ہر برس مارچ اور اپریل کے مہینوں میں جاپان میں ایک منفر د تہورا منایا جاتا ہے جس کو حنا مستوری کے نام سے یاد کیا جاتا ہے ۔ جاپانی زبان میں حنا کا مطلب ”ڈول یا گڑیا “ کے طور پر لیا جاتا ہے ۔ اس تہوار کے موقع پر ایک جشن کا سماں بندھ جاتا ہے جہاں پر قیمتی گڑیاوں کو گھروں اورکمیونٹی کلب میں نہایت خوبصورتی کے ساتھ سجایا جاتاہے ۔ لڑکیاں بہت شوق سے اپنی گڑیوں کا سامان تیار کرتی ہیں اور ان کو خوبصورتی کے ساتھ سجاتی ہیں ، جبکہ خاندان مختلف عبادت گاہوں کارخ کرتے ہیں اور وہاں پر خصوصی دعاوں کے ذریعے تمام لڑکیوںکی درازی عمر اور زندگی کی خوشیوں کے لیے دعائیں کرتے ہیں۔

قریباً ایک ہفتے پر محیط یہ تہوار قدیم زمانے سے خصوصی طور پر لڑکیوں کے لیے منعقد کیا جاتا ہے ۔قیمتی گڑیا جو نمائش کے لیے پیش کی جا تی ہیں، ان کو دیکھنے کے لیے لوگ جوق در جوق ان جگہوں کا رخ کرتے ہیں ۔ اس موقع پر کھانے پینے اور سجاوٹ کے مختلف سٹالز سجائے جاتے ہیں اور مختلف مقابلوں کا انعقاد بھی ہوتاہے۔ اس دن انواع و اقسام کی چاکلیٹ بھی تیار کی جاتی ہیں اور ان کو نہایت کم قیمت پر فروخت کیا جاتا ہے ۔چھوٹی بچیاں خود کو گڑیا کی مانند تیار کرتی ہیں اور لوگوں سے خوب داد وصول کرنے کے علاوہ ان سے مختلف انعامات بھی حاصل کرتی ہیں۔

ف۔س۔سلہری