حیدر

انیس سو انہتر کے موسم گرما میں چاند پر پہلے انسان نیل آمسٹرونگ کی چہل قدمی کے محض دو ہفتے بعد ہی راکٹ سائنس کے ایک ماہر، وہرنر وان بران، نے انسان کو مریخ پر اتارنے کا ایک تفصیلی منصوبہ، بمعہ ممکنہ اخراجات کی فہرست، ناسا کو پیش کر دیا تھا۔

امریکہ کے چاند پر پہنچنے کے پروگرام کے روح رواں ڈاکٹر وان بران کا خیال تھا کہ خلاء بازوں کو ابتدائی طور پر دو سال کے لئے اس سرخ سیارے پر بھیجا جائے گا اور واپسی پر وہ زہرہ (وینس) کے قریب سے گزرتے ہوئے آئیں۔

منصوبے کے تحت یہ کام انیس سو بیاسی تک ہو جانا تھا اور اس میں کمپیوٹرائزڈ راکٹ استعمال ہونا تھا۔ اس راکٹ کو زمین کے مدار میں رکھا جانا تھا جہاں سے اسے آٹھ سو ٹن بھاری خلائی گاڑی کو مریخ تک لیجانا اور واپس لانا تھا۔

پروفیسر وان بران کے اندازے کے مطابق اس منصوبے پر سالانہ چھ ارب ڈالر کے اخراجات ہونا تھے۔
لیکن ہوا یہ کہ انیس سو ساٹھ تک ذرائع ابلاغ اور سیاستدان اپنا اپنا خلاء کا شوق پورا کر چکے تھے اور اس وقت معاشی طور پر بھی یہ منصوبہ زیادہ پرکشش نہیں لگ رہا تھا۔ نتیجہ یہ ہوا کہ ڈاکٹر وان بران کی تجاویز پر کسی نے کان نہ دھرے۔

درمیانی عرصے سے تیزی سے گزرتے ہوئے خود کو موجودہ صدی میں لے آئیے۔

سنہ دو ہزار ایک میں یورپی خلائی ایجنسی نے ’ارورا‘ نامی ایک تحیقی پروگرام کی منظوری دی جس کا حتمی ہدف سنہ دو ہزار تیس تک انسان کو مریخ پر اتارنا بتایا گیا۔

پھر سنہ دو ہزار چار میں امریکی صدر جارج ڈبلیو بُش نے بھی انسان کو دوبارہ چاند پر بھیجنے کے ایک پروگرام کا اعلان کیا جس کا اگلا مرحلہ مریخ پر پہنچنا ہے۔

کیا انسان کبھی مریخ پر جا سکے گا؟

عامرشہزاد

اللہ ہی بہتر جانتا ہے

ڈاکٹرنور

ہم تو ابھی اپنی زمین پر پاوں رکھنا نہیں سیکھے بدر بھائی
مریخ پر کیسے جائیں گے۔۔

ابو عمار

بھائی ابھی تو یہ بھی شک ہے کہ آیا انسان چاند پر بھی کبھی گیا ہے یا نہیں۔ مریخ پر جانا تو بہت دور کی بات ہے۔

حیدر

ابو عمار بھائی آپ شاید صدی کے نہیں بلکہ انسانی تاریخ کے سب سے بڑے جھوٹ کو کھولنے کی کوشش کر رہے ہیں۔ یعنی سائینسی جھوٹ۔ یعنی آج تک جتنی بھی خلائی ترقی ہوئی سب بکواس ہو گی؟

arifkarim

کیوں کیا سائنس جھوٹی نہیں ہو سکتی۔ جب مذہب میں منافقت جائز ہے تو سائنس میں بھی جائز ہے۔ آخر کو دونوں کو حضرت انسان، منافق اعظم نے ہی تخلیق دیا ہے

حیدر

بات سمجھے نہیں ۔ اگر ہم کہتے ہیں کہ انسان آج تک چاند پر نہیں پہنچا تو اسکا مطلب ہوا کہ بشمول بھارت ۔ ۔ ۔ دنیا کے جو اتنے ممالک خلائی مشنوں پر اتنے پیسے خرچ کر رہے ہیں وہ بھی ڈھکوسلہ ہوگا۔ محض بیان بازی ہو گی شیخ چلی کی۔ اگر ایسا ہے یہ یہ تو مذہیبی منافقت سے بڑھ کر کی بات ہے۔ یہ تو تاریخ انسانی کا سب سے بڑا جھوٹ ہوگا۔

فاروق سرورخان

بندہ اگر زمین پر آجائے تو بہت بڑی بات ہے ۔۔۔۔۔

ابو عمار

بھائی میں یہ دعوٰی نہیں کر رہا کہ انسان کبھی چاند پر نہیں گیا۔ بلکہ یہ کہہ رہا ہوں کہ یہ مسئلہ ابھی تک زیرِ بحث ہے اور اس پر آپ کو نیٹ سے کافی آسانی سے بہت سا مواد مل سکتا ہے۔

میں یہ نہیں کہہ رہا کہ خلائی تحقیق اور خلائی مشن سب ڈھکوسلہ ہیں، میں یہ کہہ رہا ہوں کہ مجھے انسان کے چاند پر جانے پر شک ہے۔

ویسے ایک بات یہ بھی ہے کہ اپالو کے مشن کے بعد آج تک کوئی اور چاند پر کیوں نہیں گیا۔ کیا ایک امریکہ کا ہی چاند پر جانا کافی تھا۔

میں یہاں‌ اس مغالطے کے حق میں اور جو اس کے خلاف ہیں ان دونوں کے لنک شئیر کررہا ہوں:

Was The Apollo Moon Landing Fake?

چاند کی تسخیر کے بارے میں چند مغالطے

چاند پر انسانی قدم، حقیقت یا ڈرامہ

حیدر

ابو عمار بھائی میں بات سمجھا نہیں پا رہا۔ میرا مقصد اس خآص واقعہ پر اعتراض کرنا نہیں بلکہ یہ کہنا ہے کہ اس بات سے قطع نظر کہ امریکہ کو چاند پر جانا ڈرامہ تھا یا نہیں کیا آج کی خلائی ترقی جیسا کہ مریخ پر روبوٹ بھیجنا، بھارت کا چاند پر پہنچنے کی کوشش کرنا ، لوٹو کی طرف مشن بھیجنا وغیرہ یہ سب بھی ڈھکوسلے تو نہیں‌

راجہ اکرام

مریخ پر جانا ۔۔۔۔۔۔۔۔۔۔
سائنس نے ہمیں یہ تو سکھا دیا کہ ہوا میں پرندوں کی طرح کیسے اڑنا ہے
مچھلیوں کی طرح پانی میں کیسے تیرنا ہے
لیکن یہ نہیں سکھایا کہ زمین پر انسانوں کی طرح کیسے رہنا ہے

خود مغرب جو سائنس کے میدان میں بہت زیادہ ترقی کر گیا ہے اسے ابھی تک انسانی اقدار تک کا علم نہیں، دوغلے پن قائم یہ نظام چیخ چیخ کر مطالبہ کرتا ہے کہ مریخ اور چاند پر جانے سے پہلے انسانوں کی طرح رہنا سیکھ لو۔ کب تک استحصال کرو گے کمزوروں کا، کب تک خون بہاؤ گے مخالفین کا؟

ڈھونڈنے والا ستاروں کی گزر گاہوں کا۔۔۔۔۔۔۔۔۔۔۔اپنے افکار کی دنیا میں سفر کر نہ سکا

خبر دیتی تھیں جن کو بجلیاں بے خبر نکلے

__________________
محتاج اصلاح و دعا

منتظمین

سوال یہ نہیں کہ کیا انسان مریخ پر پہنچ سکے گا یا نہیں۔ بلکہ سوال یہ ہےکہ انسان مریخ پر کب پہنچے گا۔

__________________
تم سپاہی نہیں ہو پیشہ ور قاتلو!

راجہ اکرام

جب دنیا پر آبادی کی مزید جگہ نہیں رہے گی
لینڈ مافیا کے قبضے مکمل ہو جائیں گے تو پھر مریخ پر الاٹمنٹ کا کام شروع ہو جائے گا

یاسر عمران مرزا

انسان پہلے دنیا تو تباہ و برباد کر لے ، پھر مریخ کا بھی سوچے گا۔ ابھی بہت سارے غریب باقی ہیں ان سب کو مارنے کے لیے پلاننگ کرنی ہے بھائی، یہ غریب ہوتے بھی تو بڑے ڈھیٹ ہیں مرتے مرتے بھی سال لگا دیتے ہیں، ان کو پتہ جو ہے کہ اک دن مرنا ہے تو فورا کیوں نہیں مر جاتے

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

راجہ اکرام

جی یاسر بھائی آپ درست کہتے ہیں
میرا بھی جی چاہتا ہے کہ مر جاؤں پر سنا ہے کہ جان نکل جاتی ہے
اور جان تو آپ کو پتا ہے ناں سب کو پیاری ہوتی ہے