wajee

نسانی ناک خطرہ سونگھ سکتی ہے


برقی جھٹکوں کے بعد دماع کے اس حصے میں تبدیلیاں پیدا ہوئی تھیں جو سونگھنے کے صلاحیت پیدا کرتا ہے
سائنسدانوں نے دعویٰ کیا ہے کہ انسانی ناک بہت جلد ماحول میں خطرے کو سونگھنے کی صلاحیت حاصل کر سکتی ہے۔
اس سلسلے میں کیے جانے والے تجربات میں ایسے رضا کاروں کا کہنا ہے کہ معمولی برقی جھٹکوں کے بعد ان کی ناک باآسانی دو ایسی مختلف انتہائی ملتی جلتی مہکوں میں فرق کرنے لگی ہیں جو وہ پہلے نہیں کر سکتی تھیں۔

اس سلسلے میں دماغ کی سکیننگ سے بھی اس بات کی تصدیق ہوئی ہے کہ برقی جھٹکوں کے بعد دماغ کے اس حصے میں تبدیلیاں پیدا ہوئی تھیں جو سونگھنے کی صلاحیت پیدا کرتا ہے۔

بارہ رضاکاروں کو اس سلسلے میں دو طرح کی گھاس سنگھائی گئی تو وہ ان میں کوئی فرق نہہیں بتا سکے لیکن جب معمولی برقی جھٹکوں کے بعد انہیں دوبارہ گھاس کے دونوں نمونے سنگھائے گئے تو وہ ان میں باآسانی فرق کر سکتے تھے۔

شکاگو کی نارتھ ویسٹرن یونیورسٹی کے فیئن برگ سکول آف میڈیسن کے ڈاکٹر ون لی کا کہنا ہے کہ ’ابھی یہ ارتقائی مراحل میں ہے لیکن اس کے ذریعے ہم وہ حساسیت حاصل کر سکتے ہیں جو ماحولیاتی معلومات کے سمندر میں کسی ایسی چیز کو شناخت کرنے میں مدد دے سکتی ہے جو ہماری بقا کے لیے انتہائی ضروری ہو‘۔ ان کا کہنا ہے کہ ’اس سے ہمیں خطرے کی تنبیہ ہو جائے گی اور ہم اس سے بچنے پر توجہ دے سکیں گے‘۔

دماغی سرگرمیوں کا جائزہ لیے کے لیے کیے جانے والے ایم آر آئی سکینّگ سے بھی سے بھی اس بات کی تصدیق ہوئی ہے کہ برقی جھٹکوں کے بعد دماغ کے اس حصے کو جو بو اور خوشبو میں فرق کرتا ہے اور جسے اولفیکٹری کورٹیکس کہا جاتا ہے تبدیلیا رونما ہوتی ہیں۔

یونیورسٹی آف نیو کاسل کے ڈاکٹر گیراڈائن رائٹ نے اسی طرح کے تجربات جانوروں پر کیے ہیں اور ان کا کہنا ہے کہ انسانوں اور جانوروں کا حسیاتی نظام بنیادی طور پر ایک ہی طرز کا ہوتا ہے۔

__________________

یاسر عمران مرزا

اچھی تحقیقاتی رپورٹ ہے جناب، بہت شکریہ

The Great

اچھی شیرنگ ھے آپ کی جناب۔۔۔۔۔۔۔

wajee

جناب دی گریٹ بھائی اسمیں شاعری کہاں سے آ گی ہے

The Great

بھائی کہاں لکھا ھے ۔۔۔۔۔۔۔۔۔۔۔۔۔۔۔۔

ڈاکٹرنور

بھئی یہ "ناک" تو بہت ہی " خطرناک" بلکہ " خوفناک " ہولناک" اور " شرمناک " چیز ہے
حالانکہ
اکثر لوگ سمجھتے ہیں
یہ صر ف نزلہ لگانے کے کام آتی ہے۔
شکریہ اچھی شیرنگ کا۔

ام طلحہ

اچھی شئیرنگ کی ہے۔ماخذ بھی بتادیتے تو اچھا ہوتا