ھُدیٰ ایک بہن اور بھائی سے بڑی تھی۔ باپ بڑا سرکاری آفیسر تھا۔ اللہ نے اپنے رستے کی ھدایت دی تو پنجگانہ نماز باجماعت کا عادی ھو گیا۔ کراچی میں ایک ھی مسجد میں جمعہ پڑھتے وہ اُن عالم صاحب کی شخصیت و ذھانت کے گرویدہ ھو گئے۔
وھاں کے مفتی صاحب کے گوش گزار اپنا مدعا بیان کیا '' مَیں اپنی سولہ سالہ آٹھ جماعت پاس اور ایک سالہ بنیادی عالمہ کے کورس کی حامل بیٹی کا رشتہ اِن عالم سے کرنا چاھتا ھوں''
بات آگے بڑھی اللہ کو یہ جوڑ پسند آیا جو کہ خالصتاً دینی بنیاد لیے ھوئے تھا۔ چند ماہ بعد ھی ھُدیٰ ان کے گھر کا حصّہ بن گئی اور اپنا آپ بھی بُھلا دیا۔ دوھی سالوں میں وہ دو بیٹوں کی ماں بن چکی تھی۔ وہ لوگ اب اس کی چھوٹی بہن کو بھی اپنے چھوٹے صابزادے کے لیے مانگ رھے تھے مسئلہ صرف وقت کا تھا ھُدیٰ کے والدین اپنی بڑی بیٹی کی کم عمری میں شادی کر کے گزرتے مسائل کے باعث اب دوسری بیٹی کی شادی ذرا سمجھدار عمر میں کرنا چاہ رھے تھے جب کہ یہی بات ان لوگوں نے اَنا کا مسئلہ بنا لیا اور عالم صاحب کی دوسری شادی کی ضدّ کی اب مخالفت چھوڑ ر تائید کر کے اجازت دے دی۔
ھُدیٰ کو وہ پہلے ھی منا رھا تھا اور ھُدیٰ کی بات کہ ''بنیادی اخراجات کی تنگی '' کو وہ ''چار شادیاں سنّت ھیں'' کہہ کر جھٹلا دیتا۔
وقت کا کام گزرنا ھے، ھُدٰی کو کڑے امتحان سے گزرنا تھا وہ سوکن کے ساتھ وقت کے بٹوارے کا صدمہ سہہ گئی موجودہ اور آنے والےبچے کی خاطر۔
وہ گِرتی صِحّت کے ساتھ یہ راز چھُپا نہ سکی اور والدین بھی اس راز کےصدمے کی لپیٹ میں آگئے۔
''آج کا مَرد کیسا ھی نیک اور دیانتدار ھو وہ برابری قائم نہیں رکھ سکتا'' یہ سچ سوچ اور سہہ سہہ کر وہ کئی امراض کا شکار بن گئی۔ والدین نے داماد کو سختی سے برابری قائم کرنے کو کہا۔ انہیں دنوں انکے ھاں بیٹی نے جنم لِیا۔۔
دو ھی بیویوں میں وقت اور اخراجات میں توازن نہ رکھ سکنے کے باوجود وہ چار شادیوں کی ضِدّ پر قائم تھا۔
دوسری بیوی ھر حالت میں'' پہلی ''سے شوھر کو'' دُور اور بدظن '' کرنے کی کوشش میں مصروف تھی جبکہ تین بچوں کے ساتھ ھُدیٰ اکیلی اور والدین کے خرچ پر گھر جوڑ کررکھنے کی کوشش میں، اس کم عمری کے باوجود، مصروف تھی مگر بُرا وقت آکر ھی رھتا ھے۔
مسلسل ھفتے میں ایک ھی دن کی حاضری کے بعد اب ناغے ھی ھونے لگے ،وہ بیچاری بیماری اور ضروری اشیا کے لیے والدین ھی کو کہتی جبکہ شوھر کے فون پر، گھر آنے کے وعدے فقط بہانے ثابت ھوتے رھے۔ ایک دن ساریرات اُس کا انتظار کرنے کے باوجود صبح ھوگئی جب وہ آیا ،ساری رات کی جاگی ھوئی، نازوں پَلی ،سخت ترین حالات کو مسلسل برداشت کرتی جوان بیوی آخر اُس سے ناراضگی کے باعث روٹھ گئی ، نہ بیٹھنے کو کہا نہ بات کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔اب کی بار تو'' واقعی شیر آیا تھا'' سو نیند سے بیزار عالم صاحب جاتے سمے دروازہ کھلا ھی رکھنے کی بحث میں ایک بار لفظ ''طلاق'' کہہ بیٹھے ۔ کچھ ھوش آئی تو فون پر رابطے کرنے کی کوشش کی مگر اب بہت دیر ھوچکی تھی، یہ بات سب کو ھُدیٰ مفتی سے ''شوھراب نامحرم ھو گیا''کنفرم کرنے کے بعد بَتا چکی تھی ۔
بڑھاپےاورریٹائرمنٹ کے قریب والد پریہ صدمہ کیاتھا،صرف ایک آٹھ سالہ بیٹے کاباپ ھی جانتا ھے۔بیس سالہ مطلقہ بیٹی کے ساتھ تین کم عمر بچوں کا بوجھ ؟؟؟ یہی سوچ آج کے سنگدل معاشرے کے اطوار دیکھتے ھوئے ایک باپ کو ان ھی کی خاطر جینے کا حوصلہ مجتمع کرنے کو کافی تھی۔
آخر قصور کس کا ؟

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔