میں تو سمجھ گیا ہوں آپ بتائیں خود

Moderated Message:

یونی کوڈ جو کہ زارا نے لکھا ہے

ہم جب تک نبی اکرم صلی اللہ علیہ والہ وسلم سے اپنی آل،اولاد، مال ودولت اورجان سے ذیادہ محبت نہ کریں ہم اس وقت تک مسلمان نہیں ہو سکتے۔ یہ میرے سمیت اس دنیا کے ہر مسلمان کا ایمان ہے۔ ہماری زندگی عشقِرسول صلی اللہ علیہ والہ وسلم سے شروع ہوتی ہے اورعشقِ رسول صلی اللہ علیہ والہ وسلم پر ہی ختم ہوتی ہے۔ دُنیاکاشایدکوئی ہی مسلمان ہوگا جسکی آنکھیں نبی اکرم صلی اللہ علیہ والہ وسلم کے ذکرپر نم نہ ہوں اورجسکا دل زکرِرسول اللہ صلی اللہ علیہ والہ وسلم پر نہ تڑپتا ہو۔ میں ان احمدرضا بریلوی کا ماننے والا ہوں جنہوں نے فرمایا تھا "میں اللہ کو اسلئے مانتا ہوں کہ اسے حضرت محمدصلی اللہ علیہ والہ وسلم اللہ کہتے ہیں"، میں اویس قرنی رحمتہ علیہ کو اپنارول ماڈل سمجھتا ہوں جو زندگی بھرنبی اکرم صلی اللہ علیہ والہ وسلم کی زیارت نہیں کر سکے لیکن اس کے باجود انکے عشق نے اِنہیں صحابی کے درجے پر فائز کیاجوعشقِ رسول اللہ صلی اللہ علیہ والہ وسلم میں اس مقام تک چلے گئے کہ اِنہیں کسی نے بتایا جنگِ احد میں آپ صلی اللہ علیہ والہ وسلم کا دانت مبارک شہید ہو گیا ہے تواویس قرنی نے یہ سوچ کرکہ پتہ نہیں محمدصلی اللہ علیہ والہ وسلم کا کونسا دانت شہید ہواہے اپنے تمام دانت توڑ دیئے اور جنکاعشق انہیں اس مرتنے تک لے گیاکہ آپ صلی اللہ علیہ والہ وسلم نے اپنا خرقہ مبارک حضرت اویس قرنی کو عنایت کرنے کاحکم دیااورساتھ ہی فرمایاجو شخص انہیں خرقہ دینے جائے وہ اُن سے اُمت کی مغفرت کی دُعاکی درخواست بھی کرے۔ میں عشقِرسول صلی اللہ علیہ والہ وسلم میں حضرت بلال رضی اللہ تعالی عنہہ کی تقلید کا قائل بھی ہوں، آپ صلی اللہ علیہ والہ وسلم کا وصال ہواتو آپ کے حلق سے اذان نہیں نکلتی تھی۔ آپ رضی اللہ تعالی عنہہ اذان دینے لگتے تواشہدان محمدًرسول اللہ پرپہنچ کرآپکی آوازآنسووں میں ڈوب جاتی اوریہ آپ صلی اللہ علیہ والہ وسلم کے عشق کی معراج تھی کہ جب حضرت عُمرفاروق رضی اللہ تعالی عنہہ نے حضرت خالد بن ولید کی گرفتاری کافیصلہ کیاتوآپ کو پورے عالم اسلام میں حضرت بلال رضی اللہ تعالی عنہہ واحدشخص دکھائی دیئے جواسلام کے سب سے بڑھ سپہ سالارکوخلیفہ کا حکم بھی پہنچا سکتے تھے اوراس حکم پر عملدرآمدکیلئے انہیں آمادہ بھی کر سکتے تھے چنانچہ حضرت بلال رضی اللہ تعالی عنہہ خلیفہ کا پیغام لیکرحضرت خالد بن ولید کے پاس پہنچے، سپہ سالارکو گھوڑے سے نیچے اُترنے کا حکم دیا۔حضرت خالد بن ولید چپ چاپ گھوڑے سے اُترآئے۔ حضرت بلال نے انہیں اپنا ہاتھ آگے بڑھانے کا حکم دیا۔ حضرت خالد نے اپنے دونوں ہاتھ حضرت بلال رضی اللہ تعالیٰ عنہہ کے سامنے کر دیئے۔ آپ رضی اللہ تعالی عنہہ نے حضرت خالد بن ولید کی پگڑی کھولی اِس پگڑی سے حضرت خالد بن ولید کے دونوں ہاتھ باندھے اوراعلان فرمایا"تم خلیفہ کے حکم سے گرفتاربھی ہوچکے ہواوراب مسلمانوں کے سپہ سالار بھی نہیں رہے" اور حضرت خالد بن ولید سمیت دولاکھ مجاہدوں کے اس لشکرمیں کسی کواِس حبشی ذادے کی بات سے انکار کی جرات نہیں ہوئی اورحضرت بلال، حضرت خالد بن ولیدکو اسی عالم میں مدینی مبارک لے آئے اور میں عشقِ رسول اللہ صلی اللہ علیہ والہ وسلم میں اسامہ بن زیدکا مقلد ہوں جنہیں نبی اکرم صلی اللہ علیہ والہ وسلم نے لشکرکا سپہ سالار بنایااورآپ صلی اللہ علیہ والہ وسلم کے وصال مبارک کے بعدجب حضرت ابو بکرصدیق نے یہ لشکر روانہ کیاتو خلیفہ نے اس حبشی ذادے کے گھوڑی کی لگام تھام رکھی تھی اورمستقبل کے جید سپہ سالار اورخلفااس حبشی زادے کے گھوڑے کے پیچھے پیچھے چل رہے تھے۔ اور میں عشقِ رسول صلی اللہ علیہ والہ وسلم میں ان عاشقوں کے عشق کا بھی قائل ہوں جوزندگی کی آخری ساعتوں تک پاوں میں جوتاپہن کرمدینہ منوریہ کی گلیوں میں داخل نہیں ہوتے کہ کہیں انکا جوتا ایسی جگہ نہ آجائے جہاں نبی اکرم صلی اللہ علیہ والہ وسلم نے پاوں مبارک رکھا ہواورمیں عشق میں اُن لوگوں کی محبت کوبھی وضو کا درجہ دیتا ہوں جو نبی اکرم صلی اللہ علیہ والہ وسلم ی داڑھی مبارک کی طرح داڑھی رکھتے ہیں۔ جو سنت سمجھ کر روز آنکھوں میں سرمہ لگاتے ہیں، جوروز شہد کھاتے ہیں، جو سفیدشلوار اور کُرتاپہنتے ہیں، جو سر میں مہندی لگاتے ہیں، جو کھسہ پہنتے ہیں، جو سرپر سبر یا سیاہ پگڑی باندھتے ہیں اورمیں عشقِ رسول صلی اللہ علیہ والہ وسلم میں ان لوگوں کو اپنا راہنما سمجھتا ہوں جو لوکی کدو کھا کر زندگی گزارتے ہیں کہ آپ صلی اللہ علیہ والہ وسلم نے لوکی کدو کو پسند فرمایا تھا۔

مجھے نبی اکرم صلی اللہ علیہ والہ وسلم کی زات مبارکہ سے عشق ہے اورمیں اس عشق میں غازی علم دی شہید کی موت مرناچاہتا ہوں۔ اورحضرت بلال اورحضرت اویس قرنی کی زندگی کا خواستگار ہوں اسکے باوجود ایک سوال اکثر میرے ذہن میں گھومتا ہے اورمیری رگ و پے کو جھنجھوڑ دیتا ہے ، میں اکثرسوچتا ہوں کہ میں عشق رسول صلی اللہ علیہ والہ وسلم مین چند سیکنڈ میں جان دینے اورلینے پر تیارہوجاتا ہوں لیکن میں نے آج تک نبی اکرم صلی اللہ علیہ والہ وسلم کے کسی فرمان، کسی حکم پر عمل نہیں کیا۔ میں عاشق تو ضرور ہوں لیکن میں نبی اکرم صلی اللہ علیہ والہ وسلم کا سچااورکھرا اُمتی نہیں ہوں۔ میں شہ رگ تک آپ صلی اللہ علیہ والہ وسلم کے عشق سے بھراہوا ہوں۔ آپ صلی اللہ علیہ والہ وسلم کے ذکرپرمیری آنکھیں چھلک جاتی ہیں، میرا دل بھی تڑپ کر سینے کی قید سے آزاد ہونے لگتا ہے لیکن میری زندگی میں نبی اکرم صلی اللہ علیہ والہ وسلم کے کسی حکم و فعل کی جھلک نہیں دکھتی۔ میں اپنے اقوال سے لیکر افعال تک کسی پہلو سے محبوب خداکااُمتی دکھائی نہیں دیتا۔ میرے رسول اللہ صلی اللہ علیہ والہ وسلم کی برداشت پر ساتوں آسمان قربان ہو جاتے تھے، آپ حرم شریف میں نمازادا کر رہے ہوتے تھے اور کفارآپ صلی اللہ علیہ والہ وسلم پراونٹوں کی اوجھڑیاں ڈال دیا کرتے تھے، جس سے آپ صلی اللہ علیہ والہ وسلم کی سانس اکھڑنے لگتی تھی۔ یہاں تک کہ آپ صلی اللہ علیہ والہ وسلم کی صاحبزادیاں بے تاب ہو کر گھروں سے دوڑ پڑتی تھیں، حرم شرید پہنچتی اورروتی جاتی تھیں اورآپ صلی اللہ علیہ والہ وسلم کے سرمبارک سے اوجھڑیاں اور انتڑیاں اُتراتی جاتی تھیں اورکفارکعبہ سے سائے میں کھڑے قہقہے لگاتے جاتے تھے،آپ صلی اللہ علیہ والہ وسلم کو طائف کے لوگوں نے پھر مارے، خون آپ صلی اللہ علیہ والہ وسلم کے سر سے بہہ کر نعلین شریف میں جم گیا۔آپ صلی اللہ علیہ والہ وسلم نے درخت کیساتھ ٹیک لگائی ، خادم نے نعلین شریف اترای تو وہ آپ صلی اللہ علیہ والہ وسلم کی حالت دیکھ کر آنسوضبط نہ کر سکا۔اس وقت فرشتوں کی برداشت بھی جواب دے گئی۔ حضرت جبرائیل امین پیس تشریف لائے اورعرض کیا اگر آپ اجازت دیں تو میں طائف کی ساری آبادی کو دو پہاڑوں کے درمیان کر دوں۔ آپ صلی اللہ علیہ والہ وسلم نے مسکرا کر انکی جانب دیکھااورفرمایا، "نہیں شاید انکی آنیوالی نسلیں مسلمان ہو جائیں"۔ آپ صلی اللہ علیہ والہ وسلم روز اس گلی سے گرتے تھے اورروز ایک مخصوص وقت پرایک بوڑھی خاتون گھرکا کوڑاآپ صلی اللہ علیہ والہ وسلم پر گرا دیتی لیکن آپ صلی اللہ علیہ والہ وسلم کی جبین پر شکن تک نہ آئی۔ آپ صلی اللہ علیہ والہ وسلم نے کبھی راستی تبدیل کیا اور نہ ہی اُسکے سلوک پر احتجاج کیا۔

میں آج اس ملک کے تمام علمائے کرام کو چیلینج کرتا ہوں کہ آیئے گھر سے باہر نکلئے اورصرف دو تین بار اپنے سر پو کوڑا بھینکنے کی اجازت دیجئے میں دیکھتا ہوں آپکا صبر کہاں تک اپنی بنیادوں پر قائم رہتا ہے۔ سر پر کوڑا برداشت کرنااورپھر مسکرانا بھی تو سنت ہے۔ آپ میں سے کون ہے جو یہ سنت ادا کرنے کیلئے تیار ہے،۔ اورآپ نبی اکرم صلی اللہ علیہ والہ وسلم کی برداشت ملاحظہ کیجئے فتح مکہ کے وقت آپ صلی اللہ علیہ والہ وسلم کے چچاحضرت حمزہ کا قاتل آپ صلی اللہ علیہ والہ وسلم کے سامنے پیش ہوا۔ آپ صلی اللہ علیہ والہ وسلم حضرت حمزہ کواپنی جان سے ذیادہ عزیز رکھتے تھے اوراُنکی شہادت پر آپ صلی اللہ علیہ والہ وسلم نے فرمایاتھا کہ پورے مدینی میں حضرت حمزہ کورونے والا کوئی نہیں اورآپ صلی اللہ علیہ والہ وسلم کے الفاظ اہلِ مدینہ کے دل میں تیر کی مانند لگے اورپورے شہر کے منہ سے آہیں اُبل پڑیں۔ حضرت حمزہ کا قاتل آپ صلی اللہ علیہ والہ وسلم کے سامنے حاضرہوااورعرض کیا"یارسول اللہ صلی اللہ علیہ والہ وسلم کیاآپ نے مجھے بھی معاف فرما دیا"۔ آپ صلی اللہ علیہ والہ وسلم نے فرمایا"ہاں میں نے تمہیں معاف کر دیا لیکن کوشش کرنا میرے سامنے تم کبھی نہ آو"۔ میں اکثراپنے آپ سے سوال کرتا ہوں کہ میرے اندروہ صبراوربرداشت کیوں نہیں جو نبی اکرم صلی اللہ علیہ والہ وسلم کی شخصیت کا حصہ تھی۔

ہم سب نبی اکرم صلی اللہ علیہ والہ وسلم کے عاشق ہیں لیکن نبی اکرم صلی اللہ علیہ والہ وسلم کے وہ عاشق کہاں ہیں جو برداشت کو سنت سمجھتے تھے؟ جو بڑے سے بڑے اختلاف کو بھی ہنس کر سہہ جاتے تھے۔ جو انسان کو آخری سانس تک اِصلاح کا موقع دیتے تھے؟ ہم اس رسول اللہ صلی اللہ علیہ والہ وسلم کی طرف کیوں نہیں دیکھتے جنہوں نے منافق اعظم کا جنازہ بھی پڑھایاتھا، اسے کرتا مبارک کا کفن بھی عنایت کیا تھااورجو اسکی مغفرت کیلئے بھی دُعا کرتے تھے ۔ ہم رسول اللہ صلی اللہ علیہ والہ وسلم کی حیات کے ان پہلووں پرعمل کیوں نہیں کرتے جن میں آپ صلی اللہ علیہ والہ وسلم مسکراتے دکھائی دیتے ہیں ، جن میں آپ صلی اللہ علیہ والہ وسلم پودوں سے اونٹوں تک شفقت کرتے ہیں اور جن میں آپ صلی اللہ علیہ والہ وسلم کافروں کو آخری سانس تک اصلاح کی گنجائش بھی دیتے ہیں۔ یہ درست ہے ہمیں عاشقِ رسول صلی اللہ علیہ والہ وسلم ہونا چاہئے کیونکہ عشق رسول اللہ صلی اللہ علیہ والہ وسلم کے بغیر ہمارا ایمان مکمل نہیں ہوتا لیکن ہمیں عاشق کیساتھ ساتھ اُمتی بھی ہونا چاہیے ۔ ہماری زندگی میں رسول اللہ صلی اللہ علیہ والہ وسلم کے کسی ایک قول کی جھلک دکھائی نہیں دیتی، ہم اعمال میں دنیاکی بدترین قوم ہیں۔ ہماری زندگیون میں خوف خدا دکھائی دیتا ہے نہ ہی سنت رسول اللہ صلی اللہ علیہ والہ وسلم لیکن اسکے باوجودہم عشقِ رسول اللہ صلی اللہ علیہ والہ وسلم کے دعوے کرتے نہیں تھکتے۔ ہم سے بڑاظالم کون ہے؟ ہمارے رسول اللہ صلی اللہ علیہ والہ وسلم کو اس وقت عاشقوں سے ذیادہ اُمیتوں کی ضرورت ہے اورعالم اسلام میں عاشق تو کروڑوں ہین لیکن آپ صلی اللہ علیہ والہ وسلم کا اُمتی کوئی نہیں۔
______________

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟