی آتی ہے اللہ کی ذات نہیں ۔
اسی طرح لفظ دہشت گرد مسلمانوں کے ساتھ اتنی بار دہرایا گیا ہے کہ ہم خود ہزار بار تردید کرنے کے باوجود جب دہشت گرد کا ذکر ہوتا ہے تو ہم مسلمانوں کے ذہن میں بھی پہلی امیجنیشن مسلمان ہی آتے ہیں ۔
اسی طرح لفظ مولوی ۔ پہلے میرے ذہن میں مولوی کی امیجنیشن بہت مثبت کردار کے حامی انسان کی تھی ۔
لیکن بار بار مولوی کو منفی کردار کے طور پر پیش کر کر کے ۔ اب مولوی لفظ پر امیجنیشن منفی آتی ہے حلانکہ دلائل کے طور پر میں اس لٍفظ کومنفی نہیں سمجھتی ہوں ۔
یہ فرسٹ امیجنیشن ، ذہن سازی کا پہلا اسٹپ ہے ۔ جو ویسٹرن پلس ہمارا میڈیا بہت اچھے طریقے سے سرانجام دے رہا ہے ۔
باقی ذہن سازی کا کام تجزیہ نگار کرتے ہیں ۔
جب ایک غلط بات کو ذہن قبول کرتا ہے تو پہر وہ تجزیہ نگاروں کے ان دلائل کو بھی سنتا ہے جو اس جھوٹ اور غلط باتوں کو اپنی لفاظی کے ذریعے صحیح ثابت کررہے ہوتے ہیں ۔ اور آہستہ آہستہ ذہن ان دلائل کو بھی تسلیم کرنے لگتا ہے جن کی کوئی بیس نہیں ہوتی ہے ۔ یا جن دلائل کو باآسانی ریجیکٹ کیا جاسکتا ہے یا جو دلائل جھوٹ پر مبنی ہوتے ہیں ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے