محمدعدنان

سائینسدانوں نے دریافت کیا ہے کہ پھول کیڑوں کی توجہ حاصل کرنے کے لیے حرکت کرتے ہیں۔
اس تحقیق نے یہ سمجھنے میں مدد دی ہے کہ پھول کیوں ہوا میں لہراتے ہیں اور یہ معلوم ہوا ہے کہ یہ لہرانا ایک چال ہے کیڑوں کی توجہ حاصل کرنے کی۔

سائینسدانوں نے یہ دریافت سی کیمپیئن نامی عام جنگلی پھول پر تحقیق کرتے ہوئے کی۔

جرنل آف ایوولیوشنری بائیلوجی میں کہا گیا ہے کہ لہراتے ہوئے پھولوں پر کیڑے زیادہ آتے ہیں اور وہ بیج کی پیداوار بھی زیادہ ہوتی ہے۔

اور ان لہراتے پھولوں میں زیادہ اقسام کے کیڑے آتے ہیں۔

کئی سالوں سے سائینسدانوں کے خیال میں پھول اپنے رنگ، خوشبو، پتیاں اور رس کے ذریعے مکھیوں اور شہد کی مکھیوں کی توجہ حاصل کرتے ہیں۔

کسی نے بھی پھولوں کا ہوا میں لہرانے کی طرف توجہ نہ دی۔

سائینسدان جان وارن کا کہنا ہے ’ساحل سمندر پر لیٹا میں پھولوں کو سمندر کی ہوا میں لہراتا دیکھ رہا تھا اور سوچا کہ ان پھولوں کا تنا کیوں ہے اور نقصان کا خطرہ مول لیتے ہیں۔‘ انہوں نے ماضی میں کی گئی تحقیق دیکھی جن سے بہت کم سوالات کے جواب ملے۔

’مجھے پھولوں کی حرکت کے حوالے سے ایک بات ملی جس میں لکھا تھا کہ یہ حرکت بے معنی ہے کیونکہ کیڑے حرکت کی کھوج لگانے میں کمزور ہوتے ہیں۔ اور یہ بات بالکل غلط ہے۔‘

مزید معلومات حاصل کرنے کے لیے وارن اور ان کے ساتھی پینری جیمز نے سی کیمپیئن پر تحقیق کی۔

انہوں نے خاص طور پر اگائے گئے تین سو پھول جن کے تنے مختلف لمبائی کے تھے اور ان کی ہوا میں لہرانے کو ریکارڈ کیا، ان پر کتنے کیڑے آتے ہیں اور کتنے بیج اگتے ہیں۔

ان کی تحقیق سے یہ بات ثابت ہوئی کہ لمبی اوور پتلے تنے والے پھول ہوا میں زیادہ لہراتے ہیں اور ان پر زیادہ کیڑے آتے ہیں۔

جان کا کہنا ہے ’لہراتے پھول کیڑوں کو زیادہ دکھائی دیتے ہیں اور بیجوں کی پیداوار بھی زیادہ ہوتی ہے۔ اور چھوٹے تنے والے پھول کم لہراتے ہیں اور کم کیڑے ان پر توجہ دیتے ہیں۔‘

__________________

The Great

واہ
کیا کمال کی معلومات ھے۔

عروج

واہ۔ عجب کارستانیاں ھیں۔

نیلم خان

اچھی شئیرنگ ہے عدنان بھائ ۔

ارشی

کل کو کوئی نیا سائنسدان آکر کوئی نیا بیان دے گا۔