پچھلے سال کی طرح اس سال بھی 15 اپریل سے گھڑیاں ایک گھنٹہ آگے کرنے کا فیصلہ ہو چکا ہے۔
وجہ یہ بتائی جا تی ہے کہ چونکہ بجلی کا بحران ہے اس لئے زیادہ سے زیادہ سورج کی روشنی استعمال کی جائے اور بجلی بچائی جائے۔
بات تو معقول ہے لیکن کیا یہ ممکن ہے ؟

اس طرح کے طریقے ان ممالک میں‌ مفید ہوتے ہیں کہ وقت کی پابندی جن کا شعار ہو۔
یہاں‌ تو دیر سے آنے کو باعث فخر سمجھا جاتا ہے۔

جہاں تک بات کے مارکیٹوں کی تو۔۔
دیر تک سونا اور دیر سے جاگنا جس قوم کی عادت ہو ان کے لئے گھڑی آگے یا پیچھے کرنے سے کوئی فرق نہیں پڑتا۔

دوسری اہم بات یہ ہے کہ جس مسئلے کی وجہ سے یہ کیا جا رہا ہے اگر اسے حل کرنے کے لئے اقدامات کئے جائیں۔ توانائی حاصل کرنے کے نئے منصوبے شروع کئے جائیں۔ نہ یہ کہ گھڑیاں آگے کر کے پہلے سے پریشان عوام کو مزید پریشان کیا جائے۔

میرے خیال میں اس سے خاطر خواہ فائدہ حاصل ہونے کے امکانات بالکل محدود ہیں ۔

آپ کیا کہتے ہیں ؟؟؟؟؟؟؟
اپنی رائے کا اظہار ضرور کیجئے۔۔

۔
۔