champion_pakistani

السلام علیکم
گوگل نے انٹرنیٹ ایکسپلورراور فائر فوکس کے مقابلے پر ایک اپنا اوپن سورس ویب براؤزر پیش کیا ہے جو چالیس زبانوں میں دستیاب ہوگا۔کیلی فورنیا میں قائم گوگل کے کروم نامی اس نئے براؤزر میں ملٹی میڈیا اورگرافکس پر خصوصی توجہ دی گئی ہے اور اسے مستقبل میں ویب کے استعمال کو مدِ نظر رکھتے ہوئے تیار کیا گیا ہے۔یہ براؤزر چالیس زبانوں میں دستیاب ہوگا۔ اس کا بِیٹا ورژن فی الحال سو ممالک میں ونڈوز آپریٹنگ سسٹم کے کمپیوٹرز کے لیے جاری کیا گیا ہے جبکہ میکنٹوش اور لنکس نظام کے کمپیوٹرز کے لیے یہ براؤزربعد میں دستیاب ہوگا۔ نئے براؤزر کے حوالے سے گوگل کمپنی میں پراڈکٹ مینجمنٹ کی نائب صدر سندر پچائی نے ایک بلاگ میں لکھا ہے کہ ہمیں اس بات کا احساس ہوا کہ ہمیں براؤزر پر نئے سرے سے غور کرنے کی ضرورت ہے۔ انہوں نے لکھا کہ ہمیں جو چیز درکار تھی وہ صرف ایک براؤزر نہیں بلکہ ویب صفحات اور ایپلی کیشنز کے لیے ایک جدید پلیٹ فارم تھا اور اسی کی تیاری کے لیے ہم نے کام کیا۔گوگل اس سے پہلے پکاسا، گوگل ڈاکیومنٹس اور گوگل میپس جیسی ویب اپلیکشنز پیش کر چکا ہے اور اب یہ نیا براؤزر مائیکروسافٹ کی اجارہ داری ختم کرنے کی کوشش ہے ۔ مائیکروسافٹ کے ویب براؤزرانٹرنیٹ ایکسپلورر کو تقریباً اسّی فیصد نیٹ صارفین استعمال کرتے ہیں۔
شکریہ آر نیوز

طارق راحیل

کمال ہے بھئی۔ ۔۔۔۔۔۔۔۔۔۔۔